Lebítanüxü̃arü puracüchiga 26:36 - Tupanaarü Ore

³⁶ Rü ñuxre i pema i perü uanügüanewa maxẽãcü ngẽxmagüxe, rü tá muü̃ pexca̱x íchanguxẽxẽ. Rü ngẽxguma wüxi i naixatü rünguxgu rü nagacha̱xwa tá pibuxmü, ñoma taramaxã pewe nangẽgüxü̃rüxü̃. Rü tá ipeyayi woo taxuxü̃ma pewe ngẽgügu.

Lebítanüxü̃arü puracüchiga 26:36 Referans Kwoze

Echequié 21:7

Rü ngẽxguma cuxna nacagügu nax ta̱xacüca̱x cuxaxuxü̃, ¡rü namaxã nüxü̃ ixu nax cuxaxuxü̃ erü paxa tá ínangu i wüxi i ãũcümaxü̃chixü̃! Rü guxü̃ i duü̃xü̃gü tá naxca̱x rümaachigüxü̃ rü tá naxca̱x yanguãẽgüxü̃. Rü norü muü̃maxã tá nidu̱xruxe. Rü marü ningaicaxüchi nax ínanguxü̃ i ngẽma tá ngupetüxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Ichaía 30:17

Rü wüxitatama i perü uanü rü tá 1,000 i pema pexü̃ nibuxmüxẽxẽ. Rü ngẽxguma 5 yixĩxgu i perü uanügü rü guxãma i pema rü tá na̱xcha̱xwa pibuxmü. Rü noxretama i pema tá ípeyaxügü ñoma wüxi i wonerapaweru i nüxica ma̱xpǘneétügu puxü̃rüxü̃. Rü ñoma wüxi i naixmena̱xã i cua̱xruxü̃ i nüxica ma̱xpǘneétügu puxü̃rüxü̃ tá pixĩgü.

Lebítanüxü̃arü puracüchiga 26:17

Rü choma rü tá pemaxã charüxuanü, rü perü uanügü rü tá pexü̃ narüporamae, rü tá pemaxã inacua̱x i ngẽma pexchi aiexü̃. Rü pema rü tá naxcha̱xwa pibuxmü woo taxuxü̃ma pewe ngẽgügu.

Echequié 21:15

Rü ngẽma tara rü tá poraãcü nanamuü̃xẽxẽ i duü̃xü̃gü. Rü tá nangẽxma i muxü̃ma i yuexü̃. Rü guxü̃nema ya ĩpatawa tá nangu i ngẽma tara i dairuxü̃. Rü ngẽma nixĩ i ngẽma tara i ya̱u̱xracüüxü̃ rü yaba̱i̱xbeanexẽẽxü̃ rü meama waixmaguxü̃ nax duü̃xü̃güxü̃ nada̱i̱xü̃ca̱x.

Echequié 21:12

Rü cumax, Pa Yatüx, ¡aixta naxü rü curü ngechaü̃maxã naxaxu! Erü ñaa chorü tara rü tá nanadai i guxü̃ma i chorü duü̃xü̃gü rü guxü̃ma i Iraétanüxü̃arü ãẽ̱xgacügü. ¡Rü ñu̱xma nax yu namaxã chaxueguxü̃ i chorü duü̃xü̃gü rü curü ngechaü̃maxã cugüremügu napogü!

Ichaía 7:4

Rü ñaa orexü̃ namaxã ixu: “¡Naxuãxẽ rü cugüna nadau! Natürü tama name nax cubaixãchixü̃ rü cumuü̃xü̃ rü icurümaãchixü̃ naxca̱x i ngẽma Chíriaanearü ãẽ̱xgacü i Rechíü̃ rü ñu̱xũchi Peca i Remaría nane i pemaxã nuexü̃. Erü ngẽmagü rü ñoma taxre i üxüchametü irücaixgüxü̃rüxü̃ nixĩgü, natürü paxa tá nixogü.

Ichaía 7:2

Rü Acáxmaxã rü napatacüã̱xmaxã nüxü̃ nayarüxugüe ga ore ga ñaxü̃: —Ngẽma Chíriacüã̱xgü rü Efraíü̃tanüxü̃maxã nügü narüngüxẽẽgü nax taxca̱x íyaxü̃ãchixü̃ca̱x —ñaxü̃. Rü yemaxü̃ naxĩnügu rü nüma ga Yudáanearü ãẽ̱xgacü rü norü duü̃xü̃gü rü inanaxügüe nax muü̃maxã yadu̱xruxexü̃ ñoma naixnecüwa ngẽxmagüxü̃ i naigü i buanecüemamaxã íxiã̱xtanücüüxü̃rüxü̃.

Ucu̱xẽgüchiga 28:1

Ngẽma chixexü̃ üxü̃, rü niña ega woo taxúema nawe ingẽchigügu. Natürü ngẽma aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.

Norü taxre ga to ga popera ga ãẽ̱xgacügüchiga ümatüxü̃ 14:14

Rü nümagü ga Yudáanearü churaragü rü naxca̱x ínayaxüãchi ga guxü̃nema ga guma ĩanegü ga Gueráxarü ngaicamana yexmagüne. Rü yexguma yemaxü̃ nadaugügu ga yema duü̃xü̃gü rü poraãcü Tupanape̱xewa namuü̃e. Rü nümagü ga Yudáanearü churaragü rü nanapuxü̃ ga muxü̃ma ga norü yemaxü̃gü.

1 Chamué 17:24

Rü nümagü ga Iraéanecüã̱xgü ga yexguma yema yatüxü̃ nadaugügu rü poraãcü namuü̃e, rü naxcha̱xwa nixü.

Yochué 5:1

Rü guxü̃ma ga norü ãẽ̱xgacügü ga Amoréugü ga natü ga Yudáü̃cutüarü éstewaama yexmagüxü̃, rü norü ãẽ̱xgacügü ga Cananéugü ga Már ga Mediteráneuarü ngaicamana yexmagüxü̃ rü nüxü̃ nacuáchigagü ga Cori ya Tupana rü nayapayetamaxẽẽãxü̃ ga natü ga Yudáü̃ nax yachoü̃xü̃ca̱x ga Iraétanüxü̃. Rü nümagü ga yema ãẽ̱xgacügü rü poraãcü namuü̃e ga yemaxü̃ nacuáchigagügu, rü yemaca̱x tama Iraétanüxü̃maxã nügü nadaixchaü̃.

Wenaxarü naxümatü ga Tupanaarü mugü 1:44

Rü yexguma ga yema Amoréutanüxü̃ ga guma ma̱xpǘnegügu ãpatagüxü̃ rü pexca̱x naxĩ, rü ñoma máxẽgürüxü̃ pewe nangẽgü. Rü Cheígu pexü̃ nadai ñu̱xmata Ormágu yacuáx.

Naanearü ügüchiga 35:5

Rü yexguma inaxĩãchigu ga Betéwa nax naxĩxü̃ca̱x, rü Tupana rü nanamuü̃xẽxẽ ga guxü̃ma ga yema ĩanegücüã̱x ga Chiquéü̃arü ngaicamana yexmagüxü̃ nax tama Acóbu nanegüwe nangegüxü̃ca̱x.

Naanearü ügüchiga 4:12

Rü woo tá naanewa cupuracü, natürü taxuxü̃táma i nanetü cuxü̃́ nixo. Rü tá ñaa naanegu cunaxũpetüanemare rü tagutáma curüngü̃ —ñanagürü.

Lebítanüxü̃arü puracüchiga 26:35

Rü ngẽxguma nangearü duü̃xü̃güã̱xgu rü ngẽma naane rü tá inarüngü̃, erü yexguma pema nawa peyexmagüyane rü taguma ipenangü̃xẽxẽ.

Yochué 7:5

Rü 36 ga Iraétanüxü̃xü̃ nadai, rü yema togü rü nawe nangẽgü ñu̱xmata guma ĩanearü ĩxpemawa nangugü, rü yexma norü tuãchianexü̃gu nayadai. Rü yemaca̱x ga Iraétanüxü̃ rü narümaachitanü rü poraãcü namuü̃e.

Yox 13:25

Choma rü cupe̱xewa rü wüxi i naixatü i buanecü ingexü̃rüü̃mare chixĩ ¿Rü ta̱xacüca̱x choxü̃ quimáxchaü̃? Choma rü ñoma maxẽ i marü ipaxü̃rüxü̃ chixĩ. ¿Rü ta̱xacüca̱x chowe quingechigü?

Wiyaegü 53:5

Rü ngẽma duü̃xü̃gü rü muü̃maxã nidu̱xrue woo nataxuguma i ta̱xacüca̱x namuü̃exü̃. Yerü Tupana rü marü nanawoone ga naxchina̱xãgü ga yema curü uanügü ga cuxca̱x íyaxüãchixü̃. Rü cuma rü cunaxãneexẽxẽ ga yema uanügü, yerü Tupana rü marü nüxü̃ naxo.

Yeremía 37:10

Rü woo marü nüxü̃ perüporamaegügu i ngẽma Cadéugüarü churaragü i pexca̱x íyaxüãchixü̃ rü ñuxrexicatama i norü churaragü i napíexü̃ íyaxügügu i norü pegüchicawa, rü ngẽmagü rü tá ínarüdagü rü tá nawa nanangixichigü ya daa ĩane ya Yerucharéü̃” —ñanagürü.

Yeremía 46:16

Rü perü churaragü rü nügümaxã narüxü rü ngẽmaca̱x nügüétü nayi. Rü nügümaxã ñanagürügü: “¡Ngĩxã ítachoxü̃ i nua, rü tachixü̃ane i nagu ibuexü̃wa taxĩ! ¡Ngĩxã tibuxmü naxcha̱xwa i ngẽma dai i ãũcümaxü̃!” ñanagürügü.

Auxexü̃chiga 1:3

Rü ñu̱xma i ngẽma Yudáanecüã̱xgü rü ngúxü̃ ningegü rü taxü̃ i guxchaxü̃wa nangẽxmagü. Rü ngẽmaétüwa rü norü uanügü rü to ga nachixü̃anewa nanagagü. Rü yima ĩane ya Yerucharéü̃ ga ü̃pa guxü̃nema ga naigü ga Yudáanearü ĩanegüétüwa yexmane rü ñu̱xma i norü duü̃xü̃gü rü taguma inarüngü̃gü nax guxchaxü̃wa nangẽxmagüxü̃. Rü yema norü uanügü ga nawe ingẽxü̃tanüxü̃ rü marü nüxü̃ inayangaugü rü naxme̱xgu nayi rü chixri namaxã inacua̱xgü.

Auxexü̃chiga 1:6

Rü yema nax cumexẽchichiréxü̃, Pa Chióü̃x, rü ñu̱xma rü cuxü̃́ inayarüxo. Rü ngẽma curü ãẽ̱xgacügü rü ñoma cowü i nawemüca̱x daugüxü̃rüxü̃ nu ne nanaxĩmare. Rü nibuxmüchire̱x natürü norü uanügüpe̱xegu naturae.

Auxexü̃chiga 4:19

Rü torü uanügü i towe ingẽxü̃tanüxü̃ rü ĩyürüxü̃ niporaxüchi. Rü máxpü̱xanexü̃wa towe ningẽxü̃tanü rü chianexü̃wa yütagü toxca̱x ninuagü.

Wiyaegü 53:6

Chierüx yima ma̱xpǘne ya Chióü̃wa ne naxũxgu ya Tupana ya Iraétanüxü̃arü poxü̃ruxü̃. Rü ngẽxguma Tupana nanawoeguxẽẽgu i norü duü̃xü̃gü, rü Acóbutaagü rü tá nataãẽgü rü guxü̃ma i Iraétanüxü̃ rü nataãẽgü.

Wiyaegü 89:43

Rü ngẽma curü duü̃xü̃güarü tara rü cuyatécaxẽxẽ, rü tama nüxü̃ curüngü̃xẽxẽ i ngẽxguma norü uanügümaxã nügü nadaixgux.

Ochéa 8:3

Natürü nüma i ngẽma Iraéanecüã̱xgü rü nüxü̃ naxoe i ngẽma mexü̃. Rü ngẽmaca̱x i norü uanügü rü tá nawe ningẽxü̃tanügü.