Lebítanüxü̃arü puracüchiga 26:34 - Tupanaarü Ore

³⁴ Rü ngẽxguma ngẽma perü uanügüchixü̃anewa pengẽxmagüyane rü perü naane rü tá nangearü duü̃xü̃güã̱x rü tá inarüngü̃. Rü ngẽmaãcü tá nanayauxtanü ga gumá taunecügü ga nagu taguma inangü̃cü.

Lebítanüxü̃arü puracüchiga 26:34 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 36:21

Rü yemaacü nixĩ ga yanguxü̃ ga yema Tupanaarü ore ga Yeremíawa nüxü̃ yaxuxü̃ ga ñaxü̃: —Ngẽma naane rü tá inarüngü̃ —ñaxü̃. Rü aixcüma yemaacü nangupetü yerü yema 70 ga taunecü ga Cadéugüme̱xẽwa nax nayexmaxü̃ ga yema Yudáanecüã̱xgü rü inarüngü̃ ga yema naane, yerü nataxuma ga duü̃xü̃gü ga nawa puracüexü̃.

Lebítanüxü̃arü puracüchiga 26:43

Rü ngẽxguma tama perü naanewa pengẽxmagüyane, rü ngẽma naane rü tá inarüngü̃. Natürü i pema rü tá penaxütanü i perü pecadu, yerü nüxü̃ pexo ga chorü ucu̱xẽgü rü naxchi pexai ga chorü mugü.

Lebítanüxü̃arü puracüchiga 25:10

Rü ngẽxguma 50 ya taunecüwa nanguxgu, rü yimá taunecü rü üünecü tá nixĩ. Rü yimá taunecügu rü tá penaxunagü nax marü ípenguxü̃xü̃ i guxãma i pema i togüme̱xẽwa nax pengẽxmagüxü̃. Rü guxãma i pema rü petanüxü̃güca̱x tá pewoegu rü wenaxarü perü naanearü yora tá pixĩgü.

Lebítanüxü̃arü puracüchiga 26:35

Rü ngẽxguma nangearü duü̃xü̃güã̱xgu rü ngẽma naane rü tá inarüngü̃, erü yexguma pema nawa peyexmagüyane rü taguma ipenangü̃xẽxẽ.

Nüxíraxü̃xü̃ ga popera ga ãẽ̱xgacügüchiga 8:46

Rü ngẽxguma curü duü̃xü̃gü guxü̃ i duü̃xü̃gürüxü̃ cupe̱xewa chixexü̃ naxügügu rü ngẽmaca̱x namaxã cunuxgu, rü norü uanügüme̱xẽgu cunayixẽẽgu nax ngẽmaãcü to i nachixü̃ane i yáxü̃guxü̃wa rüe̱xna ngaicamaguxü̃wa nagagüãxü̃ca̱x,

Yeremía 34:17

Rü ngẽmaca̱x i choma ya Cori ya Tupana rü ñachagürü: ‘Pema rü tama chauga pexĩnüe rü wena penayauxgü i ngẽma petanüxü̃ i mugüruü̃gü rü penapuracüexẽxẽ. Rü ngẽmaca̱x tá pexü̃ chapoxcue rü tá pexca̱x chayange̱x i ngẽma dai rü da̱xaweane rü taiya, nax ngẽma taxü̃ i chixexü̃ i pexü̃ ngupetüxü̃ rü wüxi i cua̱xruxü̃ yixĩxü̃ca̱x nape̱xewa i guxü̃ma i ngẽma togü i nachixü̃anegü i ñoma i naanewa ngẽxmagüxü̃. Rü choma ya Cori ya Tupana nixĩ i nüxü̃ chixuxü̃ i ngẽma’ ” —ñanagürü.