Lebítanüxü̃arü puracüchiga 26:33 - Tupanaarü Ore

³³ Rü pema rü togü i nachixü̃anegu tá pexü̃ chawoone. Rü chorü taramaxã tá pewe chingẽchigü. Rü ngẽma pechixü̃ane rü tá chianexü̃xü̃ chayaxĩxẽxẽ. Rü perü ĩanegü rü nachitaxü̃xica tá ínayaxügü.

Lebítanüxü̃arü puracüchiga 26:33 Referans Kwoze

Echequié 20:23

Rü yema ínachianexü̃wa rü namaxã chanaxuegu nax guxü̃ma i nachixü̃anegü i ñoma i naanewa ngẽxmagüxü̃gu tá chanawoonexü̃.

Wenaxarü naxümatü ga Tupanaarü mugü 4:27

Rü nüma ya Cori ya Tupana rü guxü̃ma i nachixü̃anegügu tá pexü̃ nawoone. Rü noxretátama i pema tá nixĩ i ngẽma nachixü̃anegüwa peyaxüxgüxü̃.

Echequié 22:15

Rü guxü̃ i nachixü̃anegügu tá chanawoone i curü duü̃xü̃gü nax ngéma nangẽxmagüxü̃ca̱x. Rü ngẽmaãcü tá meama íchanapigü i ngẽma curü pecadugü.

Wiyaegü 44:11

Rü cuma rü nüxna toxü̃ cumugü ñoma carnérugü i daiwa nagagüxü̃rüxü̃. Rü ngẽma togü i nachixü̃anegu toxü̃ cuwoonemare.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Auxexü̃chiga 4:15

Rü duü̃xü̃gü rü nüxna nacagüe rü tagaãcü nüxü̃ ñanagürügü: —¡Toxna pixĩgachi rü ípechoxü̃ i nua! Duü̃xü̃gü i ãũãchixü̃ pixĩgü. ¡Rü taxṹ i toxü̃ pingógüxü̃! —ñanagürügü. Rü ngẽma togü i nachixü̃anecüã̱xgü i tama Tupanaaxü̃́ yaxõgüxü̃ rü nüxü̃ ñanarügügü: —Pemax rü duü̃xü̃gü i naxĩanemarexü̃ pixĩgü. Rü taxucürüwa daa ĩanegu pixãpatagü —ñanagürügü.

Yeremía 9:16

Rü nagu tá chanawoone i nachixü̃anegü i nümagü rü nanatügü rü woo norü o̱xigü tama nüxü̃ cua̱xgüxü̃. Rü norü uanügü rü taramaxã tá nawe changegüxẽxẽ nax nadaiaxü̃ca̱x nax ngẽmaãcü bai i wüxi íyaxüxü̃ca̱x” —ñanagürü ga Cori ya Tupana.

Auxexü̃chiga 1:3

Rü ñu̱xma i ngẽma Yudáanecüã̱xgü rü ngúxü̃ ningegü rü taxü̃ i guxchaxü̃wa nangẽxmagü. Rü ngẽmaétüwa rü norü uanügü rü to ga nachixü̃anewa nanagagü. Rü yima ĩane ya Yerucharéü̃ ga ü̃pa guxü̃nema ga naigü ga Yudáanearü ĩanegüétüwa yexmane rü ñu̱xma i norü duü̃xü̃gü rü taguma inarüngü̃gü nax guxchaxü̃wa nangẽxmagüxü̃. Rü yema norü uanügü ga nawe ingẽxü̃tanüxü̃ rü marü nüxü̃ inayangaugü rü naxme̱xgu nayi rü chixri namaxã inacua̱xgü.

Popera ga Chantiágu ümatüxü̃ 1:1

Pa Chautanüxü̃ i 12 i Iraétücumügü i Ngechuchuaxü̃́ Yaxõgüxü̃ i Guxü̃ i Naanewa Nawogüxü̃x, choma i Chantiágu pexü̃ charümoxẽ. Rü choma nixĩ i Tanatü ya Tupanaaxü̃́ rü tórü Cori ya Ngechuchu ya Cristuaxü̃́ chapuracüxü̃.

Norü taxre ga to ga popera ga ãẽ̱xgacügüchiga ümatüxü̃ 7:19

Natürü ngẽxguma pema rü choxna pixĩgachitanügu rü tama peyanguxẽẽgu i ngẽma mugü ga pexna chaxãxü̃ rü naxchicüna̱xãgüxü̃mare picua̱xüü̃gügu, rü choma rü tá nawa pexü̃ íchawoxü̃ i ñaa naane i pexna chaxãxü̃. Rü tá nüxna chixũgachi ya daa chopata ya taxü̃ne ya chaxüünexẽẽchiréne, rü tá wüxi i cugüruxü̃ pexü̃ chixĩxẽxẽ nape̱xewa i ngẽma togü i nachixü̃anegü.

Neemía 1:8

¡Rü nüxna nacua̱xãchi i curü ore i Moichémaxã nüxü̃ quixuxü̃! Erü cuma rü nüxü̃ quixu rü ngẽxguma toma chixexü̃ cupe̱xewa taxü̱xgu rü tá togü i nachixü̃anegügu toxü̃ cuwoonemare, natürü ngẽxguma chi wena cuxca̱x tawoeguxgu rü aixcüma nagu tamaxẽgu i curü mugü, rü woo ñoma i naane íyacuáxü̃gu tawoonegu, rü cuma rü chi tochixü̃aneca̱x toxü̃ cuyagagü, rü ngẽma nachica i üünexü̃ i cumatama nüxü̃ cuxunetaxü̃ nax nawa cungexmaxü̃wa wenaxarü toxü̃ cugagüxü̃ca̱x.

Wiyaegü 106:27

Rü yexgumarüxü̃ ta ga nataagümaxã rü nanaxuegu rü tá nadaiaxü̃ rü to ga nachixü̃anegü ga tama nüxü̃́ yaxõgüxü̃gu nawooneãxü̃.

Ichaía 1:7

Rü pechixü̃ane rü naxnücüane i chianexü̃xü̃ nayanguxuchi, rü perü ĩanegü rü nixae rü niya̱u̱xragü. Rü ngẽma perü uanügü rü pepe̱xewa nanangõ̱xgü i ngẽma pema petogüxü̃ i penetüarü o. Rü guxü̃ma i perü naane rü naxnücüane i chianexü̃xü̃ nayanguxuchi yema Chodómaxü̃ ngupetüxü̃rüxü̃ ga yexguma yaxaxgu.

Yeremía 7:34

Rü ngẽma Yudáanearü ĩanegüwa rü Yerucharéü̃arü namagüwa tá ichayanaxoxẽxẽ nax nagu nawiyaegüxü̃ i petaarü wiyaegü, rü taãẽarü wiyaegü, rü ngĩgüarü wiyaegü. Rü guxü̃táma i ngẽma nachixü̃ane rü wüxi i chianexü̃mare tá nixĩ —ñanagürü.

Yeremía 13:24

Rü ngẽmaca̱x tá pexü̃ chawoone ñoma chianexü̃wa ne ũcü ya buanecü maxẽ ya pacü woonecürüxü̃.

Yeremía 15:4

Rü guxü̃táma i nachixü̃anegüarü duü̃xü̃gü rü tá naxca̱x namuü̃e i ngẽma poxcu i Yudáanecüã̱xmaxã chaxueguxü̃ nagagu ga yema chixexü̃ ga Yudáanearü ãẽ̱xgacü ga Manaché ga Echequía nane üxü̃ ga Yerucharéü̃wa.

Yeremía 31:10

Pa Duü̃xü̃gü i To i Nachixü̃anecüã̱xgüx, ¡Iperüxĩnüe i norü ore ya Cori ya Tupana, rü penaxunagü nawa i ngẽma pechixü̃anegü i yáxü̃wa ngẽxmagüxü̃ i márpechinüwa! ¡Rü ñapegürügü: “Cori ya Tupana rü noxri rü Iraétanüxü̃maxã nanawoone, natürü i ñu̱xma rü wena nananutaque̱xe. Rü nüma tá nüxna nadau ñoma wüxi i carnéruarü dauruxü̃ norü carnéruna dauxü̃rüxü̃”, ñapegürügü!

Echequié 5:2

Rü ngẽxguma marü yapugüãgu ya yima ĩane ya Yerucharéü̃ ¡rü ngẽma tomaepü̱xtücumü i cuyaewa nayaxu i wüxitücumü, rü ĩanearü ngãxü̃wa yagu! ¡Ngẽmawena rü nayaxu i ngẽma norü taxretücumü i cuyae! ¡Rü wüxi ya cüxchimaxã yima ĩanecüwagu yawíü̃güchigü! ¡Rü ngẽma norü tomaepü̱xtücumü i cuyae rü buanecügu nawogü! Rü choma rü yimá ĩanecüã̱xgü i duü̃xü̃güweama tá chixũchigü namaxã i wüxi i tara i cho̱xme̱xgu tá chingexü̃.

Amúx 9:4

Rü ngẽxguma norü uanügü nachixü̃anegüwa nagagügu, rü choma rü tá ngémacüã̱xü̃ chamu nax taramaxã nadaiaxü̃ca̱x. Choma rü guxü̃gutáma poxcumaxã nüxü̃ chadawenü rü tama ta̱xacürü mexü̃maxã —ñanagürü.

Nüxíraxü̃xü̃ ga popera ga ãẽ̱xgacügüchiga 8:46

Rü ngẽxguma curü duü̃xü̃gü guxü̃ i duü̃xü̃gürüxü̃ cupe̱xewa chixexü̃ naxügügu rü ngẽmaca̱x namaxã cunuxgu, rü norü uanügüme̱xẽgu cunayixẽẽgu nax ngẽmaãcü to i nachixü̃ane i yáxü̃guxü̃wa rüe̱xna ngaicamaguxü̃wa nagagüãxü̃ca̱x,

Norü taxre ga popera ga ãẽ̱xgacügüchiga 25:9

Rü nayagu ga guma Tupanapata ga taxü̃ne rü ãẽ̱xgacüpata rü napatagü ga yema ãẽ̱xgacügü ixĩgüxü̃. Rü yemaacü ínanagu ga guxü̃nema ga ĩpatagü ga guma ĩanewa yexmagüne.

Neemía 1:3

Rü nümagü rü choxü̃ nangãxü̃gü rü ñanagürügü: —Ngéma rü tama aixcüma mea inixũ. Rü ngẽma duü̃xü̃gü i Yudáanegu rüchoxü̃ rü poraãcü ngúxü̃ ningegü rü chixexü̃ nüxü̃ naxüpetü. Rü ngẽma naxtapü̱x ya yima tórü ĩane ya Yerucharéü̃ rü nanaxa̱i̱xrügumaraxü̃tama ga nagu nax napogüexü̃ rü tauta wena Yechúa nanaxügü. Rü yema naxtapü̱xarü ĩã̱xgü ga ínaguxü̃ rü tauta wena nanaxüchicüxügü —ñanagürügü.

Ester 3:8

Rü nüma ga Amáü̃ rü ãẽ̱xgacü ga Achuéruxü̃tawa naxũ nax namaxã nüxü̃ yanaxuxü̃ca̱x nachiga ga yema. Rü ñanagürü: —Pa Ãẽ̱xgacüx, rü natanüwa i guxü̃ma i ngẽma togü i nachixü̃anecüã̱xgü rü nangẽxma i wüxitücumü i tama togümaxã wüxiguchaü̃xü̃. Erü ngẽma nacümagü rü nanatoraxü̃ rü tama naga naxĩnüe i ngẽma curü mugü, Pa Ãẽ̱xgacüx. Rü ngẽmaca̱x, Pa Ãẽ̱xgacüx, rü tama name nax ñaa naane i namaxã icucuáxü̃wa namaxẽxü̃.

Wiyaegü 44:12

Rü ítanüxü̃gu tomaxã cutaxe, rü taxuxü̃ma nawa cuyaxu nax tomaxã cutaxexü̃.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Yeremía 4:7

Rü ngẽma uanü rü ñoma leóü̃ i naxmaxü̃wa ixũxũxü̃rüxü̃ marü ínaxũxũ i nachixü̃anewa. Rü ngẽma uanü ga togü ga nachixü̃anegüxü̃ rüxoxẽẽxü̃ rü marü inaxũãchi nax pechixü̃aneca̱x íyagoõchixü̃ca̱x. Rü ngẽma uanü rü tá nagu napogüe i perü ĩanegü rü ngẽmaãcü nachitaxü̃güxica tá ngéma nayaxügüxẽxẽ.

Yeremía 8:3

Rü ngẽma duü̃xü̃gü i chixexü̃ ügüxü̃ i ñu̱xma maxẽxü̃wa íyaxügüxü̃, rü choma rü tá to i nachixü̃anegu chanawoone. Rü ngẽma ínachamugüxü̃wa rü tá nagu narüxĩnüe rü chi narümemae ga noxtacüma nax nayuexü̃ rü tama namaxẽxü̃. Rü chomatama ya Cori ya Tupana ya Guxãétüwa Ngẽxmaxe nixĩ i nüxü̃ chixuxü̃ i ngẽma ore —ñanagürü.

Auxexü̃chiga 1:1

Ñu̱xma rü nangeãcumare ya daa ĩane ya Yerucharéü̃ ga ü̃pa muãcuchiréne. Rü ñoma wüxi i ngexü̃ i yutexü̃rüxü̃ nixĩ ya daa ĩane ga guxü̃nema ga Yudáanearü ĩanegüétüwa üchiréne. Rü guma ĩane ga tachirénearü duü̃xü̃gü rü ñu̱xma rü norü uanügüme̱xẽwa nangẽxma nax ngẽmagü poraãcü napuracüexẽẽxü̃ca̱x.

Auxexü̃chiga 4:16

Rü nümatama ga Cori ya Tupana rü nanawoonemare, rü tama nüxü̃ narüngü̃xẽxẽ. Rü taxúema naga taxĩnüe ga yema chacherdótegü rü taxúema nüxü̃ tangechaü̃ ga yema ãẽ̱xgacügü.

Echequié 12:20

Rü guxü̃nema ya daa ĩanegü i nawa namaxẽne i ngẽma duü̃xü̃gü rü tá inayarüxogü. Rü ñaa nachixü̃ane rü tá chianexü̃xü̃ nayanguxuchi. Rü ngẽxguma tá nixĩ i pemax rü nüxü̃ picua̱xãchitanüxü̃ nax choma chixĩxü̃ ya Cori ya Tupana’ ” —ñanagürü.

Ochéa 9:6

Rü ngẽxguma naxcha̱xwa pibuxmügu i ngẽma poxcu rü ngẽma Equítuanecüã̱xgü rü tá pexü̃ ínayauxü̃, rü norü ĩane ya Ménfigu tá pexü̃ nata̱xgü. Rü ngẽma perü meruü̃gü i diẽrumünaxca̱x rü yima pepatachicawa rü naxcu rü chuchuxü̃ tá narüxügü.