Lebítanüxü̃arü puracüchiga 26:32 - Tupanaarü Ore

³² Rü tá chanachixexẽxẽ i pechixü̃ane rü ngẽmaãcü i perü uanügü i nagu ãpatagüchaü̃xü̃ rü tá namaxã naba̱i̱xãchie

Lebítanüxü̃arü puracüchiga 26:32 Referans Kwoze

Yeremía 9:11

Rü Tupana rü ñanagürü: —Nutagüxü̃ tá chayanguxuchixẽxẽ ya Yerucharéü̃, rü wüxi i ngowagüarü pegüchicaxü̃ tá chayaxũxẽxẽ. Rü yima Yudáanearü ĩanegü rü chianexü̃xü̃ tá chananguxuchixẽxẽ, rü taxuxü̃táma i duü̃xü̃gü nawa namaxẽ —ñanagürü.

Yeremía 25:11

Rü ñaa nachixü̃ane rü guxü̃watáma nachixe, rü nachitaxü̃xicatama ngéma nayaxü. Rü ngẽma norü duü̃xü̃gü i ngẽma nachixü̃anegü rü 70 ya taunecü rü Babiróniaanearü ãẽ̱xgacüme̱xẽwa tá nangẽxmagü.

Yeremía 19:8

Rü choma rü daa ĩane rü wüxi i chianexü̃xü̃ tá chananguxuchixẽxẽ. Rü ngẽxguma duü̃xü̃gü nüxü̃ daugügu rü tá naba̱i̱xãchie. Rü guxãma ya nawa chopetüxe rü tá namaxã taba̱i̱xãchie nax nachitaxü̃xica ngéma yaxüxü̃.

Yeremía 18:16

Rü ngẽmaãcü nanachianexẽẽgü i ngẽma nachixü̃ane, rü ngẽma togü i duü̃xü̃gü rü namaxã naba̱i̱xãchie. Rü guxü̃ma i ngẽma duü̃xü̃gü i nawa chopetüxü̃ rü baixãchimaxã naneaerugü.

Echequié 5:15

Rü ngẽxguma chorü numaxã perü chixexü̃gagu taxü̃ i poxcumaxã pexü̃ chapoxcuegu, rü guxü̃ma i ngẽma togü i duü̃xü̃gü rü tá pemaxã naguxchigagü rü pexü̃ nacugüe. Rü guxü̃ma i ngẽma togü i nachixü̃anegü i pexna ngaicamaxü̃arü dauxcüraxü̃ruxü̃ tá pixĩgü. Rü choma ya Cori ya Tupana nixĩ i nüxü̃ chixuxü̃ i ngẽma.

Yeremía 25:18

Rü yema Yerucharéü̃cüã̱xgü, rü Yudáanearü ĩanegücüã̱xgü rü wüxigu norü ãẽ̱xgacügümaxã, yema copuwa chayaxaxexẽẽgü nax yemaacü nayuexü̃ca̱x ga norü duü̃xü̃gü rü nagu napogüexü̃ca̱x ga norü ĩanegü rü nachicaxica íyaxügüxü̃ca̱x. Rü ñu̱xma rü ta ya yima ĩanegü rü norü chixexü̃gagu baixãchixẽẽruü̃gü rü cugüruü̃gü nixĩgü. Rü duü̃xü̃gü rü chixri nachiga nidexagü.

Nüxíraxü̃xü̃ ga popera ga ãẽ̱xgacügüchiga 9:8

Rü daa chopata ya taxü̃ne rü ngẽma naxtapü̱xgü tá nügüétü nayi, rü guxü̃ma i ngẽma ngéma üpetüxü̃, rü tá namaxã naba̱i̱xãchi rü nüxü̃ tá nacugüe rü tá ínaca: “¿Tü̱xcüü̃ ya Tupana rü ngẽmaãcü namaxã nanangupetüxẽxẽ i ñaa nachixü̃ane rü daa napata ya taxü̃ne?” ñanagürügü tá.

Wenaxarü naxümatü ga Tupanaarü mugü 28:37

Rü guxü̃nema ya yima ĩanegü ya Cori ya Tupana pexü̃ mugünewa, rü pema rü wüxi i baixãchixẽẽruxü̃ rü cugüruxü̃ tá pixĩgü.

Ore i mexü̃ ga Luca ümatüxü̃ 21:20

Rü ngẽxguma nüxü̃ peda̱u̱xgu nax perü uanügüarü churaragü Yerucharéü̃xü̃ íchomaeguãchixü̃, rü ngẽmawa tá nüxü̃ pecua̱x nax paxa tá nagu napogüexü̃ ya yima ĩane.

Abacú 3:17

Rü woo i ngẽma igunecü rü yangechacugu, rü woo i ngẽma úba rü ngẽma oribu rü nangearü õõ̱xgu, rü woo ngẽma naanegüwa rü nataxuxguma i ori̱x i buxgüxü̃, rü woo nayuegu i ngẽma carnérugü i nachitaxü̃wa, rü woo marü nataxuxguma i wocagü i naxpüü̃wa, natürü i choma rü taãẽãcüma ta nüxü̃ chicua̱xüxü̃ ya Cori ya Tupana ya chorü maxẽẽruxü̃.

Danié 9:18

Pa Chorü Tupanax ¡choxü̃ naxĩnü i ñaa chorü yumüxẽ erü curü duü̃xü̃ chixĩ! ¡Rü mea nangugü nax ñuxãcü poraãcü nachixexü̃ ya yima ĩane ya Yerucharéü̃ ya nawa cuégagu cuxna taca̱xaxü̃ne! Rü tama ta̱xacürü mexü̃ i cupe̱xewa taxüxü̃gagu nixĩ i cuxü̃ taca̱xaxü̃xü̃, natürü cuxna taca erü cuma rü cuxü̃́ tangechaxü̃tümüü̃gü woo taxü̃ ga chixexü̃ nax taxügüchiréxü̃.

Danié 9:2

Rü gumá taunecü ga nagu yangucuchicügu ga Daríu rü choma ga Danié rü nawa íchangu̱x ga yema popera ga Tupanaarü orearü uruxü̃ ga Yeremía ümatüxü̃. Rü yema ore ga nawa changúxü̃ rü nüxü̃ nixu nax 70 ya taunecü tá ninge nax chixexü̃wa nangẽxmaechaxü̃ ya Yerucharéü̃, yerü yemaacü nixĩ ga Cori ya Tupana Yeremíamaxã nüxü̃ yaxuxü̃.

Auxexü̃chiga 5:18

Rü ñu̱xma ya yima ma̱xpǘne ya Chióü̃wa rü ĩpatachicagüxica nawa nayaxügü. Rü ngéma naxĩĩxü̃ rü nawoeguxü̃ i ngowagü.

Auxexü̃chiga 4:12

Rü guxü̃ma ga yema togü ga nachixü̃anegüarü ãẽ̱xgacügü ga ñoma ga naanewa yexmagüxü̃ rü taguma nagu narüxĩnüe nax wüxi ga ngunexü̃gu rü yema Yerucharéü̃arü uanügü rü tá guma ĩanearü ĩã̱xgüwa yaxücuxü̃.

Yeremía 44:22

Natürü nüma ga Cori rü marü tama yáxna namaxã naxĩnü ga yema chixexü̃ ga pexügüxü̃ ga nüma poraãcü naxchi naxaixü̃. Rü yemaca̱x ga pechixü̃ane rü ñu̱xma rü nachitaxü̃xicatama ínayaxü, rü taxúema nawa tamaxẽ. Rü ngẽmaãcü i ñu̱xma rü pechixü̃ane rü chixexü̃arü cua̱xruxü̃ nixĩ rü duü̃xü̃gü rü poraãcü namuü̃e i ngẽxguma nüxü̃ nadaugügu ga yema pechixü̃anemaxã ngupetüxü̃.

Yeremía 44:2

Rü nüma ya Cori ya Iraétanüxü̃arü Tupana ya Guxü̃étüwa Ngẽxmacü rü ñanagürü: —Pema rü marü nüxü̃ pedaugü ga yema taxü̃ ga guxchaxü̃gü ga Yerucharéü̃ca̱x rü yema togü ga Yudáanearü ĩanegüca̱x íchanguxẽẽxü̃. Rü ñu̱xma rü nachitaxü̃xicatama ínayaxügü, rü taxúema nawa tamaxẽ.

Yeremía 25:38

Nüma ya Cori ya Tupana rü ñoma wüxi i leóü̃ i nuãcü naxmaü̃wa ixũxũxü̃rüxü̃ nixĩ. Rü yima nachixü̃ane rü wüxi i chianexü̃xü̃ nixĩ, erü Cori ya Tupana rü poraãcü nanu rü yemaca̱x dai naxca̱x ínanguxẽxẽ.

Ichaía 64:10

Rü yima curü ĩanegü ya üünegüne rü nachica i taxúema nagu ãpataxü̃ nixĩgü. Rü Chióü̃ rü wüxi i chianexü̃ nixĩ. Rü Yerucharéü̃ rü nagu napogüe rü taxuwama name.

Ichaía 24:1

Dücax, Cori ya Tupana rü tá chianexü̃xü̃ nananguxuchixẽxẽ i ñaa naane, rü ngẽma duü̃xü̃gü i nawa maxẽxü̃ rü tá nanawoonexẽxẽ.

Ichaía 6:11

Rü yexguma ga choma rü nüxna chaca rü ñachagürü: —¿Ñuxre i ngunexü̃ tá nixĩ i ngẽmaãcü yixĩxü̃, Pa Corix? —ñachagürü. Rü yexguma ga nüma rü choxü̃ nangãxü̃ rü ñanagürü: —Ngẽmaãcü tá nixĩ ñu̱xmatáta yima ĩanegü rü nagu napogüe, rü taxuxü̃táma i duü̃xü̃ ínayaxü rü ñu̱xmatáta ya yima ĩpatagü rü nangearü duü̃xü̃güã̱xgü rü naanegü rü nabáianemare rü ñu̱xmatáta íchanamuxü̃ i ngẽma duü̃xü̃gü i norü naanewa, rü ngẽmaãcü i nachixü̃ane rü nangeãcumare.

Ichaía 5:9

Rü Cori ya Tupana ya Guxãétüwa Ngẽxmacü rü nanaxuegu rü ñanagürü: —Rü muxü̃nema ya ĩpatagü rü tá niwa̱xtaü̃gü. Rü woo yima ĩpatagü rü nimexẽchi natürü taxúetama nawa tangexma.

Ichaía 5:6

Rü ñu̱xũchi tá íchanata̱x i ngẽma úbanecü. Rü taxúetama tayayoatü rü taxúetama tanangĩxcanecü rü ngẽmaãcü tá chuxchuxü̃gü rü chixexü̃ i natüane nanecüwa narüxügü. Rü tá nüxna chaxãga i caixanexü̃ nax tama nanecügu napuxü̃ca̱x —ñanagürü ya Tupana.

Yeremía 12:11

Rü nanangeãcuxẽẽgü ga yema naane, rü ñu̱xũchi nanachixexẽẽgü. Rü yexguma nüxü̃ chada̱u̱xgu rü poraãcü changechaü̃. Rü guxü̃wama ga yema nachixü̃anewa rü nachianemare, natürü taxuxü̃ma naxca̱x naxoegaãxẽ.

Yeremía 33:10

Rü nüma ya Cori ya Tupana rü ñanagürü ta: —Ñu̱xma i pema rü nüxü̃ pixu nax wüxi i chianexü̃ yixĩxü̃ i ñaa naane, rü nataxuma i duü̃xü̃gü rü naeü̃gü, rü Yerucharéü̃arü namagü rü Yudáanearü ĩanegüarü namagü rü nangeãcugü rü taxúema nawa tamaxẽ rü bai i duü̃xü̃gü rü bai i naeü̃gü. Natürü pemaxã nüxü̃ chixu rü wenaxarü daa ĩanewa tá nüxü̃ pexĩnüe i duü̃xü̃gü.