Lebítanüxü̃arü puracüchiga 26:30 - Tupanaarü Ore

³⁰ Rü choma rü tá nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxregu tá chanamate i perü pumarate̱xearü guruü̃gü. Rü wüxigu tá chananutaque̱xe i pexene i yuexü̃ naétügu i ngẽma tupanachicüna̱xãgü i ngearü maxü̃ã́xü̃. Rü ngẽmawa tá pexü̃ chanawe̱x nax pexü̃ chaxoxü̃.

Lebítanüxü̃arü puracüchiga 26:30 Referans Kwoze

Norü taxre ga popera ga ãẽ̱xgacügüchiga 23:20

Rü ñu̱xũchi nüma ga Yochía rü yema tupananetagüarü ãmarearü guruü̃güétügu nanadai ga guxü̃ma ga yema chacherdótegü ga guma ngutaque̱xepataü̃güwa puracüexü̃. Rü ñu̱xũchi yema chacherdótegüxü̃negüétüwa ínanagu ga duü̃xẽchina̱xãgü. Rü yemawena rü Yerucharéü̃ca̱x nataegu.

Ichaía 27:9

Natürü nüma ya Cori ya Tupana rü tá nüxü̃́ nüxü̃ inayarüngüma i ngẽma Iraétanüxü̃arü chixexü̃gü rü tá ínanapi i norü pecadugü i ngẽxguma nagu napogüegu i norü tupananetagüarü ãmarearü guruü̃güarü nutagü, ñoma nuta ya cal íxraxü̃gu pocürüxü, rü ngẽxguma ínawogüãgu i ngẽma naigü i Acheráchicüna̱xãgü i namaxã natupanaã̱xgüxü̃ rü nagu napogüegu i ngẽma guruü̃gü i nawa norü tupananetagüca̱x pumarate̱xe ínagugüxü̃.

Echequié 6:13

Rü ngẽxguma ngẽma maxẽxü̃ i duü̃xü̃gü nüxü̃ daugügu i ngẽma yuexü̃ i naxchicüna̱xãgüpe̱xegu nuquegüxü̃, rü ãmarearü guruü̃gücüwagu nuquegüxü̃, rü guxü̃ma i ngüchitaerugüxü̃gu nuquegüxü̃, rü ma̱xpǘnegügu nuquegüxü̃, rü guxü̃ma i nai i taetaxü̃tüü̃gu nuquegüxü̃, rü guxü̃ma i castaña i taetaxü̃tüü̃gu nuquegüxü̃, rü ñu̱xũchi ngẽma nachicagü i norü naxchicüna̱xãgüca̱x pumarate̱xe íyagugüxü̃gu nuquegüxü̃, rü ngẽxguma ngẽmaxü̃ nadaugügu i ngẽma duü̃xü̃gü i íyaxügüxü̃ rü tá nüxü̃ nicua̱xãchitanü nax choma chixĩxü̃ ya Cori ya Tupana.

Yeremía 14:19

Rü nüma ga Yeremía rü Cori ya Tupanana naca rü ñanagürü: —Pa Corix, ¿rü guxü̃gutáma e̱xna Yudátanüxü̃xü̃ cuxo? ¿Rü e̱xna düxwa marü tama yáxna namaxã cuxĩnü i ngẽma Chióü̃cüã̱xgü? ¿Rü ta̱xacüca̱x poxcu i taguma gúxü̃maxã toxü̃ cupoxcue? Rü ítayanguxẽẽgü nax mea toxü̃ nangupetügüxü̃ca̱x, natürü taxuxü̃ma i mexü̃ toxca̱x ínangu. Rü ítayanguxẽxẽ nax taãxẽ toxca̱x ínguxü̃, natürü ãũcümaxü̃xicatama toxca̱x ínangu.

Wiyaegü 89:38

Natürü i ñu̱xma rü nüxü̃ cuxo rü tama nüxü̃ cucuáxchaü̃ ya yimá ãẽ̱xgacü ya cumatama nüxü̃ cuxunetacü. Rü namaxã cunu.

Norü taxre ga to ga popera ga ãẽ̱xgacügüchiga ümatüxü̃ 31:1

Rü yexguma marü nagu̱xgu ga guxü̃ma ga yema peta, rü guxü̃ma ga yema Iraétanüxü̃ ga yéma yexmagüxü̃, rü Yudáanearü ĩanegüwa naxĩ. Rü nagu nayapogüe ga gumá nutagü ga duü̃xü̃gü namaxã tupanaã̱xgücü, rü nagu napogüe ga yema Acheráchicüna̱xãgü, rü ñu̱xũchi nagu napogüe ta ga yema tupananetagüarü ãmarearü guruü̃gü ga ma̱xpǘnegüwa yexmagüxü̃. Rü yemaacü nanaxügü rü ñu̱xmata nagu̱xẽẽgüã ga guxü̃ma ga yema nüxü̃ yacua̱xüü̃güxü̃ ga Yudáanewa rü Bẽyamíü̃anewa yexmagüxü̃, rü ñu̱xũchi Efraíü̃anewa rü Manachéanewa yexmagüxü̃. Rü yemawena ga guxü̃ma ga yema Iraéanecüã̱xgü rü wüxichigü norü ĩanegüca̱x nawoegu.

Norü taxre ga to ga popera ga ãẽ̱xgacügüchiga ümatüxü̃ 23:17

Rü yemawena rü Baáarü ngutaque̱xepataü̃wa naxĩ rü nagu napogüe. Rü yexgumarüxü̃ ta nagu napogüe ga yema Baáarü ãmarearü guruü̃gü rü yema Baáchicüna̱xãgü. Rü yema Baáarü chacherdóte ga Matáü̃ rü yema norü ãmaregüarü guruü̃güpe̱xegu nayama̱xgü.

Norü taxre ga popera ga ãẽ̱xgacügüchiga 23:16

Rü yexguma Betéwa nataeguchaü̃gu rü nüma ga Yochía rü yéma ma̱xpǘnewa nüxü̃ nadau ga wüxi ga tauxque. Rü norü duü̃xü̃güxü̃ namu nax nadegüãxü̃ca̱x ga guma naxchina̱xãgü ga yéma yexmagüne. Rü ñu̱xũchi yema ãmarearü guruxü̃ ga nagu napogüxü̃chicawa ínanagu ga guma naxchina̱xãgü. Rü yemaacü nagu nayanachixexẽxẽ ga yema nachica nax taxuacüma norü ãmare yéma ínagugüxü̃ca̱x ga duü̃xü̃gü. Rü yemaacü ningu ga yema Tupanaarü ore ga ü̃pa norü orearü uruü̃wa nüxü̃ yaxuxü̃.

Norü taxre ga popera ga ãẽ̱xgacügüchiga 23:8

Yemawena rü nüma ga Yochía rü Yerucharéü̃wa naxca̱x nangema ga guxü̃ma ga yema tupananetagüarü chacherdótegü ga Yudáanearü ĩanegüwa yexmagüxü̃. Rü ínanawogü ga guxü̃ma ga yema tupananetagüarü ãmarearü guruü̃gü. Rü ĩane ga Guébawa inanaxügü rü ñu̱xmata ĩane ga Bechébawa nangu nax ínawogüãxü̃ ga yema tupananetagüarü ãmarearü guruü̃gü ga chacherdótegü pumarate̱xe nawa yagugüxü̃. Rü yexgumarüxü̃ ta nagu napogü ga yema tupananetagüarü ãmaregüarü guruü̃gü ga Yerucharéü̃arü ãẽ̱xgacü ga Yochuépatacüwawa yexmagüxü̃ rü yema ãmaregüarü guruü̃gü ga guma ĩaneca̱x ixücuxü̃arü to̱xwecüwawa yexmagüxü̃.

Nüxíraxü̃xü̃ ga popera ga ãẽ̱xgacügüchiga 13:2

Rü Cori ya Tupana namuxü̃ãcüma tagaãcü yema ãmaregüarü guruü̃chiga nidexa rü ñanagürü: —Pa Ãmaregüarü Guruxü̃x, Pa Ãmaregüarü Guruxü̃x, rü Cori ya Tupana rü ñanagürü: “Dabítanüxü̃wa tá nabu i wüxi i õxchana rü Yochía tá nixĩ i naéga. Rü nüma tá nixĩ i cuwa ínaguaxü̃ i ngẽma tupananetachicüna̱xãgüarü chacherdótegü i ñu̱xma cuwa pumarate̱xe ígugüxü̃. Rü ngẽmaãcü duü̃xü̃güchina̱xã tá cuétüwa ínagu” —ñanagürü.

Lebítanüxü̃arü puracüchiga 26:11

Rü choma rü petanüwa tá chamaxü̃ rü taxũtáma pexü̃ chaxo.

Lebítanüxü̃arü puracüchiga 20:23

Rü tama chanaxwa̱xe nax nacümagügu pexĩxü̃ i ngẽma duü̃xü̃gü i nüxíra nawa maxẽxü̃ i ngẽma naane i tá pepe̱xewa íchawoxü̃xü̃. Yerü nümagü rü nanaxügü ga guxü̃ma i ngẽma chixexü̃gü i pemaxã nüxü̃ chixuxü̃, rü yemaca̱x tama namaxã chapora ga yema duü̃xü̃gü.

Naanearü ügüchiga 19:13

Erü tá tayagu ya daa ĩane. Erü Cori ya Tupana rü marü tama yáxna namaxã naxĩnü i ñaa duü̃xü̃gü i daa ĩanewa maxẽxü̃, rü ngẽmaca̱x toxü̃ namu nax tayaguxü̃ca̱x —ñanagürügü.

Wenaxarü naxümatü ga Tupanaarü mugü 32:19

Rü yemaca̱x nixĩ ga Cori ya Tupana rü pemaxã nanuxü̃, rü pexü̃ naxoxü̃ i pema nax naxacügü pixĩgüxü̃.

Nüxíraxü̃xü̃ ga popera ga ãẽ̱xgacügüchiga 13:32

Erü aixcüma tá ningu i guxü̃ma ga yema Cori ya Tupana nüxü̃ nüxü̃ ixuxẽẽxü̃ nachiga i ngẽma tupananetaarü ãmarearü guruxü̃ i Betéwa ngẽxmaxü̃ rü nachiga i guxü̃ma i ngẽma togü i ãmarearü guruxü̃ i Chamáriaanecüã̱xarü ĩanegüwa ngẽxmagüxü̃ —ñanagürü ga nüma ga orearü uruxü̃ ga yacü.

Wiyaegü 106:40

Rü nüma ga Tupana rü poraãcü namaxã nanu ga yema norü duü̃xü̃gü. Rü yemaca̱x noxtacüma nüxü̃ naxo.

Echequié 43:7

Rü choxü̃ ñanagürü: —Ñaa nixĩ i cha̱u̱xma̱xwe̱xechica, rü nachica i nagu chacuaixcutüxü̃. Rü ñaa nachicawa tá nixĩ i guxü̃gutáma Iraégütanügüwa chamaxü̃xü̃. Rü woo Iraétanüxü̃, rü woo norü ãẽ̱xgacügü rü taxũtáma wena norü tupananetagüca̱x nanaxãũãchixẽxẽ i chauéga i üünexü̃. Rü taxũtáma norü ãẽ̱xgacügü i yuexü̃chique̱xewa naxĩ nax nüxü̃ yacua̱xüü̃güxü̃ca̱x.

Amúx 6:8

Rü nüma ya Cori ya Tupana rü nügüégagu nanaxuegu. Rü Cori ya Tupana ya Guxãétüwa Ngẽxmacü rü nüxü̃ nixu rü ñanagürü: —Choma rü naxchi chaxai nax nügü yacua̱xüü̃güxü̃ i ngẽma Acóbuarü duü̃xü̃gü. Rü tama namaxã chataãxẽ ya yima norü ãẽ̱xgacüpatagü ya mexẽchine. Rü norü uanügüme̱xẽwa tá chanangexmagüxẽxẽ ya yima norü ĩane namaxã i guxü̃ma i ngẽma nawa ngẽxmaxü̃ —ñanagürü.

Amúx 7:9

Rü ngẽma ãmarearü guruü̃gü i nawa Iraétanüxü̃ norü tupananetagüca̱x ãmaregü igugüxü̃ rü tá chayanaxoxẽxẽ. Rü yima Iraétanüxü̃arü tupananetagüpataxü̃gü rü nagu tá chipogügü. Rü taramaxã tá chanadai i ngẽma Yeruboáü̃tanüxü̃ —ñanagürü ga Cori ya Tupana.

Yeremía 16:18

Rü nawa tá ichanaxügü nax taxree̱xpü̱xcüna pexü̃ chapoxcuexü̃ naxca̱x i perü chixexü̃gü rü perü pecadugü. Erü penaxãũãchixẽxẽ i chorü naane namaxã i ngẽma perü tupananetachicüna̱xãgü i ingearü maxü̃ã́xü̃. Rü yema naane ga guxü̃guca̱x pexna chaxãxü̃wa rü penaxü ga yema chixexü̃gü ga naxchi chaxaixü̃ —ñanagürü ga Cori ya Tupana.

Echequié 16:39

Rü ngẽmagüme̱xẽwa tá cuxü̃ changexmaxẽxẽ nax ngẽmaãcü nagu napogüexü̃ca̱x i ngẽma nachicagü ga nawa cungeãẽxü̃ rü nawa ngẽma tupananetachicüna̱xãgüxü̃ quicua̱xüxü̃xü̃. Rü tá cuxna nanapuxü̃ i ngẽma cuxchiru i mexẽchixü̃ rü ngẽma mexẽchixü̃ i curü ngã̱xãẽruü̃gü. Rü tá nayana i guxü̃ma i curü ngẽmaxü̃gü rü ñoma cubáitücuxü̃rüxü̃ tá ngéma cuxü̃ nata̱xgü.

Ochéa 10:2

Ngẽma Iraéanecüã̱xgü rü namuarü ĩnüã̱xgü, rü tama Tupanaguxica narüxĩnüe. Rü ngẽmaca̱x i ñu̱xma rü ngẽma norü chixexü̃gagu rü tá napoxcue. Rü nüma ya Cori ya Tupana rü tá inanaxoxẽxẽ i ngẽma ãmarearü guruü̃gü i norü tupananetagüca̱x naxügüxü̃. Rü tá nayapuexẽxẽ i ngẽma nutagü i nüxü̃ yacua̱xüü̃güxü̃.