Lebítanüxü̃arü puracüchiga 26:18 - Tupanaarü Ore

¹⁸ Rü naétü nax ngẽma pexü̃ ngupetüxü̃, rü ngẽxguma tama chauga pexĩnü̃egu, rü choma rü 7 e̱xpü̱xcüna tá wena pexü̃ chapoxcue naxca̱x i perü pecadugü.

Lebítanüxü̃arü puracüchiga 26:18 Referans Kwoze

Lebítanüxü̃arü puracüchiga 26:21

Rü ngẽxguma peyadaxẽẽgu nax tama chauga pexĩnüexü̃, rü choma rü wena tá 7 e̱xpü̱xcüna pexü̃ chapoxcue naxca̱x i ngẽma pecadugü i pexüxü̃.

1 Chamué 2:5

Guxemagü noxri õna tüxü̃́ íyaxügüxe rü ñu̱xma rü íxraxü̃ i õnaca̱x tügü itanã. Natürü guxemagü noxri taiya ingegüxe rü ñu̱xma rü marü tama tataiyae. Ngẽma nge i taguma ãxacücü rü ñu̱xma rü marü 7 e̱xpü̱xcüna ixíraxacü. Natürü ngẽma muxacüchirécü rü ñu̱xma rü marü ingexacü.

Danié 3:19

Rü yema orexü̃ naxĩnügu ga Nabucudonochó, rü nanadeãchichiwe yerü yema tomaepü̱x ga ngextü̱xüxü̃gümaxã poraãcü nanu. Rü norü duü̃xü̃güxü̃ namu nax 7 e̱xpü̱xcüna naxüxüxü̃güãxü̃ca̱x ga yema poxcuchicaxü̃ ga iya̱u̱xraxü̃ nax yemaacü nanaxichixü̃ca̱x.

Ucu̱xẽgüchiga 24:16

Erü tüma ya yíxema duü̃xẽ ya mexü̃gu maxü̃́xe rü woo 7 e̱xpü̱xcüna itayanguxgu, rü 7 e̱xpü̱xcüna tá ítarüdaama. Natürü ngẽma duü̃xü̃gü i chixexü̃gu maxẽxü̃, rü ngẽma norü chixexü̃gu tá inayarütauxe. -28-

Wiyaegü 119:164

Rü guxü̃ i oragu cuxü̃ chicua̱xüxü̃ naxca̱x i curü mugü i aixcüma mexü̃.

Ínachoxü̃xü̃chiga 9:14

Rü ñu̱xmax rü tá cuxca̱x rü curü ngü̃xẽẽruü̃güca̱x, rü guxü̃ma i Equítuanecüã̱xgüca̱x tá nua chanamu i naguxü̃raü̃xü̃ i chorü poxcu nax ngẽmaãcü nüxü̃ cucuáxü̃ca̱x nax ñoma i naanewa rü nataxuxü̃ma i to ya Tupana i chauxrüxü̃ ixĩxü̃.

Ichaía 5:25

Rü ngẽmaca̱x nixĩ ya Cori ya Tupana i norü duü̃xü̃gümaxã nanuxü̃ rü düxwa napoxcueãxü̃. Rü ma̱xpǘnegü rü nidu̱xrugü, rü duü̃xẽgü ya yuexe rü ñoma guxchirerüxü̃ ĩanearü namagu tawoone. Natürü ya Cori ya Tupana rü tama inarüngü̃xmü rü nayadaxẽẽãma nax duü̃xü̃güxü̃ naxãxũnexü̃.

Yeremía 14:4

Rü yíxema naanewa puracüexe rü taxoegaãẽgü rü ãnemaxã tügü tidüxchíwegü, erü taguma napu, rü ngẽmaca̱x nipagüane.