Lebítanüxü̃arü puracüchiga 26:10 - Tupanaarü Ore

¹⁰ Rü ngẽma trigu ya taunecü ya ngupetücügu perü trigupatagu penutaque̱xexü̃ tá pengõ̱xgü. Rü ngẽma íyaxüxü̃ rü tá ípenanuxü̃ nax ngẽma ngexwaca pebuxuxü̃ i trigu rü yimá perü trigupatagu penuxü̃ca̱x.

Lebítanüxü̃arü puracüchiga 26:10 Referans Kwoze

Lebítanüxü̃arü puracüchiga 25:22

Rü ngẽma perü tríguarü o i namaxã penguxü̃xü̃maxã tá pexãwemügü. Rü yimá norü 8 ya taunecügu rü yoxni wena tá petoegü. Rü ñu̱xmata norü 9 ya taunecüwa tá pexü̃́ nangu i ngẽma tríguarü o i namaxã penguxü̃xü̃ ñu̱xmata tá nawa nangu nax penabuxuxü̃ i ngẽma ngexwaca petogüxü̃ i tríguarü o.

Ore i mexü̃ ga Luca ümatüxü̃ 12:17

Rü gumá yatü rü nagu narüxĩnü rü naãxẽwa ñanagürü: “¿Ta̱xacü tá chaxüxü̃ i ñu̱xmax? Erü nataxuma i chorü nachica i ngextá namaxã nax changuxü̃xü̃ i chaunetügüarü o”, ñanagürü.

Norü taxre ga popera ga ãẽ̱xgacügüchiga 19:29

Rü yemawena ga Ichaía rü Echequíaxü̃ ñanagürü: —Cuxna tá chanaxã i wüxi i cua̱xruxü̃ nax ngẽmawa nüxü̃ cucuáxü̃ca̱x nax ta̱xacü tá ngupetüxü̃. Rü doma taunecügu rü yimá nai ya taunecügu rü pema rü tá penangõ̱x i ngẽma trigu i nüechamatama rüxügüxü̃. Natürü yimá norü tomaepü̱x ya taunecügu rü tá name nax pitoegüxü̃ rü peyabuxgüxü̃ i penetüarü o. Rü tá name nax úbamaxã pitoegüxü̃ rü penangṍxü̃ i norü o.

Yochué 5:11

Rü yematama ngunexü̃gu rü nanangõ̱xgü ga paũ ga ngearü pu̱xẽẽruü̃ã́xü̃ rü tríguarü goxte̱xexü̃. Natürü yemaarü moxü̃ãcü rü marü nanangõ̱xgü ga yema naanewa nayauxgüxü̃ ga nabü.

Joel 2:24

Rü ngẽmaãcü tá mea pexü̃́ nixo i trigu rü poraãcü tá nata ya perü bínu rü chíxü̃.