Lebítanüxü̃arü puracüchiga 25:9 - Tupanaarü Ore

⁹ Rü yimá norü 7 ya tauemacüarü 10 i ngunexü̃gu tá penaxü i Pecaduarü Mexẽxẽchiga. Rü ngẽma ngunexü̃gu tá peyacuegü ya cornétagü i guxü̃wama i pechixü̃anewa.

Lebítanüxü̃arü puracüchiga 25:9 Referans Kwoze

Lebítanüxü̃arü puracüchiga 23:24

—¡Iraétanüxü̃maxã nüxü̃ ixu i ñaa ore! “Rü yimá norü 7 ya tauemacüarü ügügu rü tá iperüngügü. Rü ngẽma ngunexü̃gu rü tá perü cornétagügu picuegü nax ngẽmaãcü cha̱u̱xca̱x pengutaque̱xegüxü̃ca̱x rü choxna pecua̱xãchiexü̃ca̱x.

Lebítanüxü̃arü puracüchiga 23:27

—Rü yimá norü 7 ya tauemacüarü 10 i ngunexü̃gu rü ngunexü̃ i pecadugüarü mexẽẽchiga nixĩ. Rü ngẽma ngunexü̃gu rü tá cha̱u̱xca̱x peyagu i wüxi i perü ãmare, rü taxuxü̃táma i ta̱xacü pengõ̱x. Rü tá pengutaque̱xegü nax choxü̃ picua̱xüü̃güxü̃ca̱x.

1 Tesalonicenses 1:8

Rü pewa yema nax peyaxõgüxü̃gagu rü tórü Cori ya Ngechuchuarü ore rü guxü̃wama ninguchigü. Rü ngẽmaca̱x i ñu̱xma rü Machedóniaanewa rü Acáyaanewa rü guxü̃wama nüxü̃ nacua̱xgü nax aixcüma mea Tupanaaxü̃́ peyaxõgüxü̃. Rü ngẽmaca̱x marü taxuca̱xma tü̱xcüü̃ i toma rü namaxã nüxü̃ tixu i ngẽma ore i pechiga.

Romanos 10:18

Natürü i ñu̱xma rü pexna chaca, ¿ẽ̱xna ngẽma Yudíugü rü taguma nüxü̃ naxĩnüe i ngẽma ore i mexü̃ i Cristuchiga? Ngẽmáacü, marü nüxü̃ naxĩnüe. Erü Tupanaarü ore i ümatüxü̃wa rü ñanagürü: “Ngẽma Tupanaarü orearü uruü̃gü, rü guxü̃wama i ñoma i naanewa rü nüxü̃ nixugüe i norü ore”, ñanagürü i ngẽma ore.

Wiyaegü 89:15

Pa Corix, nataãẽgü i ngẽma duü̃xü̃gü i nüxü̃ cuáxü̃ nax taãẽãcü cuxü̃ yacua̱xüü̃güxü̃ rü aixcüma curü oregu namaxẽxü̃ nax ngẽmaãcü curü ngóonexü̃wa nangẽxmagüxü̃.

Iraétanüxü̃arü muxchiga 36:4

Rü ñu̱xũchi ngẽxguma nawa nanguxgu ya yimá Taunecü ya Nagu Natáeguxẽẽãcü i Naane rü ngẽma ngĩanegü rü marü ngĩtetücumüarü tá nixĩ, rü marü taxũtáma totücumüarü nixĩ —ñanagürügü.

Iraétanüxü̃arü muxchiga 10:10

Rü name i peyacue ya yima cornétagü nagu i ngẽma ngunexü̃gü i petaãẽgüxü̃ rü penaxüchigagüxü̃ ya ngexwaca ixücucü ya tauemacü. Rü ngẽxgumarüxü̃ tá ta peyacue i ngẽxguma choxna penaxãxgu i perü ãmaregü i ngüxmüxẽẽruü̃gü i cha̱u̱xca̱x piguxü̃. Rü ngẽmaãcü i choma rü tá pexna chacua̱xãchi. Rü Choma nixĩ i Cori ya perü Tupana chixĩxü̃ —ñanagürü.

Lebítanüxü̃arü puracüchiga 27:24

Rü ngẽxguma ngúxü̃chigaarü taunecüwa nanguxgu, rü ngẽma naane rü wenaxarü ngẽma nüxíraxü̃ i norü yoraarü ta nixĩ, yerü nanatü ga yuxe nüxna tanaxã.

Lebítanüxü̃arü puracüchiga 27:17

Rü ngẽxguma yimá yatü rü meama taunecü ya ngúxü̃chigaarü taunecügu Tupanana naxããgu i ngẽma naane, rü ngẽma natanü i chacherdóte marü ixüxü̃ rü taxucürüwama naxüchicüü.

Lebítanüxü̃arü puracüchiga 16:30

Rü ngẽma ngunexü̃gu tá nixĩ i pexü̃́ nüxü̃ icharüngümaxü̃ i perü pecadugü, rü ngẽmaãcü tá nixĩ i chope̱xewa pengearü pecaduã̱xgüxü̃.

Lebítanüxü̃arü puracüchiga 16:20

Rü ngẽxguma Aróü̃ marü Tupanaarü puracüca̱x namexẽẽgu i naxmachiã i Üünexüchixü̃, rü yima napata, rü ngẽma ãmarearü guruxü̃, rü ngẽxgumawena tá wüxíexü̃ namu nax yagaãxü̃ca̱x i ngẽma chíbu i maxü̃xü̃.

Lebítanüxü̃arü puracüchiga 25:8

Rü yimá 7 ya taunecü rü 7 e̱xpü̱xcüna tá peyaxugü, rü guxü̃wama 49 ya taunecü tá nixĩ.

Yochué 6:4

Rü ngẽma baú i chorü mugü nawa ngẽxmaxü̃pe̱xegu tá naxĩ i 7 i chacherdótegü i carnéruchata̱xcuxremaxã icornétaã́xü̃. Rü ngẽxguma norü 7 i ngunexü̃wa nanguxgu, rü 7 e̱xpü̱xcüna tá yima ĩanexü̃ ípeyachoegu. Rü ngẽxguma tá nixĩ i ngẽma chacherdótegü rü tá norü carnéruchatacu̱xregu yacuegüxü̃.

Ichaía 27:13

Rü ngẽma ngunexü̃gu rü tá nagu nicue ya yimá cornéta ya tagane. Rü ngẽma Iraétanüxü̃ i Achíriaanegu woonexü̃ rü ñu̱xũchi ngẽma Equítuanewa gagüxü̃ rü tá Yerucharéü̃ca̱x nawoegu. Rü yima ma̱xpǘne ya üünenewa tá Cori ya Tupanaxü̃ nicua̱xüü̃gü.

Lebítanüxü̃arü puracüchiga 16:29

Rü ñaa tá nixĩ i wüxi i mu i guxü̃gutáma nagu pexĩxü̃ i pemax. Rü ngẽxguma yimá 7 ya tauemacüarü 10 i ngunexü̃wa nanguxgu, rü tá penaxaure i ngẽma ngunexü̃. Rü ngẽma ngunexü̃gu rü guxãma i pema i Iraétanüxü̃ rü tá iperüngügü i perü puracüwa. Rü ngẽxgumarüxü̃ ta i ngẽma duü̃xü̃gü i to i nachixü̃anecüã̱xgü i petanügu ãchiü̃güxü̃, rü ta nanaxauregü i ngẽma ngunexü̃.

Wiyaegü 89:16

Rü nataãẽgü i ngẽma curü duü̃xü̃gü i guxü̃guma cumaxã taãẽgüxü̃ rü naxca̱x daugüxü̃ nax cucümagu naxĩxü̃.