Lebítanüxü̃arü puracüchiga 25:8 - Tupanaarü Ore

⁸ Rü yimá 7 ya taunecü rü 7 e̱xpü̱xcüna tá peyaxugü, rü guxü̃wama 49 ya taunecü tá nixĩ.

Lebítanüxü̃arü puracüchiga 25:8 Referans Kwoze

Lebítanüxü̃arü puracüchiga 23:15

Rü ngẽma ngunexü̃ i nagu chacherdótexü̃tawa penanaxü̃ i perü ãmare i nüxíra pebuxuxü̃ i trigu, rü ngü̃chigaarü moxü̃ãcü tá ipenaxügü nax peyaxugüxü̃ i ngunexü̃gü ñu̱xmata 50 i ngunexü̃wa nangu. Rü ngẽxguma tá nixĩ i choxna penaxãxü̃ i perü ãmare i trigu i ngexwaca pebuxuxü̃wa üxü̃.

Naanearü ügüchiga 2:2

Rü yexguma norü 7 ga ngunexü̃wa nanguxgu rü Tupana rü marü nayanguxẽxẽ ga guxü̃ma ga yema naxüxü̃. Rü inarüngü̃.

Lebítanüxü̃arü puracüchiga 25:7

Rü ngẽxgumarüxü̃ ta ngẽma tá nangõ̱xgü i pexü̃nagü rü ngẽma naeü̃gü i naixnecüwa ngẽxmagüxü̃. Rü yimá taunecügu rü guxü̃ma i ngẽma nüechama rüxügüxü̃ i nanetüarü o tá nangõ̱xgü i wüxichigü i ngunexü̃gu.

Lebítanüxü̃arü puracüchiga 25:9

Rü yimá norü 7 ya tauemacüarü 10 i ngunexü̃gu tá penaxü i Pecaduarü Mexẽxẽchiga. Rü ngẽma ngunexü̃gu tá peyacuegü ya cornétagü i guxü̃wama i pechixü̃anewa.

Danié 9:24

Rü 70 i yüxügü ngupetüguwena rü yima curü ĩane ya üünene ya Yerucharéü̃ rü ngẽma curü duü̃xü̃gü i Iraétanüxü̃ rü düxwa tá inayarüxo i norü chixexü̃ i naxügüxü̃ rü tá Tupanaga naxĩnüe. Rü Tupana tá nüxü̃́ inanaxoxẽxẽ i ngẽma norü chixexü̃gü, rü tá nüxü̃́ nüxü̃ inarüngüma i ngẽma norü chixexü̃. Rü tá ningucuchi ya yimá aixcüma mecü nax guxü̃guma norü duü̃xü̃gümaxã mea inacuáxü̃ca̱x. Rü ngẽmaãcü tá ningu ga yema Tupana cuxü̃ wéxü̃. Rü wena tá nanamexẽxẽ ya yima napata ya üünene.

Iraétanüxü̃arü muxchiga 36:4

Rü ñu̱xũchi ngẽxguma nawa nanguxgu ya yimá Taunecü ya Nagu Natáeguxẽẽãcü i Naane rü ngẽma ngĩanegü rü marü ngĩtetücumüarü tá nixĩ, rü marü taxũtáma totücumüarü nixĩ —ñanagürügü.

Wiyaegü 89:16

Rü nataãẽgü i ngẽma curü duü̃xü̃gü i guxü̃guma cumaxã taãẽgüxü̃ rü naxca̱x daugüxü̃ nax cucümagu naxĩxü̃.