Lebítanüxü̃arü puracüchiga 25:43 - Tupanaarü Ore

⁴³ Rü tama name i chixriãcü namaxã icucua̱x. ¡Rü nüxü̃ nawe̱x nax cuma rü Cori ya Tupanaxü̃ cumuü̃xü̃!

Lebítanüxü̃arü puracüchiga 25:43 Referans Kwoze

Colosenses 4:1

Rü pemax, Pa Corigüx, rü name nixĩ i perü duü̃xü̃gümaxã pemecümagüxü̃, rü tama penawomüxẽẽxü̃. ¡Rü nüxna pecua̱xãchie nax pema rü ta pexü̃́ nangẽxmaxü̃ ya perü Cori ya daxũgucü!

Lebítanüxü̃arü puracüchiga 25:46

Rü ngẽxguma cuyu̱xgu rü cunegüarü puracütanüxü̃ tá nixĩgü nax guxü̃guma cunegüaxü̃́ napuracüexü̃ca̱x. Natürü i pema rü tagutáma chixri namaxã ipecua̱x i ngẽma petanüxü̃ i Iraétanüxü̃.

Lebítanüxü̃arü puracüchiga 25:17

Rü tama name i pegügu pidauxcüraxü̃gü. ¡Rü perü Cori ya Tupanaga pexĩnüe! Erü choma nixĩ i perü Cori ya Tupana chixĩxü̃.

Efesios 6:9

Rü pemax, Pa Corigüx, rü name nixĩ i ngẽxgumarüxü̃ ta mea namaxã ipecua̱x i perü duü̃xü̃gü. Rü tama name i ta̱xacürü chixexü̃maxã penaxãũxũne. Rü nüxna pecua̱xãchie nax pema rü perü mugüruü̃gümaxã wüxigu tórü Cori ya daxũgucüme̱xẽwa pengẽxmagüxü̃. Rü aixcüma guxãma i yixema rü tawüxigumare i nape̱xewa ya tórü Cori ya Cristu.

Echequié 34:4

Rü ngẽma chorü carnéru ya turaxü̃ rü pema rü tama nüxü̃ perüngü̃xẽxẽ, rü ngẽma ida̱xawexü̃ rü tama penaxüxü̃, rü ngẽma ibüyeparaxü̃ rü tama peyana̱i̱xpara, rü ngẽma rütaxuxü̃ rü tama naxca̱x peyadau. Natürü i pema rü namaxã pechixecümagü rü chixrimare nüxna pedaugü.

Lebítanüxü̃arü puracüchiga 25:53

Rü name nax namaxã cumecümaxü̃ i ngẽma duü̃xü̃ i nügümaxã taxexü̃, ngẽxgumarüxü̃ nax namaxã cumecümaxü̃ i ngẽma puracütanüxü̃ i nüxü̃́ cunaxütanüxü̃ nax wüxichigü ya taunecü cuxü̃́ napuracüxü̃ca̱x. Rü tama name nax chixri namaxã icucuáxü̃.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Ichaía 58:3

Natürü i nümagü rü ñanagürügü: “¿Tü̱xcüü̃ chi aureãcü iyumüxẽgüxü̃ ega Tupana rü tama tüxü̃ nada̱u̱xgu? ¿Rü tü̱xcüü̃ chi i yigü ixaiya̱xü̃gümaregüxü̃ ega nüma rü nüxü̃́ nataxuraxü̃maregu?” ñanagürügü. Rü yumüxẽarü ngunexü̃gu rü pema rü petaxegüama rü chixri tümamaxã ipecua̱xgü ya perü puracütanüxü̃.

Ichaía 47:6

Rü yexguma namaxã chanuxgu ga yema chorü duü̃xü̃gü ya Iraétanüxü̃ rü pexna chanawogü nax namaxã ipecuáxü̃ca̱x. Natürü ga pemax, Pa Babiróniaanecüã̱xgüx, rü tama pexü̃́ nangechaü̃tümüxü̃gü, rü woo ga guxema norü yaxguã̱xgü rü chixri tümamaxã ipecua̱x.

Wenaxarü naxümatü ga Tupanaarü mugü 25:18

¡Rü nüxna pecuã̱xãchie nax nümagü rü tama Cori ya Tupanaxü̃ namuü̃eãcüma pexca̱x íyaxüãchixü̃ ga yexguma namagu pexĩxgu rü nayoxniegüxü̃ nax poraãcü pipaexü̃! Rü tümaca̱x ínayaxüãchi rü tüxü̃ nadai ga guxema turaxe ga wixweama ãgüxe.

Ínachoxü̃xü̃chiga 3:9

Rü dücax, rü marü nüxü̃ chaxĩnü nax ñuxãcü ngẽma Equítuanecüã̱xgüxü̃ ínaxuaxü̃güxü̃ i ngẽma Iraétanüxü̃, rü nüxü̃ chadau nax ñuxãcü poraãcü chixri namaxã nachopetüxü̃.

Ínachoxü̃xü̃chiga 3:7

Natürü nüma ga Cori ya Tupana rü ñanagürüama nüxü̃: —Meaxü̃chima nüxü̃ chadau nax ñuxãcü ngúxü̃ yangegüxü̃ i ngẽma chorü duü̃xü̃gü i Equítuanewa ngẽxmagüxü̃. Rü norü yumüxẽwa nüxü̃ chaxĩnü nax ñuxãcü norü dauruü̃güxü̃ nax ínaxuaxü̃güxü̃. Rü ngẽmaãcü meama nüxü̃ chacua̱x nax ñuxãcü ngúxü̃ yangegüxü̃.

Ínachoxü̃xü̃chiga 2:23

Rü yexgumayane ga Equítuanecüã̱xarü ãẽ̱xgacü rü yoxni nayu. Natürü ga yema Iraétanüxü̃ rü guxchaxü̃wa nayexmagüecha, rü Tupanape̱xewa naxauxe naxca̱x ga yema ngúxü̃ nax yangegüxü̃. Rü yemaca̱x ga Tupana rü nüxü̃́ nüxü̃ naxĩnü ga norü axu, yerü nüxna nacua̱xãchi ga norü uneta ga Abraáü̃maxã rü Ichaámaxã rü Acóbumaxã naxueguxü̃.

Ínachoxü̃xü̃chiga 1:17

Natürü ga ngĩmagü ga yema buexacüxẽẽruü̃gü rü Tupanaxü̃ imuü̃e. Rü yemaca̱x tama inaxü ga yema Equítuanecüã̱xarü ãẽ̱xgacü ngĩmaxã nüxü̃ ixuxü̃. Rü tama tüxü̃ idai ga guxema õxchanagü ga iyatüxe.

Naanearü ügüchiga 42:18

Natürü yema tomaepü̱x ga ngunexü̃guwena rü ñanagürü nüxü̃: —Choma rü Tupanaxü̃ chamuü̃. ¡Rü Ñaa tá pexü! Rü ngẽxguma tá nixĩ i taxũtáma pexü̃ chadaixü̃.

Lebítanüxü̃arü puracüchiga 25:42

Erü guxü̃ma i Iraétanüxü̃ rü chorü duü̃xü̃gü nixĩgü. Rü choma nixĩ ga Equítuanewa íchagaxü̃xü̃, rü ngẽmaca̱x tama name nax mugüruxü̃ca̱x namaxã petaxegüxü̃.

Lebítanüxü̃arü puracüchiga 25:44

Rü ngẽxguma cunaxwa̱xegu nax cuxü̃́ nangẽxmaxü̃ i curü mugüruxü̃gü i yatüxü̃ rü ngexü̃, rü name i ngẽma togü i nachixü̃anegü i pexna ngaicamagüxü̃wa naxca̱x petaxe.

Norü taxre ga to ga popera ga ãẽ̱xgacügüchiga ümatüxü̃ 28:10

Rü ñu̱xũchi penaxwa̱xe nax ngẽma Yudáanecüã̱xgü rü Yerucharéü̃cüã̱xgü rü perü puracütanüxü̃ nax yaxĩgüxü̃. Natürü ¿tama ẽ̱xna i pema rü ta Cori ya perü Tupanape̱xewa chixexü̃ pexüxü̃?

Yox 31:13

Rü yexguma ta̱xacüca̱x choxna nacagügu ga chorü puracütanüxü̃, rü choma rü nüxna chanaxã ga yema choxna naxca̱x nacagüxü̃.

Yox 31:14

¿Rü ta̱xacüxü̃ tá chixu i ngẽxguma Tupanape̱xewa changexmagu? ¿Rü ta̱xacümaxã tá chanangãxü̃ i ngẽxguma choxna nacaxgu naxca̱x i ngẽma chaxüxü̃?