Lebítanüxü̃arü puracüchiga 25:23 - Tupanaarü Ore

²³ Rü tama name i guxü̃guca̱x ngẽma naanemaxã petaxe. Erü ngẽma naane rü choxrü nixĩ, rü pema rü paxaãchimare nawa pengẽxmagü ñoma duü̃xü̃gü i chauxü̃ta naxĩanexü̃rüxü̃.

Lebítanüxü̃arü puracüchiga 25:23 Referans Kwoze

Nüxíraxü̃xü̃ ga popera ga Pedru ümatüxü̃ 2:11

Pa Chauenexẽgü ya Pexü̃ Changechaü̃güxe, ñu̱xma nax paxaãchimare ñoma i naanewa pengẽxmagüxü̃, rü ngẽmaca̱x pexü̃ chaca̱xaxü̃ nax nüxü̃ perüxoexü̃ca̱x i guxü̃ma i ngẽma ngúchaü̃gü i chixexü̃ i ñoma i naanecüã̱x nagu ĩxü̃. Erü ngẽma ngúchaü̃gü rü chixexü̃gu nanagu̱xẽẽchaü̃ i peãxẽ.

Wiyaegü 39:12

Pa Cori Pa Tupanax ¡choxü̃́ nüxü̃ naxĩnü i chorü yumüxẽ! ¡Rü choxü̃́ nüxü̃ naxĩnü i ngẽma auãcü cuxna naxca̱x chacaxü̃! ¡Rü taxṹ i cungea̱xmarexü̃ naxca̱x i chorü axu! Erü choma rü cupe̱xewa rü wüxi i tama choxü̃ cucuáxe chixĩ. Rü yema chorü o̱xigü ga nu ne naxĩmarexü̃rüxü̃ chixĩ.

Echequié 48:14

Rü ngẽma naane rü guxü̃ma i to i naane i Iraéanewa ngẽxmagüxü̃xü̃ narümemae. Rü woo íxraxü̃ i ngẽma naane rü taxucürüwa namaxã tataxe rüe̱xna ta̱xacümaxã tanaxüchicüü rüe̱xna texéna tanaxã. Erü ngẽma naane rü Cori ya Tupanaarü nixĩ.

Wiyaegü 24:1

Cori ya Tupanaarü nixĩ i guxü̃ma i ñaa naane rü guxü̃ma i nawa ngẽxmagüxü̃ rü guxü̃ma i nawa maxẽxü̃.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:15

Rü cupe̱xewa i ñoma i naanewa rü toma rü ñoma duü̃xü̃gü i ĩanetanüxü̃rüü̃mare tixĩgü nax paxaãchi i ñoma i naanewa tangexmagüxü̃ yema nũxcüma ga torü o̱xigürüxü̃. Rü ngẽma torü maxü̃ i ñoma i naanewa rü ñoma wüxi i naxchipetarüxü̃ paxa inarütauxmare.

Wenaxarü naxümatü ga Tupanaarü mugü 32:43

Pa Togü i Duü̃xü̃gütücumügüx, rü name nixĩ i wüxigu Cori ya Tupanaarü duü̃xü̃gümaxã petaãẽgü. Erü nüma ya Cori ya Tupana rü tá naxütanü naxca̱x i ngẽma norü duü̃xü̃gü i yuexü̃. Rü tá nanadai i norü uanügü. Rü tá nüxü̃́ nüxü̃ narüngüma i norü duü̃xü̃güarü chixexü̃, rü tá naxca̱x nayataanexẽxẽ i norü naane —ñanagürü ga Moiché.

Ínachoxü̃xü̃chiga 19:5

Rü ngẽxguma aixcüma guxü̃wama chauga pexĩnüegu rü peyanguxẽẽ̱xgu i ngẽma pemaxã ichaxügaxü̃, rü guxü̃ma i nachixü̃anegütanüwa rü tá pexü̃ nixĩ icharüngü̃xẽẽxü̃, erü guxü̃ma i ñoma i naane rü choxrü nixĩ.

Joel 3:2

Rü wüxigu tá chanangutaque̱xexẽxẽ i guxü̃ma i ngẽma togü i nachixü̃anecüã̱xgü i duü̃xü̃gü, rü Yochapáxarü doxonexü̃wa tá chanagagü. Rü ngéma tá nixĩ i nüxna naxca̱x chacagüxü̃ ga yema chixexü̃ ga chorü duü̃xü̃gü ga Iraécüã̱xgümaxã naxügüxü̃. Yerü guxü̃ ga nachixü̃anegügu nanawoone ga Iraétanüxü̃, rü ñu̱xũchi ngẽma togü nügü nayanu ga yema chorü naane.

Joel 2:18

Rü ñu̱xũchi ga nüma ga Cori ya Tupana rü nüxü̃́ nangechaü̃tümüxü̃gü ga norü duü̃xü̃gü yerü poraãcü nüxü̃ nangechaü̃.

Ochéa 9:3

Rü pemax, Pa Iraéanecüã̱xgüx, rü wena táxarü Equítuaneca̱x pewoegu. Rü Achíriaanewa tá penangõ̱x i õna ya Tupana pexna chu̱xuxü̃. Rü marü taxũtáma nawa pemaxẽ i ngẽma naane ya Tupana pexna ãxü̃.

Wiyaegü 85:1

Pa Corix, toma nax curü duü̃xü̃gü i Acóbutanüxü̃ nax tixĩgüxü̃ rü cuma rü poraãcü tomaxã cumecüma rü wenaxarü toxü̃ cutaãẽxẽxẽ.

Lebítanüxü̃arü puracüchiga 25:10

Rü ngẽxguma 50 ya taunecüwa nanguxgu, rü yimá taunecü rü üünecü tá nixĩ. Rü yimá taunecügu rü tá penaxunagü nax marü ípenguxü̃xü̃ i guxãma i pema i togüme̱xẽwa nax pengẽxmagüxü̃. Rü guxãma i pema rü petanüxü̃güca̱x tá pewoegu rü wenaxarü perü naanearü yora tá pixĩgü.

Ichaía 8:8

Rü ngẽma Achíriaanearü churaragü rü yimá mucü ya taxüchicü ya guxü̃wama yaba̱i̱xü̃anexẽẽcü rü ñu̱xmata duü̃xü̃günaxãwa ngucürüxü̃ tá nixĩ. Erü guxü̃ma i Yudáanewa tá nangugü i ngẽma churaragü. Rü ñoma wüxi i ĩyü i guxü̃ i naanegu nügü iwe̱xechipe̱xatüxü̃ rü ñoma i naanegu nügü yagoxẽẽxü̃rüxü̃ tá nixĩ i ngẽma Achíriaanearü churaragü, Pa Emanuéx —ñanagürü ga Tupana.

Wiyaegü 119:19

Choma rü ñoma i naanewa rü wüxi i to i nachixü̃anecüã̱x chixĩ. ¡Rü ngẽmaca̱x taxṹ i cha̱u̱xcha̱xwa icuyacúxü̃ i curü mugü!

Nüxíraxü̃xü̃ ga popera ga ãẽ̱xgacügüchiga 21:3

Natürü ga Nabú rü Acáxü̃ nangãxü̃ rü ñanagürü: —Tupana tama nanaxwa̱xe nax cuxna chanaxãxü̃ i ñaa naane i chaunatü choxna ãxü̃ —ñanagürü.

Naanearü ügüchiga 47:9

Rü Acóbu nanangãxü̃ rü ñanagürü: —Choma rü 130 ya taunecü marü choxü̃́ nangẽxma nax nuxica ne chanaxũxü̃. Rü yimá chorü taunecügü ga nagu guxchaxü̃gü choxü̃́ yexmacü rü noxretama nixĩ, erü tautama nawa changu ya chorü o̱xigüarü taunecüe̱xpü̱x nax yixĩxü̃ca̱x —ñanagürü.

Ínachoxü̃xü̃chiga 2:22

Rü ngĩma ga naxma̱x ga Chéfora rü nüxü̃́ ixãxacü. Rü nüma ga Moiché rü Guerchóü̃gu nanaxüéga ga gumá nane. Rü ngẽma naéga rü: “Choma rü tama númacüã̱x chixĩ”, ñaxü̃chiga nixĩ.

Lebítanüxü̃arü puracüchiga 25:24

Rü ngẽmaca̱x ngẽxguma wüxi i naaneca̱x petaxegu rü taxũtáma nüxna penachu̱xu ega norü yora nüxí naxca̱x pexü̃ taxechaü̃gu.

Wiyaegü 39:13

Pa Corix ¡taxṹ i numaxã choxü̃ cudawenüxü̃! ¡Rü cha̱u̱xca̱x yataanexẽxẽ nax wena chataãẽxü̃ca̱x naxü̃pa nax chayuxü̃! —ñachagürü.