Lebítanüxü̃arü puracüchiga 25:21 - Tupanaarü Ore

²¹ Rü choma rü ngẽxguma norü 6 ya taunecüwa nanguxgu rü tá pexü̃ charüngü̃xẽxẽ, rü ngẽma penetüarü o i yima taunecü pibuxü̃xü̃ rü tomaepü̱x ya taunecü tá pexü̃́ natai.

Lebítanüxü̃arü puracüchiga 25:21 Referans Kwoze

Wenaxarü naxümatü ga Tupanaarü mugü 28:8

Rü nüma ya Cori ya Tupana rü tá pexü̃ narüngü̃xẽxẽ rü ngẽma perü trigupatagü rü guxü̃gutáma nixããcu. Rü guxü̃ma i perü puracü i pexüxü̃ rü tá mea pexü̃́ ínanguxuchi. Rü tá pexü̃ narüngü̃xẽxẽ nax taãẽxãcü nawa pemaxẽxü̃ca̱x i ngẽma naane i tá pexna naxãxü̃.

Ucu̱xẽgüchiga 10:22

Cori ya Tupanaarü ngü̃xẽxẽ rü taãxẽ tüxna naxã, rü taxuxü̃ma i ta̱xacürü ngúxü̃ taxca̱x ínanguxẽxẽ.

2 Corintios 9:10

Tupana nixĩ ya tüxna naxãcü ya nanetüchire nax inatoxü̃ca̱x, rü tüxna naxãcü i õna nax nangṍxü̃ca̱x. Rü nüma tá nixĩ i pexna naxããxü̃ ya guxü̃nema ya nanetüchire ya penaxwa̱xene nax ipenatoxü̃ca̱x. Rü nüma tá nanaxüxẽxẽ rü nanayaxẽxẽ ya ngẽma nanetüchire. Rü tá nanamuxẽxẽ i norü o, nax muxũchixü̃ nawa peyaxuxü̃ca̱x nax ngẽmamaxã togüxü̃ perüngü̃xẽẽgüxü̃ca̱x.

Wiyaegü 133:3

Rü ñoma cherena ya ma̱xpǘne ya Ermóü̃étügu nguxü̃rüxü̃ rü ma̱xpǘne ya Chióü̃étügu nguxü̃rüxü̃ tüxü̃ nataãẽxẽxẽ. Rü Chióü̃wa nixĩ i ne naxũxü̃ i Tupanaarü ngü̃xẽxẽ nax namáxü̃ca̱x i norü maxü̃ i norü duü̃xü̃gü.

Wenaxarü naxümatü ga Tupanaarü mugü 28:3

Rü ngẽxguma ĩanewa pengẽxmagügu rüe̱xna peanewa pengẽxmagügu rü nüma ya Cori ya perü Tupana rü tá pexü̃ narüngü̃xẽxẽ.

Ínachoxü̃xü̃chiga 16:29

Dücax, choma i Cori ya Tupana rü marü pexca̱x nüxü̃ chaxuneta i wüxi i ngunexü̃ nax nagu perüngü̃ẽxü̃ca̱x. Rü ngẽmaca̱x nixĩ i ngẽxguma norü 6 i ngunexü̃wa nanguxgu rü taxre i ngunexü̃ nagúxü̃ i õna pexna chaxãxü̃. Rü ngẽxguma norü 7 i ngunexü̃wa nanguxgu rü wüxíechigü tá tümapatawatama tangexma rü taxuwama taxũ —ñanagürü.

Naanearü ügüchiga 41:47

Rü 7 ga taunecügu rü meama nayae ga trigu rü poraãcü naxãbüane ga guxü̃wama ga Equítuanewa.

Naanearü ügüchiga 26:12

Rü gumá taunecügu ga Ichaá rü yema naanegu natoe. Rü namu ga norü o yerü Cori ya Tupana nüxü̃ narüngü̃xẽxẽ.

Lebítanüxü̃arü puracüchiga 25:4

Natürü ngẽxguma norü 7 ya taunecüwa nanguxgu rü Cori ya Tupanaégagu tá penangü̃xẽxẽ i ngẽma naane. Rü yimá taunecügu rü taxũtáma pitoegü rü taxũtáma pedaü̃tanü i perü úba.

Lebítanüxü̃arü puracüchiga 25:6

Rü ngẽxguma inangü̃xgu i ngẽma naane, rü ngẽma nüechama nawa rüxügüxü̃ i nanetüarü o rü name i pema penangõ̱x. Rü ngẽxgumarüxü̃ tá ta ngẽma nangõ̱xgü i pexü̃taxü̃gü, rü perü puracütanüxü̃ rü duü̃xü̃gü i togü i nachixü̃anecüã̱x i petanügu pegüxü̃.

Echequié 34:26

Rü chorü ma̱xpǘne ya üünecüwagu tá chanamugü i chorü carnérugü. Rü tá nüxü̃ charüngü̃xẽxẽxü̃ rü naxca̱x chanapuxẽxẽ nax mea nachibüexü̃ca̱x.

Ínachoxü̃xü̃chiga 16:5

Rü ngẽxguma tá norü 6 i ngunexü̃wa nanguxgu nax norü dewa pexĩxü̃ i ngẽma õna nax pepatawa penanaxü̃ca̱x, rü tá penayaxu i taxre i ngunexü̃ nagúxü̃ca̱x —ñanagürü ga Tupana.