Lebítanüxü̃arü puracüchiga 25:16 - Tupanaarü Ore

¹⁶ Rü ngẽxguma namumaegu ya taunecü ya nagu nabuxucü i ngẽma nanetüarü o naxü̃pa nax nawa nanguxü̃ ya yimá ngúxü̃chigaarü taunecü, rü yexera tá natatanü i ngẽma naane. Natürü ngẽxguma noxre ya taunecü nataxuxgu nax nawa nanguxü̃ ya ngúxü̃chigaarü taunecü rü noxre tá nixĩ ya yimá taunecügü i nagu nabuxucü i nanetü, rü ngẽmaca̱x i ngẽma naane rü tá naxítanü. Erü ngẽma nanetüarü buxu nixĩ i namaxã nataxexü̃.

Lebítanüxü̃arü puracüchiga 25:16 Referans Kwoze

Lebítanüxü̃arü puracüchiga 25:51

Rü ngẽxguma mucüma ya taunecü taxu̱xgu nax ngúxü̃chigaarü taunecüwa nanguxü̃, rü yimá taunecügü ya taxu̱xcüe̱xpü̱x tá nixĩ i nügü naxütanüxü̃ nax ínanguxuchixü̃ca̱x.

Lebítanüxü̃arü puracüchiga 25:27

Rü yíxema namaxã taxexe i tümaarü naane rü ngẽmawena tá tayaxugü nax ñuxre ya taunecü taxuxü̃ nax nguxü̃chigawa nanguxü̃. Rü yimá taunecügü ya taxucütanü tá nixĩ i nüxü̃́ ngĩxü̃ tataegucü i diẽru. Rü ngẽmaãcü wenaxarü tümaarü tá nixĩ i ngẽma naane.

Lebítanüxü̃arü puracüchiga 25:15

Rü ngẽxguma wüxíe naaneca̱x tataxegu rü tá tanangugü i ñuxre ya taunecü taxuxü̃ nax wena nawa nanguxü̃ i ngẽma ngúxü̃chigaarü taunecü. Rü yimá taunecügü ya taxucüe̱xpü̱x tá tanaxütanü i ngẽma naane. Rü yíxema naanemaxã taxexe rü tá tanangugü i ñuxre ya taunecügü tá naxoxü̃ i ngẽma naanearü nanetü naxü̃pa nax nawa nanguxü̃ ya yima ngúxü̃chigaarü taunecü. Rü yimá taunecü ya taxucüe̱xpü̱x tá nixĩ i natanü i ngẽma naane.

Lebítanüxü̃arü puracüchiga 27:18

Natürü ngẽxguma ngúxü̃chigaarü taunecüwena Cori ya Tupanana naxããgu, rü nüma ya chacherdóte tá nixĩ i naxüaxü̃ i natanü nae̱xpü̱x ya yimá taunecügü ya taxucü nax wena ngúxü̃chigaarü taunecüwa nanguxü̃. Rü yimá taunecüe̱xpü̱x tá nixĩ i naxãtanüxü̃ i ngẽma naane.