Lebítanüxü̃arü puracüchiga 25:10 - Tupanaarü Ore

¹⁰ Rü ngẽxguma 50 ya taunecüwa nanguxgu, rü yimá taunecü rü üünecü tá nixĩ. Rü yimá taunecügu rü tá penaxunagü nax marü ípenguxü̃xü̃ i guxãma i pema i togüme̱xẽwa nax pengẽxmagüxü̃. Rü guxãma i pema rü petanüxü̃güca̱x tá pewoegu rü wenaxarü perü naanearü yora tá pixĩgü.

Lebítanüxü̃arü puracüchiga 25:10 Referans Kwoze

Yeremía 34:8

Rü nüma ga ãẽ̱xgacü ga Chedequía rü wüxigu guxü̃ma ga Yerucharéü̃cüã̱xgümaxã nagu narüxĩnüe nax ínanguxü̃xẽẽãxü̃ ga yema norü mugüruxü̃gü. Rü yemawena Cori ya Tupana Yeremíamaxã nidexa.

Ichaía 63:4

Rü marü nawa nangu i ngunexü̃ nax chanaxütanüxü̃ i chorü duü̃xü̃gü nax íchananguxü̃xẽẽxü̃ca̱x.

Nüxíraxü̃xü̃ ga popera ga Pedru ümatüxü̃ 2:16

Rü ñu̱xma nax Cristu pexü̃ ínguxü̃xẽẽxü̃, rü name nixĩ i duü̃xü̃gü i aixcüma ínguxü̃xü̃rüü̃ãcü mea pemaxẽ. Natürü ñu̱xma nax ípenguxü̃xü̃ rü tama name nax ngẽmamaxã pegü ípepoxü̃xü̃ nax ta̱xacürü chixexü̃ pexügüxü̃ca̱x. Erü ñu̱xma nax Tupanaarü duü̃xü̃gü pixĩgüxü̃, rü name nixĩ i norü ngúchaü̃ pexügü.

Gálatas 5:13

Natürü pemax, Pa Chauenexẽgüx, rü Tupana pexca̱x naca nax ngẽma mugüna ípenguxü̃xü̃ca̱x. Rü ñu̱xma nax nüxna ípenguxü̃xü̃, rü tama name i ngẽmaca̱x pexenearü ngúchaü̃ pexügü. Natürü name nixĩ nax pegü pengechaü̃güxü̃ rü ngẽmaãcü pegü perüngü̃xẽẽgüxü̃ i wüxichigü.

Lebítanüxü̃arü puracüchiga 25:13

Rü ngẽma ngúxü̃chigaarü taunecügu rü guxãma i pema rü peaneca̱x tá pewoegu rü wena perü naanearü yora tá pixĩgü.

Ínachoxü̃xü̃chiga 20:2

—Choma nixĩ i curü Tupana ga Equítuanewa cuxü̃ íchanguxuchixẽẽxü̃ naxme̱xwa ga Equítuanecüã̱xgü ga puracü cuétü nugüxü̃.

2 Corintios 3:17

Erü nüma ya tórü Cori ya Tupana rü Naãxẽ ya Üünexü̃ rü wüxitama nixĩgü, rü ngextá ínangexmaxü̃wa i Naãxẽ ya Üünexü̃, rü nangẽxma i tauxcha nax Tupanana ingaicamagüxü̃.

Wiyaegü 146:7

Rü nüma rü tümaétüwa nachogü ya yíxema togü chixri tümamaxã icuáxe. Rü yíxema taiyagu ímaxẽxe rü nüma ya Tupana rü tüxü̃ nachibüexẽxẽ. Rü yíxema poxcupataü̃wa ngẽxmagüxe rü tüxü̃ ínanguxü̃xẽxẽ.

Ichaía 49:9

Rü pema rü tá ñaperügü nüxü̃ i ngẽma poxcuexü̃: “¡Marü ípenguxü̃!” ñaperügü tá. Rü ngẽma ẽanexü̃wa ngẽxmagüxü̃ rü tá ñaperügü nüxü̃: “¡Ípechoxü̃ rü nangóonexü̃wa pexĩ!” ñaperügü tá. Pema rü guxü̃ma i namagücüwawa tá nüxü̃ peyangau i mecü ya maxẽ, rü guxü̃ne ya ma̱xpǘnegüwa rü tá nayima ya maxẽ naxca̱x i perü wocagü.

Édra 1:3

Rü ngẽmaca̱x i guxãma i pema ya Iraéanecüã̱xgü ixĩgüxe, rü name nixĩ nax Yudáanewa ngẽxmane ya ĩane ya Yerucharéü̃ca̱x pewoeguxü̃ nax wena penaxügüxü̃ca̱x ya napata ya taxü̃ne ya yimá perü Tupana. Rü nüma tá pexü̃́ nanatauxchaxẽxẽ nawa i ngẽma puracü.

Lebítanüxü̃arü puracüchiga 25:11

Rü yimá 50 ya taunecü rü ngúxü̃chigaarü taunecü tá nixĩ. Rü yimá taunecügu rü taxũtáma pitoegü. Rü ngẽma trigu i nüechama peanewa rüxügüxü̃arü o, rü taxũtáma penabuxu. Rü taxũtáma penadaü̃tanü i perü úbanecü, rü taxũtáma penabuxu i norü o.

Lebítanüxü̃arü puracüchiga 25:54

Rü ngẽxguma guxcüma ya yimá taunecü tama ínanguxuchigu, natürü ngẽxguma ngúxü̃chigaarü tauenecüwa nanguxgu rü tá ínanguxuchi nanegümaxã.

Echequié 46:17

Natürü ngẽxguma ãẽ̱xgacü rü norü naanewa wüxi i norü puracütanüxü̃na naxããgu i naane, rü ngẽma naane rü norü puracütanüxü̃arü tá nixĩ. Natürü ngẽxguma nawa nanguxgu ya yimá Taunecü ya Nagu Natáeguxẽẽãcü i Naane rü wena táxarü ãẽ̱xgacüarü naane nixĩ. Rü ngẽxguma i ngẽma naane rü nanegüarü tá nixĩ.

Lebítanüxü̃arü puracüchiga 25:41

Rü ngẽxguma yima taunecüwa nanguxgu rü tá cupatawa ínaxũxũ naxacügümaxã nax norü naaneca̱x rü natanüxü̃ca̱x nataeguxü̃ca̱x. Rü ngẽmaãcü tá natanüxü̃arü naanewa nayamaxü̃.

Yeremía 34:10

Rü guxü̃ma ga ãẽ̱xgacügü rü guxü̃ma ga duü̃xü̃gü nanayauxgü ga yema unetawa nüxü̃ ixuxü̃. Rü ínananguxü̃xẽxẽ ga norü mugüruü̃gü rü marü tama nanapuracüexẽxẽ.