Lebítanüxü̃arü puracüchiga 24:19 - Tupanaarü Ore

¹⁹ Rü ngẽma duü̃xü̃ i namücüxü̃ napi̱xẽẽxü̃, rü ngẽxgumarüxü̃ tá ta nanapi̱x i nümax.

Lebítanüxü̃arü puracüchiga 24:19 Referans Kwoze

Ore i mexü̃ ga Matéu ümatüxü̃ 7:2

Erü ngẽxgumarüxü̃ nax toguxexü̃ pixuxü̃ rü togü tá pexü̃ nixu. Rü ngẽma dexa i namaxã tüxü̃ pixuxü̃, rü ngẽmatama dexamaxã tá pexü̃ tixu.

Ore i mexü̃ ga Matéu ümatüxü̃ 5:38

Pema rü marü nüxü̃ pexĩnüe ga yema mu ga ñaxü̃: ‘Ngẽxguma texé wüxi ya duü̃xẽxü̃ icháixetüxẽẽgu, rü tüxü̃ rü ta ticháixetüxẽxẽ. Rü texé wüxi ya duü̃xẽxü̃ ibüepütagu rü tüxü̃ rü ta tibüepüta’, ñaxü̃.

Wenaxarü naxümatü ga Tupanaarü mugü 19:21

Rü taxũtáma pexü̃́ nangechaü̃tümüxü̃ i ngẽma duü̃xü̃ i chixexü̃ üxü̃. Rü ngẽma máetaxü̃ rü tá peyama̱x. Rü ngẽma texéxü̃ ichaíxetüxẽẽxü̃ rü tá peyacháixetüxẽxẽ. Rü ngẽma texéxü̃ ibüepütaxü̃ rü tá peyabüepüta. Rü ngẽma texéxü̃ ibüyechacüüxü̃ rü tá peyabüyechacüxü. Rü ngẽma texéxü̃ ibüyeparaxü̃ rü tá peyabüyepara.

Ínachoxü̃xü̃chiga 21:23

Natürü ngẽxguma yíxema ngexe rü taturaxüchigu rü yíxema ngĩxü̃ yuxacüexẽxẽ rü tümaarü maxü̃maxã tá tanaxütanü.

Lebítanüxü̃arü puracüchiga 24:18

Rü ngẽma duü̃xü̃ i wüxi i naxü̃na i tama noxrü ixĩxü̃ imáxü̃, rü naxü̃namaxã tá nanatáeguxẽxẽ.

Lebítanüxü̃arü puracüchiga 24:20

Rü ngẽxguma texé wüxíexü̃ ibüyechacüügu rü ngẽxgumarüxü̃ tá ta tüxü̃ nibüyechacüügü. Rü ngẽxguma texé wüxíexü̃ ichaixetüxẽẽgu rü tüxü̃ rü tá ta nicháixetüxẽxẽgü. Rü ngẽxguma texé wüxíexü̃ ibüepütagu rü tüxü̃ rü tá ta nibüepütaxü̃gü. Rü ngẽmaãcü ngẽmatama ngúxü̃ i toguxexü̃ tingexẽẽxü̃ rü tüma rü tá ta nayange.

Ãẽ̱xgacügü ga guxchaxü̃güarü mexẽxẽruü̃gü 1:7

Rü yexguma nüma ga Adonichéde rü ñanagürü: —Tupana rü ñu̱xma chomaxã nanaxü ga yema chaxüxü̃ namaxã ga yema 70 ga ãẽ̱xgacügü ga yexguma íchanadaü̃gu ga guma norü tatareneme̱xẽgü rü guma norü tatarenecutügü. Rü nümagü rü chorü mechatüü̃gu ínawaatanünexü̃ naxca̱x ga yema chorü õnatüchi ga rüyixix —ñanagürü. Rü yemawena rü Adonichédexü̃ Yerucharéü̃wa nagagü. Rü yexma nixĩ ga nayuxü̃.

Ínachoxü̃xü̃chiga 21:24

Rü ngẽxguma texé wüxíexü̃ ticháixetüxẽẽgu, rü cháixetümaxã tá ta tüxü̃́ naxãtanü. Rü ngẽxguma texé wüxíexü̃ tibüepütaxẽẽgu, rü büepütamaxã tá ta tüxü̃́ naxãtanü. Rü ngẽxguma texé wüxíexü̃ tipoyeme̱xẽgux, rü poyeme̱xẽmaxã tá ta tüxü̃́ naxãtanü. Rü ngẽxguma texé wüxíexü̃ tipoyecutügu rü poyecutümaxã tá ta tüxü̃́ naxãtanü. Rü ngẽxguma texé wüxíexü̃ tigu̱xgu, rü gumaxã tá ta tüxü̃́ naxãtanü. Rü ngẽxguma texé wüxíexü̃ tapi̱xẽẽgu, rü pi̱xẽẽmaxã tá ta tüxü̃́ naxãtanü. Rü ngẽxguma texé wüxíena tanacua̱i̱xcagu, rü cua̱i̱xcamaxã tá ta tüxü̃́ naxãtanü.