Lebítanüxü̃arü puracüchiga 23:44 - Tupanaarü Ore

⁴⁴ Rü yemaacü nixĩ ga Iraétanüxü̃maxã nüxü̃ yaxuxü̃ ga Moiché nachiga ga yema ngunexü̃gü ga Cori ya Tupanaca̱x tá ínaxüxüchigüxü̃.

Lebítanüxü̃arü puracüchiga 23:44 Referans Kwoze

Ore i mexü̃ ga Matéu ümatüxü̃ 18:20

Erü ngextá taxre rüe̱xna tomaepü̱x i duü̃xü̃gü chauégagu íngutaque̱xexü̃wa, rü choma rü ta norü ngãxü̃tanüwa changexma —ñanagürü.

Lebítanüxü̃arü puracüchiga 21:24

Rü Moiché rü yema Tupana namaxã nüxü̃ ixuxü̃ãcütama Aróü̃maxã, rü nanegümaxã rü guxü̃ma i Iraétanüxü̃maxã nüxü̃ nixu.

Lebítanüxü̃arü puracüchiga 23:37

Rü ngẽma nixĩ i ngunexü̃gü i tá Cori ya Tupanaca̱x pexüchigagüxü̃. Rü ngẽma ngunexü̃gügu rü tá Cori ya Tupanaca̱x pengutaque̱xegü, rü tá nüxna penaxã i perü ãmaregü i naxca̱x ípeguxü̃. Rü ngẽma nixĩ i ãmaregü i naeü̃gü i ípeguxü̃ rü ãmaregü i perü ngúchaü̃maxã ipexãxü̃, rü perü ãmaregü i trigute̱xe, rü perü ãmaregü i naxü̃nagü i naxca̱x pedaixü̃, rü perü ãmare i bínu. Rü guxü̃ma i ngẽma rü tá ipenaxã nagu i ngẽma ngunexü̃ i nüxü̃ chaxunetaxü̃.

Lebítanüxü̃arü puracüchiga 24:1

Rü nüma ga Cori ya Tupana rü Moichémaxã nidexa rü ñanagürü nüxü̃: