Lebítanüxü̃arü puracüchiga 23:34 - Tupanaarü Ore

³⁴ —¡Namaxã nüxü̃ ixu i ngẽma Iraétanüxü̃ i ñaa ore!: “Rü yimá norü 7 ya tauemacüarü 15 i ngunexü̃gu tá nixĩ i penaxüchigaxü̃ nax chauégagu penaxüxü̃ ya perü düxenügü ya naixatünaxca̱x. Rü ngẽma peta i cha̱u̱xca̱x pexüxü̃ rü 7 i ngunexü̃ tá natai.

Lebítanüxü̃arü puracüchiga 23:34 Referans Kwoze

Ore i mexü̃ ga Cuáü̃ ümatüxü̃ 7:2

Natürü marü ningaica ga yema Yudíugüarü peta ga Düxenügüarü Petagu naxãégaxü̃ ga nagu norü düxenügü yaxǘgüxü̃.

Neemía 8:14

Rü yema mugüpanewa namaxã inarüxĩ ga ümatüxü̃ nax Cori ya Tupana rü Moichéxü̃ namuxü̃, rü ngẽxguma ngẽma peta ya norü 7 ya tauemacügu naxüchigagüxü̃wa nanguxgu rü düxenügügumare tá napegüxü̃ i Iraétanüxü̃.

Édra 3:4

Rü yema Moiché ümatüxü̃ ga mugü nüxü̃ ixuxü̃rüxü̃ rü nanaxüchigagüxü̃ ga yema naixatümaxã nügü nax yaxüpataxü̃. Rü guxü̃ma ga ngunexü̃gu rü ínanaguuxü̃ ga ãmaregü aixrügumarüü̃tama yema Moiché ümatüxü̃ ga mugü nüxü̃ ixuxü̃rüxü̃.

Iraétanüxü̃arü muxchiga 29:12

Rü yimá 7 ya tauemacüarü 15 i ngunexü̃gu rü cha̱u̱xca̱x tá pengutaque̱xegü. ¡Rü ngẽma ngunexü̃gu rü taxuxü̃táma i puracü pexüe! Rü 7 i ngunexü̃ tá chauégagu penaxü i ngẽma petachiga.

Ínachoxü̃xü̃chiga 34:22

¡Rü penaxüchiga i Yüxügüarü Peta i nagu peyabugüxü̃ i ngẽma nüxíraxü̃xü̃ i norü o i penetü i peanegu petoxü̃ rü ñu̱xũchi taunecüarü gu̱xgu peyabugü i ngẽma nawa iyacuáxü̃ i norü o!

Ore i mexü̃ ga Cuáü̃ ümatüxü̃ 1:14

Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Ínachoxü̃xü̃chiga 23:16

¡Rü naxüchiga i norü buxgü i ngẽma nüxíraxü̃xü̃ i norü o i cunetü i cuanegu cutoxü̃! ¡Rü ngẽxgumarüxü̃ ta taunecüarü gu̱xgu naxüchiga i norü buxgü i ngẽma nawa iyacuáxü̃ i norü o i cunetü i cuanegu cutoxü̃!

Popera ga Yudíugü ga yaxõgüxü̃ca̱x ümatüxü̃ 11:9

Rü yexguma nawa nanguxgu ga yema naane ga Tupana namaxã ixunetaxü̃, rü wüxi ga to ga nachixü̃anecüã̱xrüxü̃ ĩpata ga naxchirunaxca̱xmaxãmare naxãpata. Rü yexgumarüü̃tama ga nane ga Ichaá rü nataxa ga Acóbu rü yema naanewa ĩpata ga naxchirunaxca̱xmaxãmare naxãpatagü, rü naxca̱xgü rü ta nixĩ ga yema uneta ga Tupana Abráü̃maxã nüxü̃ ixuxü̃.

Popera ga Yudíugü ga yaxõgüxü̃ca̱x ümatüxü̃ 11:13

Natürü nümagü ga Abráü̃ rü Ichaá rü Acóbu rü nayue, rü tama nüxü̃ nadaugü ga guxü̃ma ga yema Tupana namaxã ixunetaxü̃. Natürü Tupanaaxü̃́ nayaxõgü, rü yemaca̱x yáxü̃wama nüxü̃ nadau nax Tupana yanguxẽẽxü̃ ga yema norü uneta. Rü yemaca̱x nataãẽgü woo nüxü̃ nacua̱xgü nax ñoma to i nachixü̃anecüã̱xrüxü̃ paxaãchimare ñoma ga naanewa nayexmagüxü̃.

Lebítanüxü̃arü puracüchiga 23:33

Rü nüma ga Cori ya Tupana rü Moichémaxã nidexa rü ñanagürü nüxü̃:

Lebítanüxü̃arü puracüchiga 23:42

Rü guxãma i pema i aixcüma Iraétanüxü̃ ixĩgüxe, rü ngẽma 7 i ngunexü̃gu tá düxenütüü̃gu pepegü, nax guxü̃ma i petaagü nüxü̃ cua̱xgüxü̃ca̱x rü yexguma Equítuanewa pexü̃ íchagaxü̃gu rü düxenütüü̃gu nixĩ ga pexü̃ chapegüxẽẽxü̃. Rü choma nixĩ ya Cori ya perü Tupana chixĩxü̃” —ñanagürü.

Wenaxarü naxümatü ga Tupanaarü mugü 16:16

Rü guxü̃ma i yatüxü̃gü rü wüxichigü ya taunecügu rü name nax tomaepü̱xcüna Cori ya perü Tupanape̱xewa naxĩxü̃ nawa i ngẽma nachica i nüma nüxü̃ naxunetaxü̃. Rü ñaagü nixĩ i ngẽma petagü i nagu Tupanape̱xewa naxĩxü̃: Paũ i Ngearü Pu̱xẽẽruü̃ã́xü̃, rü Nanetüarü Buxgüchiga, rü Düxenügüchiga. Rü ngẽma petachigagügu rü tama name nax texé ngẽãcume̱xẽãcüma Cori ya Tupanape̱xewa taxuxü̃.

Wenaxarü naxümatü ga Tupanaarü mugü 31:10

Rü yexguma ga nüma ga Moiché rü yema ãẽ̱xgacügüxü̃ naxuxcu̱xẽ, rü ñanagürü: —Guxü̃guma i ngẽxguma norü 7 ya taunecüwa nanguuxü̃gu nax pegüxü̃́ nüxü̃ pengechaü̃güxü̃ i perü ngetanügü, rü ngẽxguma tá nixĩ i guxü̃ma i duü̃xü̃güpe̱xewa nüxü̃ pedaumatügüxü̃ i ñaa mugü. Rü ngẽma tá nixĩ i duü̃xü̃güpe̱xewa pexüxü̃ i ngẽxguma düxenügüchigaarü tauemacüwa nanguuxü̃gu rü guxü̃ma i Iraétanüxü̃ Tupanape̱xegu ngutaque̱xegüxü̃gu nawa i ngẽma nachica i nümatama tá nüxü̃ naxunetaxü̃.

Nüxíraxü̃xü̃ ga popera ga ãẽ̱xgacügüchiga 8:2

Rü gumá taunecüarü 7 ga tauemacü ga Etanígu nixĩ ga Charomóü̃ nangutaque̱xexẽẽxü̃ ga yema Iraéanecüã̱xgü nax yaxãxü̃chigüãxü̃ca̱x ga gumá Tupanapata. Natürü meama nagu nangu ga yema norü peta ga wüxichigü ga taunecügu norü düxenügü nagu naxüchigagüxü̃.

Nüxíraxü̃xü̃ ga popera ga ãẽ̱xgacügüchiga 8:65

Yexguma nixĩ ga yexma Charomóü̃maxã nangutaque̱xegü ga muxũchixü̃ma ga duü̃xü̃gü ga guxü̃wama ga Iraéanewa ne ĩxü̃. Rü Amáwa inaxügü ga nórtewaama ne ĩxü̃ rü ñu̱xmata Equítuarü natüwa nangu ga súrwaama ne ĩxü̃. Rü yexguma naxüchigagüãgu ga guma Tupanapata ga taxü̃ne, rü 7 ga ngunexü̃ nagu ningegü. Rü yexgumarüxü̃ ta Tupanaarü cua̱xüü̃xü̃ca̱x nanaxüchigagü ga düxenüchiga ga to ga 7 ga ngunexü̃ nagu yangegüxü̃. Rü yemaacü guxü̃wama 14 ga ngunexü̃wa nangu nax naxüchigagüãxü̃.

Nüxíraxü̃xü̃ ga popera ga ãẽ̱xgacügüchiga 12:32

Rü ñu̱xũchi guma 8 ga tauemacüarü 15 gu nanaxü ga wüxi ga peta naxca̱x ga norü tupananetagü. Yema peta naxüchigagügu rü Yudáanewa naxügüxü̃rüxü̃ nanaxügü. Rü nümatama ga Yeruboáü̃ nixĩ ga ínaguaxü̃ ga woca nawa ga yema ãmarearü guruxü̃ ga ĩane ga Betégu naxüxü̃. Rü yema wocachicüna̱xã ga úirunaxca̱x ga nümatama naxüxü̃pe̱xegu naxü̃nagü nadai rü naxca̱x ínanagu. Rü nanaxüarü chacherdóteã̱xgü ga yema ãmarechicagü ga nüma ínaxüxüxü̃ nax nawa norü tupananetaxü̃ yacua̱xüü̃güxü̃ca̱x.

Echequié 45:25

Rü ngẽxguma yima 7 ya tauemacüarü 15 i ngunexü̃wa nanguxgu rü tá penaxüchiga i ngẽma düxenügüarü peta. Rü wüxichigü i ngẽma 7 i ngunexü̃gügu rü nüma ya ãẽ̱xgacü rü pecaduarü ütanüruxü̃ tá 7 i wocaxacügü rü 7 i carnérugü rü wüxi i chíbu cha̱u̱xca̱x ínagu namaxã i trigute̱xe rü chíxü̃ —ñanagürü.