Lebítanüxü̃arü puracüchiga 23:24 - Tupanaarü Ore

²⁴ —¡Iraétanüxü̃maxã nüxü̃ ixu i ñaa ore! “Rü yimá norü 7 ya tauemacüarü ügügu rü tá iperüngügü. Rü ngẽma ngunexü̃gu rü tá perü cornétagügu picuegü nax ngẽmaãcü cha̱u̱xca̱x pengutaque̱xegüxü̃ca̱x rü choxna pecua̱xãchiexü̃ca̱x.

Lebítanüxü̃arü puracüchiga 23:24 Referans Kwoze

1 Corintios 15:52

Rü ngürüãchimare wüxi i peãxetügu tá nixĩ i ngẽma nax naxüchicüüxü̃ i taxü̃ne i ngẽxguma naanearü guxgux naxãgagu ya cornéta. Rü tá naxãga ya yimá cornéta, rü ngẽxguma i ngẽma duü̃xü̃gü i yuexü̃ rü tá ínarüdagü nax tagutáma wena nayuexü̃ca̱x. Rü yixema nax imaxẽxü̃ rü tá naxüchicüü i taxü̃negü.

1 Tesalonicenses 4:16

Erü nümatama ya Cori rü daxũwa tá ínarüxĩ, rü tá nüxü̃ taxĩnüe i wüxi i naga i daxũwa inaxũxü̃ i tüxü̃ muxü̃, rü naga i Tupanaarü orearü ngeruxü̃güarü ãẽ̱xgacü. Rü tá nüxü̃ taxĩnüe nax yacuexü̃ ya Tupanaarü cornéta. Rü ngẽxguma i ngẽma yuexü̃ i Cristuaxü̃́ yaxõgüxü̃ rü tá nüxíra ínarüdagü.

Lebítanüxü̃arü puracüchiga 25:9

Rü yimá norü 7 ya tauemacüarü 10 i ngunexü̃gu tá penaxü i Pecaduarü Mexẽxẽchiga. Rü ngẽma ngunexü̃gu tá peyacuegü ya cornétagü i guxü̃wama i pechixü̃anewa.

Wiyaegü 98:6

¡Rü perü paxetaruü̃gü i nagu picuegüxü̃maxã taãẽãcüma ãẽ̱xgacü ya Coripe̱xewa pewiyaegü!

Norü taxre ga to ga popera ga ãẽ̱xgacügüchiga ümatüxü̃ 5:13

Rü yema wiyaetanüxü̃ rü paxetatanüxü̃ rü wüxigu nawiyaegü rü Tupanaxü̃ nicua̱xüü̃gü rü Cori ya Tupanana moxẽ naxãgü. Rü yemaacü napaxetagü namaxã ga norü cornétagü rü norü platíyugü rü togü ga paxetaruü̃gü. Rü yema norü wiyaewa rü ñanagürügü: —¡Nüxü̃ picua̱xüü̃gü ya Cori ya Tupana erü nüma rü namecüma rü ngẽma norü ngechaü̃ rü taguma inayagu̱x! —ñanagürügü. Rü yexgumatama ga guma Cori ya Tupanapata ga taxü̃ne rü caxixü̃maxã nanapá.

Ichaía 27:13

Rü ngẽma ngunexü̃gu rü tá nagu nicue ya yimá cornéta ya tagane. Rü ngẽma Iraétanüxü̃ i Achíriaanegu woonexü̃ rü ñu̱xũchi ngẽma Equítuanewa gagüxü̃ rü tá Yerucharéü̃ca̱x nawoegu. Rü yima ma̱xpǘne ya üünenewa tá Cori ya Tupanaxü̃ nicua̱xüü̃gü.

Édra 3:6

Rü yema nax Tupanaca̱x ínaguaxü̃ ga ãmaregü, rü inanaxügüe meama norü 7 ga tauemacüarü ügügu naxü̃pa nax ínachixẽẽgüãxü̃ ga yema naxtapü̱x ga guma Tupanapata ga taxü̃ne.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 15:28

Rü yemaacü nüma ga Dabí, rü guxü̃ma ga yema Iraétanüxü̃ rü nagu nicuegü ga carnéruchatacu̱xregü rü nanapaxgü ga platíyugü rü árpagü ga ixíraxü̃ rü árpagü ga ítáxü̃. Rü yemaacü taãẽãcü Yerucharéü̃wa nanangegü ga yema baú ga Tupanaarü mugü nagu nuxü̃.

Lebítanüxü̃arü puracüchiga 23:23

Rü nüma ga Cori ya Tupana rü Moichémaxã nidexa rü ñanagürü nüxü̃:

Neemía 8:2

Rü nüma ga chacherdóte ga Édra rü yéma nanange ga yema Tupanaarü mugüpane nape̱xewa ga yema duü̃xü̃gü ga yexma ngutaque̱xegüxü̃ ga yatüxü̃ rü ngexü̃ rü ngextü̱xücügü rü pacügü.

Wiyaegü 89:15

Pa Corix, nataãẽgü i ngẽma duü̃xü̃gü i nüxü̃ cuáxü̃ nax taãẽãcü cuxü̃ yacua̱xüü̃güxü̃ rü aixcüma curü oregu namaxẽxü̃ nax ngẽmaãcü curü ngóonexü̃wa nangẽxmagüxü̃.