Lebítanüxü̃arü puracüchiga 23:17 - Tupanaarü Ore

¹⁷ Rü pepatawa tá ne penange i taxre i paũ i ngẽma rümemaexü̃ i trigute̱xewa üxü̃ i pu̱xẽẽruü̃ã́xü̃. Rü 4 quíru naguxü̃ tá nixĩ i wüxichigü i ngẽma paũ, rü chope̱xewa tá peyachü̱xacüüxẽxẽ. Rü ngẽma rü wüxi i ãmare i nüxíra pebuxuxü̃ i perü tríguarü owa üxü̃ tá nixĩ.

Lebítanüxü̃arü puracüchiga 23:17 Referans Kwoze

Lebítanüxü̃arü puracüchiga 23:10

—Ñaa ore tá nixĩ i namaxã nüxü̃ quixuxü̃ i ngẽma Iraétanüxü̃: “Rü ngẽxguma nagu pechocu̱xgux i ngẽma naane i choma tá pexna chaxãxü̃, rü ngẽxguma peyabuxgügu i perü trigu, rü tá perü chacherdótena penaxã i ngẽma nüxíra pebuxuxü̃ i norü o i ngẽma trigu

Iraétanüxü̃arü muxchiga 28:26

Rü ngẽxguma penaxüchigagu i nüxíraxü̃xü̃ i penetüarü o rü tá Cori ya Tupanana penaxã i ngẽma nüxíraxü̃xü̃ i perü tríguarü ogü. Rü ngẽma peta i Yüxügüarü Petagu ãégaxü̃gu tá cha̱u̱xca̱x pengutaque̱xegü. ¡Rü ngẽma ngunexü̃gu rü taxuxü̃táma ta̱xacürü puracü pexüe!

Lebítanüxü̃arü puracüchiga 7:13

Rü wüxigu namaxã i ngẽma naxü̃na i namaxã choxü̃ perüngüxmüxẽẽxü̃ rü moxẽ choxna pexãxü̃, rü tá choxna penaxã i paũ i maixcuraxü̃ i pu̱xẽẽruü̃ã́xü̃.

Ínachoxü̃xü̃chiga 34:26

Rü ngẽma nüxíraxü̃xü̃ i norü o i ngẽma penetügüwa pibuxgüxü̃, rü name nixĩ i chopatawa penana i ngẽma rümemaegüxü̃. ¡Rü taxũtáma naégünenixü̃wa penamuxra i ngẽma cabraxacügü! —ñanagürü ga Tupana.

Ínachoxü̃xü̃chiga 34:22

¡Rü penaxüchiga i Yüxügüarü Peta i nagu peyabugüxü̃ i ngẽma nüxíraxü̃xü̃ i norü o i penetü i peanegu petoxü̃ rü ñu̱xũchi taunecüarü gu̱xgu peyabugü i ngẽma nawa iyacuáxü̃ i norü o!

Ínachoxü̃xü̃chiga 23:19

Rü ngẽma nüxíraxü̃xü̃ i norü o i ngẽma cunetügüwa quibuxgüxü̃, rü name nixĩ i Tupanapatawa cunana i ngẽma rümemaegüxü̃. ¡Rü taxũtáma naégünenixü̃wa cunamuxra i ngẽma chíbuxacügü!

Yema Cuáü̃ nüxü̃ dauxü̃ i yixcüra tá ngupetüxü̃chiga 14:4

Rü yema nixĩ ga duü̃xü̃gü ga tama ñoma ga naanearü ngúchaü̃ i chixexü̃maxã nügü ãũãchiarü maxü̃ã̱xgüxü̃ rü tama nüxü̃ rüxoexü̃ nax Tupanaaxü̃́ yaxõgüãxü̃. Rü nümagü rü yimá Carnéruxacüwe narüxĩ i ngextá ínaxũxü̃wa. Rü yemagü nixĩ ga ñoma ga naanecüã̱xtanüwa nüxíra Tupanaaxü̃́ yaxõgüxü̃ rü gumá Carnéruxacüaxü̃́ yaxõgüxü̃ rü nayauxgüxü̃ i maxü̃ i taguma gúxü̃.

Popera ga Chantiágu ümatüxü̃ 1:18

Rü nüma nixĩ ga tüxna naxããxü̃ ga norü ore i aixcüma ixĩxü̃ nax ngẽmaãcü tüxü̃́ nangẽxmaxü̃ca̱x i maxü̃ i taguma gúxü̃. Rü yemaacü nanaxü yerü nanaxwa̱xe nax yixíra nüxü̃́ nax yaxõgüxü̃.

1 Corintios 15:20

Natürü aixcümaxü̃chi nixĩ ga Cristu ga yuwa nax ínadaxü̃. Rü natanüwa i guxü̃ma i ngẽma yuexü̃ i yixcüra tá írüdagüxü̃, rü Cristu nixĩ ga namaxã inaxügücü nax ínadaxü̃, yerü nüma nixĩ ga nüxíra wena namaxü̃xü̃.

Romanos 8:23

Rü tama ñaa naanexicatama nixĩ i ngúxü̃ ingexü̃ i ñu̱xma, natürü yixema i tüxü̃́ ngẽxmaxü̃ i Tupanaãxẽ ya Üünexü̃ rü ta ngúxü̃ tingegü. Rü ñu̱xma nax tüxü̃́ nangẽxmaxü̃ i Naãxẽ ya Üünexü̃ ya Tupana tüxna muxü̃, rü ngẽma nixĩ i norü ügü i ngẽma mexü̃gü ya Tupana tüxna ãxchaü̃xü̃ i daxũguxü̃ i naanewa. Rü ñu̱xma rü ítanangu̱xẽxẽ nax Tupana tüxü̃ dexü̃ rü ngexwaca̱xü̃xü̃ i taxü̃negü tüxna naxãxü̃.

Ore i mexü̃ ga Matéu ümatüxü̃ 13:33

Rü Ngechuchu rü to ga ore ga cua̱xruxü̃ duü̃xü̃gümaxã nixu, rü ñanagürü: —Guxü̃wama nangu nax ãẽ̱xgacü yixĩxü̃ ya Tupana. Rü ñoma íxraxü̃ i paũarü pu̱xẽẽruxü̃ i wüxi i nge taxü̃ i paũchara namaxã ipu̱xẽẽxü̃rüxü̃ nixĩ nax guxü̃wama nanguxü̃ —ñanagürü ga Ngechuchu.

Iraétanüxü̃arü muxchiga 15:17

Rü Cori ya Tupana rü Moichémaxã nidexa rü ñanagürü:

Lebítanüxü̃arü puracüchiga 2:12

Natürü ngẽxguma Cori ya Tupanana penaxãxgu i nüxíraxü̃güxü̃ i penetüarü o, rü name i namaxã Tupanana penaxã i ngẽma pu̱xẽẽruxü̃ rü berure. Natürü taxũtáma ãmarearü guruü̃wa ípenagu i ngẽma pu̱xẽẽruxü̃ rü berure nax naemamaxã nataãẽxü̃ca̱x ya Cori ya Tupana.

Ínachoxü̃xü̃chiga 23:16

¡Rü naxüchiga i norü buxgü i ngẽma nüxíraxü̃xü̃ i norü o i cunetü i cuanegu cutoxü̃! ¡Rü ngẽxgumarüxü̃ ta taunecüarü gu̱xgu naxüchiga i norü buxgü i ngẽma nawa iyacuáxü̃ i norü o i cunetü i cuanegu cutoxü̃!

Ínachoxü̃xü̃chiga 22:29

Rü ngẽma penetügüarü o i choxna üxü̃, rü name nixĩ i paxa choxna penaxã. Rü ngẽxgumarüxü̃ ta i perü úbachiüwa rü chanaxwa̱xe i paxa choxna penaxã i ngẽma choxna üxü̃. Rü yimá nüxíraü̃cü ya pene ya woetama choxna ücü, rü name nixĩ i chopatawa naxca̱x penaxütanü i ngẽma choma nagu chaxunetaxü̃.

Lebítanüxü̃arü puracüchiga 23:18

Rü wüxigu ngẽma paũmaxã tá ngéma penagagü i 7 i carnéruxacügü i yatüxü̃ i wüxi ya taunecü nüxü̃́ ngẽxmagüxü̃ i taxuwama chixexü̃. Rü naétü tá penagagü i wüxi i wocaxacü i yatüxü̃ rü taxre i carnérugü i yatüxü̃. Rü ngẽma rü tá Cori ya Tupanaca̱x ípenagu nax naemamaxã nataãẽxü̃ca̱x. Rü ngẽxgumarüxü̃ ta ngéma tá penange i perü ãmaregü i trigute̱xe rü bínu.

Neemía 10:37

Rü togümaxã itaxunetagü nax Tupanapata ga taxü̃nearü yemaxü̃pataü̃wa tananaxü̃ca̱x i ngẽma nüxíraxü̃xü̃ i torü trigute̱xe rü nüxíraxü̃xü̃ i tonetüarü o, rü yima nüxíraü̃cü ya torü bínu rü nüxíraxü̃xü̃ i torü chíxü̃ nax chacherdótegüna tanaxãxü̃ca̱x. Rü yexgumarüxü̃ ta togümaxã itaxunetagü rü ngẽma 10 i tonetügüarü owa rü wüxi tá nixĩ i Lebítanüxü̃na taxãgüxü̃ erü ngẽma nixĩ i toonegüwa nüxna üxü̃ nax nayauxgüãxü̃ca̱x.

Iraétanüxü̃arü muxchiga 18:12

Rü ngẽxgumarüxü̃ ta cuxna chanaxã i ngẽma nanetügüarü o i nüxíraxü̃güxü̃ i wüxichigü ya taunecügu choxna naxãgüxü̃ i Iraétanüxü̃. Rü ngẽxgumarüxü̃ ta cuxna chanaxã i ngẽma chíxü̃ i rümemaexü̃ rü yimá bínu ya rümemaecü rü ñu̱xũchi ngẽma trigu i rümemaexü̃.

Iraétanüxü̃arü muxchiga 18:13

Rü ngẽxgumarüxü̃ ta cuxna chanaxã i ngẽma togü i nanetügüarü o i nüxíraxü̃güxü̃ i choxna naxãgüxü̃ i Iraétanüxü̃. Rü ngexü̃rüüxü̃mare i cupatacüã̱x i chope̱xewa mearü maxü̃xã́xü̃ rü name nax nangṍoxü̃ i ngẽma ãmaregü.