Lebítanüxü̃arü puracüchiga 23:14 - Tupanaarü Ore

¹⁴ Rü naxü̃pa i ngẽma ngunexü̃ nax Cori ya Tupanana penanaxü̃ i perü ãmaregü, rü tama name nax penangṍxü̃ i paũ, rüe̱xna tríguarü gute̱xexü̃, rüe̱xna trigu i ngexwaca pebuxuxü̃. Rü ngẽma pemaxã nüxü̃ chixuxü̃ i mu nixĩ i guxü̃gutáma nagu pexĩxü̃ i pema rü penegü rü petaagü i ngexta ípexãpatagüxü̃wa.

Lebítanüxü̃arü puracüchiga 23:14 Referans Kwoze

Ínachoxü̃xü̃chiga 34:26

Rü ngẽma nüxíraxü̃xü̃ i norü o i ngẽma penetügüwa pibuxgüxü̃, rü name nixĩ i chopatawa penana i ngẽma rümemaegüxü̃. ¡Rü taxũtáma naégünenixü̃wa penamuxra i ngẽma cabraxacügü! —ñanagürü ga Tupana.

Neemía 9:14

Rü ñu̱xũchi namaxã nüxü̃ quixu nax naxauregüãxü̃ca̱x ga ngü̃xchigaarü ngunexü̃. Rü curü duü̃ ga Moichéwa namaxã nüxü̃ quixu ga mugü rü ngu̱xẽẽtaegü rü ucu̱xẽgü ga aixcüma mexü̃.

Wenaxarü naxümatü ga Tupanaarü mugü 16:12

¡Rü nüxna pecua̱xãchie nax pema rü ta mugüruü̃gü pixĩgüxü̃ ga Equítuarü naanewa! Rü ngẽmaca̱x name nax nagu pexĩxü̃ i guxü̃ma i ñaa mugü.

Lebítanüxü̃arü puracüchiga 3:17

Rü ngẽma nixĩ i wüxi i mu i guxü̃gutáma ngẽxmaechaxü̃ i pexacügüwa rü petaagüwa pexüexẽẽchigüxü̃ i ngextá ípemaxẽxü̃wa. ¡Rü taxũtáma penangõ̱x i ngẽma chíxü̃ rü yimá nagü! —ñanagürü.

Wiyaegü 19:8

Rü Cori ya Tupanaarü ucu̱xẽgü rü aixcüma niwe̱x, rü taãxẽ tüxna naxã. Rü Cori ya Tupanaarü mugü rü taxuwama nachixe, rü cua̱x tüxna naxã.

Lebítanüxü̃arü puracüchiga 2:14

Rü ngẽxguma Cori ya Tupanana cunaxãxgu i wüxi i ãmare i triguwa üxü̃, rü name i nüxíra cubuxuxü̃ i triguwa icunaxã. Rü name i trigu i ngexwaca buxü̃ nax yixĩxü̃. Rü name i üxüwa igoxtanüxü̃ rü meama icamüxü̃ nax yixĩxü̃. Rü ngẽma tá nixĩ i curü ãmare i ngẽma nüxíra cubuxu i curü triguwa cuxüxü̃.

Ínachoxü̃xü̃chiga 27:21

Rü nüma ya Aróü̃ rü nanegü tá nixĩ i nüxna daugüxü̃ i ngẽma omügü nax ngẽmaãcü guxü̃ma i chütaxü̃ chope̱xewa nanaigüechaxü̃ca̱x nawa ya yima chopata. Rü ngẽma baú i mugüchixü̃arü tüyepe̱xewaama tá nixĩ i inanaigüechaxü̃ i ngẽma omügü. Rü ñaa mu rü chanaxwa̱xe i guxü̃gutáma ngẽma Iraétanüxü̃ rü nataagü nagu naxĩ.

Lebítanüxü̃arü puracüchiga 23:31

Rü ngẽma ngunexü̃gu rü tama name i ta̱xacürü puracü pexü. Rü ngẽma pemaxã nüxü̃ chixuxü̃ i mu nixĩ i guxü̃gutáma nagu pexĩxü̃ i pema rü penegü rü petaagü i ngextá ípexãpatagüxü̃wa.

Lebítanüxü̃arü puracüchiga 23:41

Rü wüxichigü ya taunecügu i ngẽxguma yimá norü 7 ya tauemacüwa nanguxgu rü 7 i ngunexü̃ tá nixĩ i Cori ya Tupanaxü̃ picua̱xüü̃güxü̃. Rü ñaa mu i pemaxã nüxü̃ chixuxü̃ rü guxü̃gutáma nagu pexĩ i pema rü penegü rü petaagü.