Lebítanüxü̃arü puracüchiga 22:29 - Tupanaarü Ore

²⁹ Rü ngẽxguma ngẽma chacherdótegü choxna naxãxgu i duü̃xü̃güarü ãmare nax ngẽmamaxã moxẽ choxna naxãgüxü̃ca̱x, rü name i ngẽma chacherdótegü choma chanaxwa̱xexü̃ãcü nanaxü nax choma mea nüxü̃́ chanayaxuxü̃ca̱x.

Lebítanüxü̃arü puracüchiga 22:29 Referans Kwoze

Wiyaegü 116:17

Rü ngẽmaca̱x tá moxẽ cuxna chaxã rü naxü̃nagü tá cuxca̱x chadai rü íchanagu. Rü ngẽmaãcü tá cuxü̃ chicua̱xüxü̃ Pa Cori Pa Tupanax.

Wiyaegü 107:22

Rü name nixĩ i nüxü̃ picua̱xüü̃güãcüma moxẽ nüxna pexãgü rü taãẽãcü nüxü̃ pixugüchiga i ngẽma mexü̃gü i naxüxü̃.

Amúx 4:5

¡Rü pema i Iraétanüxü̃ rü paũ i ngearü pu̱xẽẽruü̃ã́xü̃ naxca̱x pigu i perü tupananetagü, rü ñu̱xũchi guxü̃wama nüxü̃ pixuchiga i ngẽma ãmaregü i perü ngúchaü̃maxã pexãgüxü̃! Erü ngẽma nixĩ i pema penaxwa̱xexü̃ —ñanagürü ya Cori ya Tupana.

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.

Popera ga Yudíugü ga yaxõgüxü̃ca̱x ümatüxü̃ 13:15

Rü ngẽmaca̱x tanaxwa̱xe ya Ngechuchu ya Cristuégagu guxü̃guma Tupanaxü̃ ticua̱xüü̃gü. Rü ngẽma nax nüxü̃ icua̱xüü̃güxü̃, rü ngẽma nixĩ i ãmare i mexü̃ i nüxna ixãxü̃. ¡Rü ngĩxã taa̱xmaxã nüxü̃ ticua̱xüü̃gü!

Ochéa 14:2

Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!

Lebítanüxü̃arü puracüchiga 22:30

Rü nüma ya chacherdótegü rü ngẽmatama ngunexü̃gu tá nanangõ̱xgü i namachi i ngẽma ãmare. Rü taxuxü̃táma ínayaxüxẽxẽ i norü moxü̃ãcüruxü̃. Rü choma nixĩ ya Cori ya Tupana.

Lebítanüxü̃arü puracüchiga 7:11

Rü ñaa nixĩ i ngẽma ucu̱xẽgü nachiga i ngẽma ãmaregü i Tupanaarü ngüxmüxẽẽruxü̃ i nüxna pexãxü̃: