Lebítanüxü̃arü puracüchiga 22:22 - Tupanaarü Ore

²² Rü tama name nax Tupanape̱xewa penagagüxü̃ i naxü̃nagü i ngexetügüxü̃, rüe̱xna napíexü̃, rüe̱xna ibüyeparagüxü̃, rüe̱xna büxchixünegüxü̃, rüe̱xna churiã̱xgüxü̃, rüe̱xna rüxo̱xõnegüxü̃. Rü guxü̃ma i ngẽma rü tama name i Tupanape̱xewa penagagü nax norü ãmarearü guruü̃wa ípenaguxü̃ca̱x.

Lebítanüxü̃arü puracüchiga 22:22 Referans Kwoze

Lebítanüxü̃arü puracüchiga 22:20

Natürü tama name nax wüxi i naxü̃na i chixexü̃ nax yixĩxü̃ erü ngẽxguma wüxi i naxü̃na i tama mexü̃ yixĩxgu, rü Tupana rü taxũtáma nüxü̃́ nanayaxu.

Maraquía 1:8

¿Ẽ̱xna tama pexca̱x nachixe ega woo naxü̃na i ngexetüxü̃ rüe̱xna ngemaeparaxü̃ rüe̱xna ida̱xawexü̃ cha̱u̱xca̱x piguxgu? ¡Rü ẽcü perü ãẽ̱xgacügüxü̃tawa penana nax ngẽmaãcü nüxü̃ pecuáxü̃ca̱x rü aixcüma taãẽãcü pexü̃́ nayauxgüã i ngẽma perü ãmaregü! —ñanagürü ya Tupana ya Guxü̃étüwa Ngẽxmacü.

Lebítanüxü̃arü puracüchiga 3:5

Rü nüma i chacherdótegü tá nixĩ i ãmarearü guruü̃arü üxü i yauranewa ínaguaxü̃ wüxigu ngẽma naxü̃namaxã. Rü ngẽma naema i ngẽma ãmare, rü Cori ya Tupana rü tá namaxã nataãxẽ.

Lebítanüxü̃arü puracüchiga 3:3

Rü yíxema tümaxü̃na ixãxẽ nax Cori ya Tupanaca̱x tayamáxü̃ca̱x nax ngẽmamaxã tanangüxmüxẽẽxü̃ca̱x, rü name i Cori ya Tupanaca̱x tayagu i norü chíxü̃ i naü̃nütawa ngẽxmaxü̃, rü yima taxre ya norü ñuxmigü guxü̃ i norü chíxü̃maxã, rü ngẽma chíxü̃ i namachica̱xwe̱xwa ngẽxmaxü̃ rü ngẽma nacaarü chíxü̃ i wüxigu norü ñuxmigümaxã nayaxuxü̃.

Lebítanüxü̃arü puracüchiga 1:13

Rü ngẽmawena ya yíxema Tupanaca̱x ãmare iguxe rü tá dexámaxã tayayauxgü i naü̃nüta rü naparagü. Rü nüma i chacherdóte rü ngẽma guruü̃wa tá ínanagu i guxü̃ma nax choma ya Cori ya Tupana namaxã chataãẽxü̃ca̱x i ngẽma naema i ngẽma ãmare.

Lebítanüxü̃arü puracüchiga 1:9

Rü yíxema cha̱u̱xca̱x inaxãxe i ngẽma naxü̃na rü tá meama dexámaxã tayayauxgü i naü̃nüta rü naparagü. Rü nüma ya chacherdóte rü ngẽma guruü̃wa tá ínanagu i guxü̃ma nax choma namaxã chataãxẽxü̃ca̱x i ngẽma naema i ngẽma ãmare.

Lebítanüxü̃arü puracüchiga 22:21

Rü ngẽxguma texé Tupanaca̱x wüxi i naxü̃na ima̱xgu nax Cori ya Tupana tümamaxã rüngüxmü̃xü̃ca̱x, rü woo tümaarü uneta tinguxẽẽxü̃ca̱x yixĩxgu, rü woo tümaarü ngúchaü̃maxã ãmare itaxãmaregu, rü name nax wüxi i woca i taxuwama chixexü̃ rüe̱xna wüxi i carnéru i taxuwama chixexü̃ itaxãxü̃ nax Tupana tüxü̃́ nayaxuxü̃ca̱x.

Lebítanüxü̃arü puracüchiga 22:23

Rü ngẽxguma ãmare i perü ngúchaü̃maxã ipexãxgu rü marü name i penaxã i wüxi i woca i rünuxmaeparaxü̃ rüe̱xna wüxi i carnéru i rünuxmaeparaxü̃. Natürü ngẽxguma wüxi i uneta pingu̱xẽẽxü̃ca̱x ipenaxãxgu i wüxi i naxü̃na i ngẽmaãcü chixexü̃, rü Tupana rü taxũtáma pexü̃́ nanayaxu.