Lebítanüxü̃arü puracüchiga 22:21 - Tupanaarü Ore

²¹ Rü ngẽxguma texé Tupanaca̱x wüxi i naxü̃na ima̱xgu nax Cori ya Tupana tümamaxã rüngüxmü̃xü̃ca̱x, rü woo tümaarü uneta tinguxẽẽxü̃ca̱x yixĩxgu, rü woo tümaarü ngúchaü̃maxã ãmare itaxãmaregu, rü name nax wüxi i woca i taxuwama chixexü̃ rüe̱xna wüxi i carnéru i taxuwama chixexü̃ itaxãxü̃ nax Tupana tüxü̃́ nayaxuxü̃ca̱x.

Lebítanüxü̃arü puracüchiga 22:21 Referans Kwoze

Iraétanüxü̃arü muxchiga 15:8

Rü ngẽxguma wüxi i wocaxacü i yatüxü̃ yixĩgu nax cha̱u̱xca̱x pimáxü̃ nax cha̱u̱xca̱x peyaguxü̃ca̱x, rüe̱xna chorü ngüxmüxẽẽruxü̃ nax yixĩxü̃ca̱x, rüe̱xna wüxi i unetaca̱x nax yixĩxü̃ca̱x, rü naétü tá ipenaxã i 6 quíru i arína i taxre i litru i chíxü̃maxã ñumüxü̃. Rü ñu̱xũchi taxre i litru ya bínu tá naétü penaba nax cha̱u̱xca̱x nachixemaxü̃ca̱x i ngẽma ãmare.

Lebítanüxü̃arü puracüchiga 3:6

Rü ngẽxguma texé tümaxü̃natanüwa Cori ya Tupanana naxãxgu i wüxi i carnéru nax Cori ya Tupanaca̱x tayamáxü̃ca̱x nax ngẽmamaxã tanangüxmüxẽẽxü̃ca̱x, rü name nax wüxi i naxü̃na i yatüxü̃ rüe̱xna ngexü̃ i taxuwama chixexü̃ nax yixĩxü̃.

Lebítanüxü̃arü puracüchiga 3:1

Rü ngẽxguma texé tümaarü woca i ngexü̃ rüe̱xna yatüxü̃ Cori ya Tupanana taxãxgu nax naxca̱x tayamáxü̃ca̱x rü tayaguxü̃ca̱x nax ngẽmamaxã tanangüxmüxẽẽxü̃ca̱x ya Cori ya Tupana, rü name i wüxi i naxü̃na i taxuwama chixexü̃ nax yixĩxü̃.

Ucu̱xẽgüchiga 7:14

—¡Nua chauxü̃tawa naxũ! Erü õna i chorü tupanagüna chaxuaxü̃xü̃ íchamexẽxẽ rü tá cumaxã chachibü. Ñu̱xma chayanguxẽxẽ i ngẽma uneta i chorü tupanagümaxã nüxü̃ chixuxü̃ nax ngẽmaãcü chomaxã nataãẽgüxü̃ca̱x.

Wiyaegü 50:14

Rü choma ya Tupana ya Guxü̃étüwa Ngẽxmaxe rü ngẽma ãmare i chanaxwa̱xexü̃ nixĩ nax moxẽ choxna pexãxü̃ rü aixcüma peyanguxẽẽxü̃ i ngẽma perü unetagü.

Naanearü ügüchiga 28:20

Rü yema nachicawa rü Acóbu inaxuneta rü ñanagürü: —Ngẽxguma Tupana choxü̃ íixümücügu, rü choxna nada̱u̱xgu i chorü namawa, rü choxna naxãã̱xgu i chorü õna rü chauxchiru, rü wena mea chaunatüca̱x choxü̃ natáeguxẽẽgu, rü aixcümaxü̃chi chorü Cori ya Tupana tá nixĩ.

Ínachoxü̃xü̃chiga 35:29

Rü guxü̃ma ga yema yatüxü̃gü rü ngexü̃gü ga Iraétanüxü̃ ga norü ngúchaü̃maxã inaxãgüchaü̃xü̃, rü Cori ya Tupanaca̱x inanaxãgü ga norü ãmaregü naxca̱x ga yema puracü ga Cori ya Tupana Moichémaxã nüxü̃ ixuxü̃.

Lebítanüxü̃arü puracüchiga 22:22

Rü tama name nax Tupanape̱xewa penagagüxü̃ i naxü̃nagü i ngexetügüxü̃, rüe̱xna napíexü̃, rüe̱xna ibüyeparagüxü̃, rüe̱xna büxchixünegüxü̃, rüe̱xna churiã̱xgüxü̃, rüe̱xna rüxo̱xõnegüxü̃. Rü guxü̃ma i ngẽma rü tama name i Tupanape̱xewa penagagü nax norü ãmarearü guruü̃wa ípenaguxü̃ca̱x.