Lebítanüxü̃arü puracüchiga 22:18 - Tupanaarü Ore

^18-19 —¡Aróü̃maxã rü nanegümaxã rü Iraétanüxü̃maxã nüxü̃ ixu i ñaa ore!: “Rü ngẽxguma ngexü̃rüüxü̃mare i Iraétanüxü̃ rüe̱xna to i nachixü̃anecüã̱x i petanügu ãpataxü̃ rü Cori ya Tupanaca̱x ãmare i naxü̃na iguxgu nax yanguxẽẽxü̃ca̱x i norü uneta rüe̱xna norü ngúchaü̃maxã ãmare inaxãxgu, rü name i wüxi i naxü̃na i yatüxü̃ i taxuwama chixexü̃ inamu nax Tupana nüxü̃́ nayaxuxü̃ca̱x. Rü name nax wüxi i woca i yatüxü̃, rüe̱xna wüxi i carnéru i yatüxü̃ rüe̱xna wüxi i chíbu i yatüxü̃ nax yixĩxü̃.

Lebítanüxü̃arü puracüchiga 22:18 Referans Kwoze

Wenaxarü naxümatü ga Tupanaarü mugü 12:6

Rü ngẽxma tá Tupanaca̱x peyadai rü ípenagu i perü ãmaregü i naxü̃nagü, rü ngéma tá penange i perü diẽru i diésmugü, rü ngẽma diẽru i Tupanaarü puracüca̱x ipexãxü̃, rü ngẽma diẽru i Tupanamaxã pexueguxü̃, rü ngẽma diẽru i perü ngúchaü̃maxã ipexãxü̃, rü ngẽma nüxíraxü̃güxü̃ i perü wocaxacügü rü perü carnéruxacügü i Tupanana pexãgüxü̃.

Lebítanüxü̃arü puracüchiga 1:2

—¡Ẽcü namaxã nüxü̃ ixu i ngẽma Iraétanüxü̃ rü ngẽxguma texé ãmare choxna ãxgu rü name nixĩ i tümaarütama wocagüwa rüe̱xna tümaarütama carnérugüwa choxna tanamu!

Ngechuchuarü ngúexü̃gü ga yamugüxü̃arü puracüchiga 18:18

Rü yemawena rü muxü̃ma ga ngunexü̃ yéma Coríntiuwa nayexma ga Pauru. Rü yixcaama nüxü̃ narümoxẽ ga yema yaxõgüxü̃ rü nüxna inaxũãchi. Rü ĩane ga Chencréawa naxũ namaxã ga Prichíra rü Aquíra. Rü Chencréawa naxü̃pa nax yachoü̃xü̃, rü nügü nidüpü̱xüeru ga Pauru yerü marü nayanguxẽxẽ ga wüxi ga uneta ga Tupanamaxã nüxü̃ yaxuxü̃. Rü ñu̱xũchi Chencréaarü türewa wüxi ga wapurugu nichoü̃ nax Chíriaanewa naxĩxü̃ca̱x.

Naúü̃ 1:15

Dücax, Pa Yudáanecüã̱xgü, marü máxpü̱xanexü̃wa ne naxũ ya yima orearü uruxü̃ i mexü̃ i orexü̃ nua yarüxucü. ¡Penaxüchiga i perü petagü rü peyanguxẽxẽ i ngẽma unetagü i Tupanamaxã pexüxü̃! Rü tagutáma wena pexca̱x ínayaxüãchi i ngẽma chixexü̃arü üruü̃gü, erü marü inarüxo.

Yoná 1:16

Rü yexguma yemaxü̃ nadaugügu ga yema wapuruarü duü̃xü̃gü rü poraãcü Cori ya Tupanaxü̃ nicua̱xüü̃gü rü naxca̱x nayama̱xgü ga wüxi ga naxü̃na rü nayagugü. Rü Tupanamaxã inaxunetagü nax naga tá naxĩnüexü̃.

Ngu̱xẽẽtaeruü̃arü ore 5:4

Rü ngẽxguma Tupanamaxã wüxi i uneta cuxü̱xgu, rü name i paxãma cuyanguxẽxẽ i ngẽma curü uneta. Erü nüma ya Tupana rü tama norü me nixĩ i ngẽma duü̃xü̃gü i naechitamare ixunetagüxü̃. Rü name i aixcüma cuyanguxẽxẽ i ngẽma curü uneta.

Wiyaegü 116:18

Rü Yerucharéü̃wa ngẽxmane ya cupataa̱xtüwa rü guxü̃ma i curü duü̃xü̃güpe̱xewa tá chayanguxẽxẽ i ngẽma chorü uneta ga cumaxã nüxü̃ chixuxü̃. Pa Duü̃xü̃güx, ¡ngĩxã nüxü̃ ticua̱xüxü̃gü ya Cori ya Tupana!

Wiyaegü 116:14

Rü guxü̃ma i norü duü̃xü̃güpe̱xewa tá nüxü̃ chicua̱xüxü̃ yema namaxã nüxü̃ chixuxü̃rüxü̃.

Wiyaegü 66:13

Rü ngẽmaca̱x i ñu̱xma rü cupatawa tá chaxũ rü ngéma tá cupe̱xewa chayagu i ãmaregü. Rü ngẽmaãcü tá chayanguxẽxẽ i ngẽma cumaxã ichaxunetaxü̃ ga yexguma ãũcümaxü̃wa chayexmagu.

Wiyaegü 65:1

Rü cumax, Pa Tupanax i Chióü̃gu Ãpataxex, rü name nixĩ i cuxü̃ ticua̱xüü̃gü rü cupe̱xewa tayanguxẽxẽ i ngẽma unetagü i cumaxã nüxü̃ tixuxü̃.

Wiyaegü 61:8

Rü ngẽmaãcü guxü̃gutáma chorü wiyaemaxã cuxü̃ chicua̱xüxü̃. Rü wüxichigü i ngunexü̃gu tá cupe̱xewa chayanguxẽxẽ i ngẽma unetagü i cumaxã nüxü̃ chixuxü̃.

Wiyaegü 61:5

Rü cumax, Pa Chorü Tupanax, rü marü nüxü̃ cuxĩnü i chorü unetagü i cumaxã nüxü̃ chixuxü̃. Rü cuma rü marü choxna cunaxã i wüxi i nachica natanüwa i ngẽma duü̃xü̃gü i cuxü̃ ngechaxü̃güxü̃.

Wiyaegü 56:12

Pa Tupanax, choma rü tá chayanguxẽxẽ i ngẽma chorü uneta i cumaxã nüxü̃ chixuxü̃. Rü moxẽ tá cuxna chaxã naxca̱x i guxü̃ma i ngẽma cuxüxü̃.

Wiyaegü 22:25

Rü ngẽmaca̱x, Pa Cori Pa Tupanax, rü tá cuxü̃ chicua̱xüxü̃ nape̱xewa i ngẽma muxü̃ i curü duü̃xü̃gü. Rü tá nüxü̃ chixu nax quixaixcümaxü̃. Rü nape̱xewa i ngẽma duü̃xü̃gü i cuxü̃ taxẽẽgüxü̃ rü tá chayanguxẽxẽ i ngẽma cumaxã ichaxunetaxü̃.

Wenaxarü naxümatü ga Tupanaarü mugü 12:17

Rü ngẽxguma perü ĩanegüwatama pengẽxmagügu rü taxũtáma penangõ̱x i ngẽma perü ãmaregü i diésmu i marü Tupanaca̱x ípexüxüchixü̃ i perü triguwa rü perü bínuwa rü perü chíxü̃wa rü nüxíraxü̃xü̃ i perü wocaxacügüwa rü carnéruxacügüwa, rü bai i ta̱xacü i Cori ya Tupanamaxã pexueguxü̃wa rü woo i ngẽma ãmare i perü ngúchaü̃maxã Tupanana pexãxü̃wa.

Lebítanüxü̃arü puracüchiga 23:38

Rü naétü i ngẽma ngü̃chigaarü ngunexü̃gü, rü tá ta penaxüchigaxü̃ i guxü̃ma i ngẽma petagü i cha̱u̱xca̱x ixĩgüxü̃. Rü ngẽxgumarüxü̃ tá ta ipenaxã i ngẽma ãmaregü i namaxã ipexunetaxü̃ rü ãmaregü i perü ngúchaü̃maxã Cori ya Tupanana pexãxü̃.

Lebítanüxü̃arü puracüchiga 17:13

Rü ngẽxguma ngexü̃rüü̃xü̃ i Iraétanüxü̃ rüe̱xna ngẽma to i nachixü̃anecüã̱x i petanügu ãpataxü̃ wüxi i naeü̃ rüe̱xna wüxi i weri ingṍxü̃ yama̱xgu, rü name nixĩ nax inabagüxẽẽãxü̃, rü ñu̱xũchi yimá nagü rü waixü̃mümaxã nagüétüãxü̃.

Lebítanüxü̃arü puracüchiga 17:10

Choma rü tá naxchi chaxai i guxü̃ma i ngẽma Iraétanüxü̃ rüe̱xna ngẽma to i nachixü̃anecüã̱x i petanügu ãpataxü̃ i nagü ngṍxü̃. Rü ngẽma duü̃xü̃gü i nagü nangõ̱xgüxü̃ rü choma rü wüxicana tá íchanawoxü̃ i Iraétanüxü̃tanüwa.

Lebítanüxü̃arü puracüchiga 7:16

Natürü ngẽxguma ngẽma naxü̃na rü wüxi i unetaca̱x yixĩxgu nax cha̱u̱xca̱x tayamáxü̃ rüe̱xna wüxi i ãmare i ngúchaü̃maxã choxna taxãxü̃ yixĩxgu rü ngẽmatama i ngunexü̃ i nagu cha̱u̱xca̱x tayaguxü̃gu tá tanangõ̱x i namachi. Natürü ega nangẽxmagu i ngẽma íyaxüxü̃ rü marü name i moxü̃ãcü tanangõ̱x.

Lebítanüxü̃arü puracüchiga 1:10

Rü ngẽxguma texé tümaarü carnérutanüwa rüe̱xna chíbutanüwa choxna taxãxgu i wüxi i ãmare nax tayaguxü̃ca̱x rü name i wüxi i naxü̃na iyatüxü̃ i ngearü chixexü̃ã́xü̃ nax yixĩxü̃.

Ínachoxü̃xü̃chiga 12:5

Natürü ngẽma naxü̃na rü chanaxwa̱xe nax nayatüxü̃ rü wüxi ya taunecü nüxü̃́ ngẽxmaxü̃ rü taxuwama nachixexü̃. Rü name nax wüxi i carnéruxacü rüe̱xna wüxi i chíbuxacü nax yixĩxü̃.

Lebítanüxü̃arü puracüchiga 22:17

Rü nüma ga Cori ya Tupana rü Moichémaxã nidexa rü ñanagürü nüxü̃:

Amúx 4:5

¡Rü pema i Iraétanüxü̃ rü paũ i ngearü pu̱xẽẽruü̃ã́xü̃ naxca̱x pigu i perü tupananetagü, rü ñu̱xũchi guxü̃wama nüxü̃ pixuchiga i ngẽma ãmaregü i perü ngúchaü̃maxã pexãgüxü̃! Erü ngẽma nixĩ i pema penaxwa̱xexü̃ —ñanagürü ya Cori ya Tupana.

Maraquía 1:14

¡Rü guxchaxü̃ namaxã chaxuegu i ngẽma idorata̱xáxü̃ i chomaxã nüxü̃ ixuxü̃ nax naxü̃natanüwa tá wüxi i naxü̃na i mexü̃ choxna muxü̃, natürü chixemarexü̃ nixĩ i cha̱u̱xca̱x yamáxü̃! Rü choma nixĩ i Ãẽ̱xgacü ya Guxãétüwa Changexmaxü̃, rü choxü̃ nixĩ i namuü̃exü̃ i guxü̃ma i nachixü̃anecüã̱xgü —ñanagürü ya Tupana ya Guxü̃étüwa Ngẽxmacü.

Norü taxre ga to ga popera ga ãẽ̱xgacügüchiga ümatüxü̃ 31:14

Rü Coré ga Iná nane ga yema ĩã̱x ga éstewaama yexmaxü̃arü dauruxü̃chire̱x nixĩ ga namaxã icuáxü̃ ga yema ãmaregü ga duü̃xü̃gü norü ngúchaü̃maxã Cori ya Tupanaca̱x inaxü̃. Rü nüma ga Coré nixĩ ga chacherdótegüxü̃ rü Lebítanüxü̃güxü̃ yanuaxü̃ ga yema ãmaregü rü õnagü ga duü̃xü̃gü Tupanapatawa naxũ.