Lebítanüxü̃arü puracüchiga 21:8 - Tupanaarü Ore

⁸ Rü cupe̱xewa naxüüne i ngẽma chacherdóte, erü nüma nixĩ i choxna naxããxü̃ i ngẽma paũ i üünexü̃ i cha̱u̱xca̱x ixĩxü̃. Rü tá cuxca̱x naxüüne i ngẽma chacherdóte, erü choma ya Cori ya Tupana rü chaxüüne. Rü choma nixĩ i chaxunetaxü̃ i ngẽma chacherdóte nax chope̱xewa naxüünexü̃ca̱x.

Lebítanüxü̃arü puracüchiga 21:8 Referans Kwoze

Lebítanüxü̃arü puracüchiga 19:2

—¡Rü Iraétanüxü̃ i duü̃xü̃gümaxã nüxü̃ ixu i ñaa ore!: “Rü name nax pixüünegüxü̃ i pemax, erü choma ya perü Cori ya Tupana rü chaxüüne.

Lebítanüxü̃arü puracüchiga 21:6

Rü ngẽma chacherdótegü rü name nax aixcüma Tupanana nügü naxãgüxü̃ rü nügüna nadaugüxü̃ nax tama naxãũãchigüãxü̃ca̱x i Tupanaéga. Erü nümagü nixĩ i Tupanana naxãgüãxü̃ i ãmaregü i igugüxü̃ rü paũ i Tupanaca̱x ixĩxü̃, rü ngẽmaca̱x name nax guxü̃guma Tupanape̱xewa nügüna nadaugüxü̃ nax tama yaxãũãchigüxü̃ca̱x.

Popera ga Yudíugü ga yaxõgüxü̃ca̱x ümatüxü̃ 7:26

Rü ñu̱xma rü Ngechuchu rü Chacherdóte ya Guxü̃étüwa Ngẽxmacü nixĩ ya inaxwa̱xecü. Erü nüma rü aixcüma naxüüne, rü nawa nataxuma i chixexü̃, rü nangearü pecaduã̱x, rü taguma duü̃xü̃gürüxü̃ pecadu naxü. Rü nüma nixĩ i daxũguxü̃ i naaneétüwa ngẽxmaxü̃ rü namaxã inacuáxü̃.

Ore i mexü̃ ga Cuáü̃ ümatüxü̃ 17:19

Rü ngẽma choxna cumugüxü̃ca̱x chaugü ichaxã nax nümagü rü ta curü ore i aixcüma ixĩxü̃ca̱x nügü inaxãgüxü̃.

Popera ga Yudíugü ga yaxõgüxü̃ca̱x ümatüxü̃ 10:29

Natürü Tupana rü aixcüma yexeraãcü tá nanapoxcue i ngẽma duü̃xü̃gü i chixri Nanechiga idexagüxü̃, rü nüxü̃ oexü̃ nax gumá nagümaxã yixĩxü̃ ga pecadu naxütanüxü̃, rü namaxã guxchigagüxü̃ i Tupanaãxẽ ya Üünecü i nüxü̃ ngechaü̃xü̃.

Ore i mexü̃ ga Cuáü̃ ümatüxü̃ 10:36

Rü Tupana choxü̃ naxuneta nax chanaxüxü̃ca̱x i norü puracü rü ñoma ga naanewa choxü̃ namu. ¿Rü ñuxãcü i nagu perüxĩnüexü̃ nax Tupanaaxü̃́ chanangu̱xẽẽxü̃ i ngẽxguma Tupana Nane chixĩxü̃, ñachagu pemaxã?

Ínachoxü̃xü̃chiga 29:1

Cori ya Tupana rü Moichéxü̃ ñanagürü: —Rü ngẽxguma cuyabaerugu ya Aróü̃ rü nanegü nax chorü chacherdótegü yixĩgüxü̃ca̱x rü chanaxwa̱xe i cuyayaxu i wüxi i wocaxacü i yatüxü̃ rü taxre i carnérugü i iyatüxü̃ i taxuwama chixexü̃.

Ínachoxü̃xü̃chiga 28:41

Rü ngẽma naxchirugü tá nixĩ i nagu cuyacu̱xẽxẽgüxü̃ i cuenexẽ i Aróü̃ rü yima nanegü. Rü ñu̱xũchi tá chíxü̃maxã cuyabaerugüxü̃ nax ngẽmaãcü chorü chacherdótegü yaxĩgüxü̃ca̱x, rü choxü̃́ napuracüexü̃ca̱x.

Ínachoxü̃xü̃chiga 19:14

Rü nüma ga Moiché rü ínarüxĩ nawa ga guma ma̱xpǘne nax duü̃xü̃güxü̃ yaxucu̱xẽgüxü̃ca̱x nax ñuxãcü Tupanaxü̃ yacua̱xüü̃güxü̃ca̱x. Rü nüma ga duü̃xü̃gü rü nügü niyauxchirugü.

Ínachoxü̃xü̃chiga 19:10

Rü nüma ga Cori ya Tupana rü ñanagürü Moichéxü̃: —¡Ẽcü, namaxã nüxü̃ yarüxu i ngẽma duü̃xü̃gü nax nügü yamexẽẽgüxü̃ca̱x i ñu̱xmax rü moxü̃ nax ngẽmaãcü choxü̃ yacua̱xüü̃güxü̃ca̱x! Rü name i nügü niyauxgüchirugü rü nügü namexẽẽgü naxca̱x i pa̱xmaacüarü ngunexü̃. Erü ngẽma ngunexü̃gu tá nixĩ i ícharüxĩxü̃ nagu ya yima ma̱xpǘne ya Chinaí nape̱xewa i guxü̃ma i ngẽma duü̃xü̃gü.

Lebítanüxü̃arü puracüchiga 3:11

Rü ñu̱xũchi ngẽma chacherdóte rü ãmarearü guruü̃étüwa tá ínanagu i guxü̃ma i ngẽma ãmare. Rü ngẽma ãmare rü õna i Cori ya Tupanaca̱x íguxü̃ nixĩ.

Maraquía 1:7

Rü pema rü chorü ãmaregüarü guruü̃wa penana i ãmaregü i tama imexü̃, rü ngẽxguma rü ípeca rü ñaperügügüama: “¿Ta̱xacüwa i chixexü̃ cumaxã taxüexü̃?” ñaperügügü. Dücax, pema rü chixexü̃ chope̱xewa pexüe erü chorü ãmarechicawa penana i ãmare i tama imexü̃.

Lebítanüxü̃arü puracüchiga 22:16

Rü ngẽma chacherdótegü rü taxũtáma ngẽma togü i tama chacherdóte ixĩgüxü̃xü̃ nanangõ̱xẽxẽ i ngẽma õna i üünexü̃, erü ngẽxguma ngẽma naxü̱xgu rü nügüca̱x pecadu naxü. Rü ngẽma pecaduarü mexẽẽca̱x tá ãmare cha̱u̱xca̱x nigu. Erü choma ya Cori ya Tupana nixĩ i chorü puracü i üünexü̃ca̱x nüxü̃ chaxunetaxü̃ i chacherdótegü —ñanagürü.

Iraétanüxü̃arü muxchiga 28:2

—¡Iraétanüxü̃maxã nüxü̃ ixu rü ngẽxguma nawa nanguxgu i ngẽma petagü i pemaxã nüxü̃ chixuxü̃ rü chanaxwa̱xe i guxü̃guma choxna nanaxãgü i paũ rü ãmaregü i cha̱u̱xca̱x ínaguxü̃! Rü ngẽma naema rü choma rü tá namaxã chataãxẽ.

Neemía 13:29

—¡Pa Chorü Tupanax, napoxcue i ngẽma chacherdótegü, rü ñu̱xũchi ngẽma norü ngü̃xẽẽruü̃gü i Lebítanüxü̃ i tama yanguxẽxẽgüxü̃ i ngẽma uneta ga cumaxã naxügüxü̃! —ñachagürü.