Lebítanüxü̃arü puracüchiga 21:22 - Tupanaarü Ore

²² Natürü name nax tanangṍxü̃ i ngẽma paũ rü naguxü̃raü̃xü̃ i õna i üünexü̃ rü Üünexüchixü̃.

Lebítanüxü̃arü puracüchiga 21:22 Referans Kwoze

Lebítanüxü̃arü puracüchiga 2:3

Rü ngẽma íyaxüxü̃ rü wüxi i ãmare i poraãcüxüchima üünexü̃ nixĩ natanüwa i guxü̃ma i ngẽma ãmaregü i Cori ya Tupanaca̱x íguxü̃. Rü ngẽma rü Aróü̃ca̱x rü nanegüca̱x rü nataagüca̱x tá nixĩ.

1 Corintios 9:13

Pema nüxü̃ pecua̱x rü guxü̃ma i duü̃xü̃gü i Tupanapata ya taxü̃newa puracüexü̃, rü ngẽma õna ya yimá Tupanapata ya taxü̃newa ngẽxmaxü̃tama nangõ̱xgü. Rü ngẽma duü̃xü̃gü i Tupanapata ya taxü̃negu Tupanaca̱x naxü̃nagü daixü̃, rü nanade i ñuxre i ngẽma namachi norü ngõ̱xruxü̃.

Iraétanüxü̃arü muxchiga 18:19

Rü guxü̃ma i ãmaregü i Iraétanüxü̃ choxna naxü̃ rü cuxna chanana nax cuxrü rü cunegüarü rü cuxacügü i cuxü̃tawa ngẽxmagüxü̃arü yixĩgüxü̃ca̱x. Rü ngẽma rü wüxi i mu i guxü̃gutáma pingu̱xẽẽxü̃ nixĩ. Rü ngẽma uneta i cumaxã rü cunegümaxã rü cutaagümaxã i chomatama chaxüxü̃ rü wüxi i uneta i ñoma yucürarüxü̃ taguma gúxü̃ nixĩ —ñanagürü.

Lebítanüxü̃arü puracüchiga 7:1

Rü ngẽma pecadu i taechitamare ixüxü̃arü ütanüruxü̃ rü wüxi i ãmare i Üünexüchixü̃ nixĩ. Rü ñaa nixĩ i chorü mugü i ngẽma ãmarechiga:

Lebítanüxü̃arü puracüchiga 2:10

Rü ngẽma íyaxüxü̃ rü wüxi i ãmare i poraãcüxüchima üünexü̃ nixĩ natanüwa i guxü̃ma i ngẽma ãmaregü i Cori ya Tupanaca̱x íguxü̃. Rü ngẽma rü Aróü̃ca̱x rü nanegüca̱x rü nataagüca̱x tá nixĩ.

Lebítanüxü̃arü puracüchiga 6:29

Rü ngẽma naxü̃namachi rü wüxi i ãmare i Üünexüchixü̃ nixĩ, rü ngẽmaca̱x ngẽma chacherdótegüxica tá nixĩ i nangõ̱xgüxü̃.

Lebítanüxü̃arü puracüchiga 21:23

Natürü taxucürüwama nüxü̃ naxüpetü i ngẽma tüyemachiãruxü̃ rü taxucürüwama nüxna nangaicama i ãmarearü guruxü̃ nax tama ngẽmaãcü naxãũãchixẽẽãxü̃ca̱x ya chopata. Erü ngẽma chacherdótegü rü choma i Cori ya Tupana nixĩ i nüxü̃ chaxunetaxü̃ chorü puracüca̱x —ñanagürü.

Lebítanüxü̃arü puracüchiga 22:25

Rü tama name i wüxi i duü̃xü̃ i to i nachixü̃anecüã̱xaxü̃́ penayaxu i nangexgumaraü̃xü̃ i naxü̃na nax curü Cori ya Tupanana penaxãxü̃ca̱x. Erü ngẽma naxü̃nagü nüxü̃́ nangẽxma i norü chixexü̃ rü ngẽmaca̱x Tupana rü tama nanayaxu” —ñanagürü.

Lebítanüxü̃arü puracüchiga 6:10

Rü moxü̃ãcü pa̱xmama rü nüma ya chacherdóte rü tá nicuxcuchi i naxchiru i línuchinaxca̱x rü natüü̃chiru i ngẽmarüü̃tama ixĩxü̃. Rü ngẽmawena rü ngẽma guruü̃wa tá nanayaxu i ngẽma naxü̃naarü tanimaca. Rü ngẽma guruü̃cüwagu tá nanagütaque̱xe.

Lebítanüxü̃arü puracüchiga 7:6

Rü guxü̃ma i chacherdótegü rü name nax nangõ̱xgüãxü̃ i ngẽma naxü̃namachi. Natürü name nax wüxi i nachica i üünexü̃wa nangõ̱xgüãxü̃, erü ngẽma ãmare rü naxüünexü̃chi.

Lebítanüxü̃arü puracüchiga 10:12

Rü yemawena nüma ga Moiché rü Aróü̃maxã rü Ereachámaxã rü Itamámaxã nidexa. Rü yema taxre nixĩ ga Aróü̃ nanegü ga íyaxügüxü̃. Rü ñanagürü nüxü̃: —¡Rü ngẽma ãmare i trigute̱xe i Cori ya Tupanaca̱x piguxü̃wa íyaxüxü̃ rü wüxi i paũ i ngearü pu̱xẽxẽruü̃ã́xü̃ nawa pexü̱x! ¡Rü ãmarearü guruxü̃xü̃tawa penangṍ, erü ngẽma trigute̱xe rü naxüünexü̃chi!

Lebítanüxü̃arü puracüchiga 10:17

—¿Tü̱xcüü̃ tama wüxi i nachica i üünexü̃wa penangõ̱x i ngẽma chíbu i pecaduarü ütanüca̱x imáxü̃? Erü ngẽma rü wüxi i ãmare i poraãcü üünexü̃ nixĩ. Rü nüma ya Cori ya Tupana rü marü pexna nanaxã i ngẽma chíbu nax namaxã peyanaxoxẽẽxü̃ca̱x i ngẽma Iraétanüxü̃arü chixexü̃ nax ngẽmaãcü Tupana nüxü̃́ nüxü̃ rüngü̃maxü̃ca̱x i norü pecadugü.

Lebítanüxü̃arü puracüchiga 14:13

Rü tá nayama̱x i ngẽma carnéruxacü nagu i ngẽma nachica i nagu nadaiaxü̃ i ngẽma naxü̃nagü i pecaduarü ütanüruxü̃gü rü ngẽma naxü̃nagü i ãmare i Tupanaca̱x ínaguxü̃. Rü ngẽma ãmare i pecadu i naguãchixü̃ca̱x inaxãxü̃, rü ngẽxgumarüxü̃ ta i ngẽma ãmare i pecaduarü ütanüca̱x inaxãgüxü̃, rü chacherdótearü tá nixĩ i ngẽma namachi, erü ngẽma rü naxüüne.

Lebítanüxü̃arü puracüchiga 22:7

Rü ngẽxguma yáuanecü üa̱xcü rüxücugu tá nixĩ i chope̱xewa namexü̃. Rü ngẽmawena rü marü name nax nangṍoxü̃ i ngẽma õna i üünexü̃ erü woetama ngẽma nixĩ i nawemü.

Lebítanüxü̃arü puracüchiga 27:28

Rü ngẽxguma texé ta̱xacü Tupanana ãxgu nax noxrüxicatama yixĩxü̃ca̱x, rü taxucürüwa wena namaxã tataxe rüe̱xna naxca̱x tataxe. Rü woo ega tümaarü duü̃xü̃gü yixĩxgu, rüe̱xna tümaxü̃nagü yixĩxgu, rüe̱xna tümaarü naanegü i noxri tümanatüarü ixĩxü̃ yixĩxgu, rü taxucürüwa wena namaxã tataxe rüe̱xna naxca̱x tataxe. Erü ngẽma Cori ya Tupanana ixãxü̃ nax guxü̃gutáma noxrü ixĩxü̃ rü naxüüne.