Lebítanüxü̃arü puracüchiga 21:11 - Tupanaarü Ore

¹¹ Rü nüma i chacherdótegüarü ãẽ̱xgacü rü taxũtáma nagu naxücu i wüxi i nachica i wüxi i yuxü̃ nawa ngẽxmaxü̃ rü woo nanatü rüe̱xna norü mama tixĩxgu nax tayuxü̃. Rü ngẽmaãcü taxũtáma wüxi i yuxü̃gagu nügü naxãũãchixẽxẽ.

Lebítanüxü̃arü puracüchiga 21:11 Referans Kwoze

Iraétanüxü̃arü muxchiga 19:14

Rü ngẽxguma wüxíe ĩpatagu yu̱xgu rü ñaa nixĩ i ngẽma chorü mugü. Rü guxü̃ma i duü̃xü̃gü ya yima ĩpataarü aixepewa ngẽxmagüxü̃ rü guxü̃ma i ngẽma nagu chocuxü̃ rü 7 i ngunexü̃ nixĩ i yaxãũãchixü̃ i chope̱xewa.

Lebítanüxü̃arü puracüchiga 19:28

¡Rü ngẽxguma nayu̱xgu i wüxi i petanüxü̃, rü taxũtáma perü ngechaü̃maxã pegü pewixtüxü̃ne! ¡Rü taxũtáma pegü pexümatüxü̃negü! Rü choma nixĩ ya Cori ya Tupana.

2 Corintios 5:16

Rü ngẽmaca̱x i toma rü tama ñoma i naanecüã̱x i duü̃xü̃gü nagu rüxĩnüexü̃ãcü nixĩ i nagu tarüxĩnüexü̃. Rü woo ga ü̃pa rü duü̃xü̃gü nagu rüxĩnüexü̃ãcü chixri Cristumaxã nagu tarüxĩnüe, natürü i ñu̱xma rü tama ngẽmaãcü namaxã nagu tarüxĩnüe.

Ore i mexü̃ ga Luca ümatüxü̃ 14:26

—Rü ngẽxguma texé chowe rüxũxchaü̃gu, rü tanaxwa̱xe i choxü̃ tangechaü̃ tümanatüarü yexera, rü tümaéarü yexera, rü tümama̱xarü yexera, rü tümaxacügüarü yexera, rü tümaenexẽgüarü yexera, rü tümaeya̱xgüarü yexera, rü tümaarü maxü̃arü yexera rü ta. Rü ngẽxguma tama ngẽmaãcü choxü̃ tangechaü̃gu rü taxucürüwama aixcüma chorü ngúexü̃ tixĩ.

Wenaxarü naxümatü ga Tupanaarü mugü 33:9

Rü ngẽma Lebítanüxü̃ rü nanatüxü̃ rü naéxü̃ nangechaxü̃güarü yexera cuga naxĩnüe rü nayanguxẽxẽ i curü uneta. Rü naenexẽgüxü̃ rü naxacügüxü̃ nangechaxü̃güarü yexera cuga naxĩnüe rü nayanguxẽxẽ i curü uneta.

Iraétanüxü̃arü muxchiga 19:11

Rü texé ya yuxetaxü̃ ingógüxe rü 7 i ngunexü̃ tátama nixĩ i Cori ya Tupanape̱xewa taxãũãchixü̃.