Lebítanüxü̃arü puracüchiga 21:10 - Tupanaarü Ore

¹⁰ Rü nüma i chacherdótegüarü ãẽ̱xgacü i marü chíxü̃ i üünexü̃maxã baeruxü̃ rü nagu icúxü̃ i ngẽma naxchiru i üünexü̃, rü ngẽxguma nayutanügu rü tama name nax nügü ínangegüeruxü̃ rü naxchirugu nagáugüxü̃.

Lebítanüxü̃arü puracüchiga 21:10 Referans Kwoze

Lebítanüxü̃arü puracüchiga 16:32

Rü ngẽma ngunexü̃gu rü nüma i ngẽma chacherdóte i nüxü̃ chaxunetaxü̃ rü pora nüxna chaxãxü̃ nax nanatüchicüxü chacherdóte yixĩxü̃ca̱x, rü ngẽma chacherdóte tá nayanguxẽxẽ i ngẽma mugü i cumaxã nüxü̃ chixuxü̃ nax ngẽmaãcü pexü̃́ nüxü̃ charüngümaxü̃ca̱x i perü pecadugü. Rü nüma ya chacherdóte rü tá nagu nicu̱x i naxchiru i üünexü̃ i línuchinaxca̱x.

Ore i mexü̃ ga Matéu ümatüxü̃ 26:65

Rü yexguma ga nüma ga chacherdótegüarü ãẽ̱xgacü rü norü numaxã nügüchirugu nagáugü. Rü ñanagürü: —Ñaa yatü rü chixexü̃ Tupanamaxã nixugü. Rü taxuca̱xma marü tanaxwa̱xe i to i duü̃xü̃güarü ore. Rü pematama marü nüxü̃ pexĩnüe nax ñuxãcü chixexü̃maxã nax yadexaxü̃.

Iraétanüxü̃arü muxchiga 35:25

Rü ngẽmaãcü i ngẽma duü̃xü̃gü rü tá naétüwa nachogü i ngẽma máetacüraxü̃xü̃ nape̱xewa i ngẽma yuxü̃tanüxü̃ i yamáxchaü̃xü̃. Rü nüma i duü̃xü̃gü rü tá nanamugü nax yima ĩane ya nagu yanacúxü̃neca̱x nataeguxü̃. Rü nüma i ngẽma máetacüraxü̃xü̃ rü nanaxwa̱xe nax ngéma nangẽxmaechaxü̃ ñu̱xmatáta nayu̱x ya yimá chacherdótegüarü ãẽ̱xgacü ya chíxü̃maxã nabaerucü.

Lebítanüxü̃arü puracüchiga 8:12

Rü ñu̱xũchi ga Moiché rü Aróü̃erugu nanaba ga yema chíxü̃, rü yemaacü Tupanaarü puracüca̱x nüxü̃ naxuneta.

Wiyaegü 133:2

Erü ngẽxguma ngẽmaãcü nügü nangechaü̃gügu rü taãxẽ tüxna naxã ñoma pumara i yixichixü̃ i namaxã chacherdótegüxü̃ nabaerugüxü̃ ñu̱xmata naxchinagugu rü naxchirugu irüyaexü̃rüxü̃.

Ester 6:12

Rü yemawena rü nüma ga Maduquéu rü nataegu nax ãẽ̱xgacüpataarü ĩã̱xna yadauxü̃ca̱x. Natürü nüma ga Amáü̃ rü nügü nidüxchiwe rü nangechaü̃ãcüma paxa nachiü̃wa naxũ.

2 Chamué 15:30

Dabí rü nawa ínaxüãchi ga guma ma̱xpǘne ga Oribunecügu ãégane rü nangearü chapatuã̱x rü nixaxünechigü rü nügü natüeru yerü ngúxü̃ ninge. Rü guxü̃ma ga yema duü̃xü̃gü ga íyaxümücügüxü̃ rü ta nügü nidüxgüeru, rü naxauxeãcüma ínachoõchi nawa ga guma ma̱xpǘne.

Lebítanüxü̃arü puracüchiga 13:45

Rü yíxema chaxünearü o̱xri tümawa yarüyi̱xixe, rü tá naxchiru i rügáuxü̃gu ticu̱x rü tama tatüeru. Rü ñu̱xũchi tügü tidüxchíweãcü tá ñaãcü ticaechigü: “¡Chaxãũãchi! ¡Chaxãũãchi!” ñaãcü tá ticaechigü.

Naanearü ügüchiga 37:34

Rü yexguma ga Acóbu rü nügü narügáutechiru, rü norü ngechaü̃maxã naneca̱x naxaure. Rü ñuxre ga yüxü naxauxecha.

Yox 1:20

Rü yexguma ga nüma ga Yox rü inachi rü norü ngechaü̃maxã nügüchirugu nagáugü rü nügü rü waixü̃müanegu nayangücuchi rü Tupanaxü̃ nicua̱xüxü̃.

Ínachoxü̃xü̃chiga 29:7

¡Rü nayaxu i ngẽma chíxü̃ i baeruruxü̃ rü namaxã nabaeru ya Aróü̃ nax ngẽmaãcü chorü chacherdóte yixĩxü̃ca̱x!

Lebítanüxü̃arü puracüchiga 4:3

Rü ngẽxguma chacherdótegüarü ãẽ̱xgacü yixĩxgu i chixexü̃ üxü̃, rü ngẽma chixexü̃ i naxüxü̃gagu rü guxchaxü̃wa tá nangẽxmagü i guxü̃ma i duü̃xü̃gü. Rü ngẽma chacherdótearü ãẽ̱xgacüarü pecaduarü ütanüca̱x rü nüma rü choxü̃ tá namaxã naxãmareã̱x i wüxi i wocaxacü i yatüxü̃ i taxuwama chixexü̃.