Lebítanüxü̃arü puracüchiga 20:9 - Tupanaarü Ore

⁹ Rü ngẽma nanatümaxã rüe̱xna naémaxã chixexü̃ ueguxü̃, rü wüxicana tá peyama̱xgü. Erü nanatümaxã rüe̱xna naémaxã chixexü̃ naxuegu, rü ngẽmaca̱x nügüca̱x tátama yu ínangu̱xẽxẽ.

Lebítanüxü̃arü puracüchiga 20:9 Referans Kwoze

Ínachoxü̃xü̃chiga 21:17

Rü yíxema tümanatümaxã rüe̱xna tümaémaxã chixexü̃ ixugüxe rü noxtacüma tá yu namaxã cuxuegu.

Ore i mexü̃ ga Márcu ümatüxü̃ 7:10

Yerü ga Moiché rü ñanagürü: “¡Tüxü̃ nangechaü̃ ya cunatü rü cué!” ñanagürü. Rü ñanagürü ta: “Texé ya tümanatümaxã rüe̱xna tümaémaxã chixexü̃ ixugüxe, rü tá yu tümamaxã naxuegu”, ñanagürü.

Wenaxarü naxümatü ga Tupanaarü mugü 27:16

“Rü yíxema tümanatüchi aixe rüe̱xna tümaéchi aixe rü chixexü̃wa tangexma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Ore i mexü̃ ga Matéu ümatüxü̃ 15:4

Erü Tupana rü norü orewa rü ñanagürü: “¡Tüxü̃ nangechaü̃ ya cunatü rü cué!” ñanagürü. Rü ngẽma orewa rü ñanagürü ta: “Rü texé ya tümanatümaxã rüe̱xna tümaémaxã guxchigaxe rü name i noxtacüma yu tümamaxã naxuegu”, ñanagürü.

Ucu̱xẽgüchiga 20:20

Yíxema tümanatümaxã rü tümaémaxã chixexü̃ ixugüxe, rü tá tayu rü ẽanexü̃wa tá tangexma.

Ucu̱xẽgüchiga 30:17

Yíxema tümanatüxü̃ cugüxe, rü tümaégu idauxcüraxü̃xe, rü name i ngurucugü tüxü̃ naca̱u̱xü̃xetü, rü ẽxchagü tüxü̃ nangõ̱xgü.

Ucu̱xẽgüchiga 30:11

Nangexma i duü̃xü̃gü i nanatümaxã chixexü̃ uegugüxü̃ rü tama naéxü̃ ngechaü̃güxü̃.

2 Chamué 1:16

Rü yexguma yema Amaréxtanüxü̃xü̃ yama̱xyane, rü nüma ga Dabí rü ñanagürü nüxü̃: —Cugagutama nixĩ i cuyuxü̃ erü cugütama quixu nax cuyamáxü̃ ya yimá ãẽ̱xgacü ga Cori ya Tupana nüxü̃ unetacü —ñanagürü.

Ãẽ̱xgacügü ga guxchaxü̃güarü mexẽxẽruü̃gü 9:24

Rü yemaacü nüxü̃ nangupetü ga Abimeréx nax naxütanüãxü̃ca̱x ga yema chixexü̃ ga naxüxü̃ ga yexguma 70 ga Yedeóü̃ nanexü̃ nadaixgu. Rü yematama nüxü̃ nangupetü ga Chiquéü̃cüã̱xgü nax naxütanügüãxü̃ca̱x nagagu nax Abimeréxü̃ nangü̃xẽẽgüxü̃ nawa ga yéma máeta.

Ore i mexü̃ ga Matéu ümatüxü̃ 27:25

Rü guxü̃ma ga yema duü̃xü̃gü nanangãxü̃gü, rü ñanagürügü: —Togagu rü toxocügügagu tá nixĩ i nayuxü̃ —ñanagürügü.

Nüxíraxü̃xü̃ ga popera ga ãẽ̱xgacügüchiga 2:32

Rü nüma ya Tupana rü yumaxã tá Yoáaxü̃́ nanaxütanü naxca̱x ga yema chixexü̃ ga naxüxü̃. Yerü nanadai ga taxre ga yatügü ga aixcüma norü yexera mexü̃ ügüxü̃ rü mea maxẽxü̃. Rü nüma ga Yoá rü chorü papa ga Dabíechita nayama̱x ga Abnéx ga Néx nane ga Iraéanearü churaragümaxã icuácü, rü nayama̱x ga Amachá ga Yéte nane ga Yudáanearü churaragümaxã icuácü.

Yochué 2:19

Natürü ngẽxguma chi ngexerüxüxe cuchiü̃wa íxũxũ̱xgu rü tümagagutátama nixĩ ega tayu̱xgux, rü marü taxũtáma togagu nixĩ. Natürü ngẽxguma chi ngexerüxüxe cuchiü̃wa ngẽxmaxexü̃ yama̱xgügu, rü ngẽxguma rü tá togagu nixĩ.

Lebítanüxü̃arü puracüchiga 20:27

Rü ngẽma yatüxü̃ rüe̱xna ngexü̃ i chixexü̃ i naãxẽmaxã puracüexü̃, rü ngẽma duü̃xü̃ i nüxü̃ cua̱xnetaxü̃ nax ngẽma ẽxü̃guxü̃ i yixcüra tá ngupetüxü̃, rü tá nutagümaxã ípenamuxũchiãcü penadai. Rü nümagü rü nagagutátama nayue” —ñanagürü ga Cori ya Tupana.

Lebítanüxü̃arü puracüchiga 20:16

Rü ngẽxguma wüxi i ngexü̃ rü wüxi i naeü̃maxã namaxü̃gu, rü ngẽma ngexü̃ rü ngẽma naeü̃ rü wüxicana tá penadai. Rü ngẽma taxre rü nagagutátama nayue.

Echequié 22:7

Rü ngẽma duü̃xü̃gü i cuwa maxẽxü̃ rü tama nanatüxü̃ rü tama naéxü̃ nangechaü̃gü. Rü chixri tümamaxã inacua̱x ya yíxema yutegüxe rü yíxema taxcuexe rü yíxema to i nachixü̃anewa ne ĩxẽ.