Lebítanüxü̃arü puracüchiga 20:22 - Tupanaarü Ore

²² ¡Rü aixcüma nagu pemaxẽ i ngẽma chorü mugü rü chorü ucu̱xẽgü! ¡Rü guxü̃ma pinguxẽxẽ! Rü ngẽmaãcü i ngẽma naane i nawa pexü̃ chagagüxü̃ nax nawa pemaxẽxü̃ca̱x, rü taxũtáma pexü̃ ínawoxü̃.

Lebítanüxü̃arü puracüchiga 20:22 Referans Kwoze

Echequié 36:27

Rü pewa tá chanamaxẽxẽ ya Chauãxẽ ya Üünecü nax ngẽmaãcü mea peyanguxẽẽxü̃ca̱x i chorü mugü.

Wiyaegü 119:160

Rü guxü̃ma i curü ore rü aixcüma nixĩ. Rü curü mugü rü namexẽchi rü taguma inayarüxo. -21-

Wiyaegü 119:145

Pa Corix, chorü ngúchaü̃maxã cuxna chaca. ¡Rü choxü̃ nangãxü̃! Erü chayanguxẽẽchaü̃ i curü mugü.

Wiyaegü 119:80

¡Rü choxü̃ rüngü̃xẽxẽ nax mea chayanguxẽẽxü̃ca̱x i curü mugü nax taxuca̱xma chaxãnexü̃ca̱x! -11-

Wiyaegü 119:20

Rü wüxichigü i oragu rü chaxoegaãxẽ naxca̱x nax nüxü̃ chacuáxchaü̃xü̃ i curü mugü.

Wiyaegü 105:45

Rü yemaacü Tupana nüxü̃ narüngü̃xẽxẽ ga yema duü̃xü̃gü yerü nanaxwa̱xe nax nagu namaxẽxü̃ ga norü mugü rü nagu naxĩxü̃ ga norü ngu̱xẽẽtae ga nüma namaxã nüxü̃ yaxuxü̃. Rü name i Cori ya Tupanaxü̃ ticua̱xüü̃gü.

Wiyaegü 119:175

Rü ñu̱xma nax chamaxü̃xü̃ rü chanaxwa̱xe i cuxü̃ chicua̱xüxü̃ nax ngẽmaãcü curü mugümaxã choxü̃ curüngü̃xẽẽxü̃ca̱x.

Wiyaegü 119:171

¡Rü choxü̃́ natauxchaxẽxẽ nax cuxü̃ chicua̱xüxü̃! Erü cumatama nixĩ i choxü̃ cungu̱xẽẽxü̃ i ngẽma curü mugü.

Wenaxarü naxümatü ga Tupanaarü mugü 5:1

Rü nüma ga Moiché rü nanangutaque̱xexẽxẽ ga guxü̃ma ga Iraétanüxü̃ rü ñanagürü nüxü̃: —¡Iperüxĩnüe, Pa Iraétanüxü̃x, i ñaa mugü rü ucu̱xẽgü i ñu̱xmata pemaxã nüxü̃ chixuxü̃! ¡Rü nawa tá pengúe rü nagu tá pexĩ!

Wenaxarü naxümatü ga Tupanaarü mugü 4:45

Rü nawena ga Equítuanewa ínachoxü̃xü̃, rü ñaa nixĩ ga yema Tupanaarü mugü rü ucu̱xẽgü ga Moiché Iraétanüxü̃maxã nüxü̃ ixuxü̃ ga yexguma Yudáü̃arü éstewa nayexmagügu nawa ga yema metachinüanexü̃ ga Bex-peúarü to̱xma̱xtawa yexmaxü̃. Rü yema naane rü Amoréutanüxü̃arü ãẽ̱xgacü ga Chióü̃arü naane nixĩ, rü nüma rü Ebóü̃wa namaxü̃. Natürü nawena nax Equítuanewa ínachoxü̃xü̃ ga Moiché rü Iraétanüxü̃ rü Chióü̃maxã nügü nadai, rü nüxü̃ narüporamaegü. Rü nayama̱xgü ga yexguma Equítuanewa ínachoxü̃gu.

Lebítanüxü̃arü puracüchiga 26:33

Rü pema rü togü i nachixü̃anegu tá pexü̃ chawoone. Rü chorü taramaxã tá pewe chingẽchigü. Rü ngẽma pechixü̃ane rü tá chianexü̃xü̃ chayaxĩxẽxẽ. Rü perü ĩanegü rü nachitaxü̃xica tá ínayaxügü.

Lebítanüxü̃arü puracüchiga 19:37

Rü ngẽmaca̱x chanaxwa̱xe nax aixcüma nagu pemaxẽxü̃ i ngẽma chorü mugü rü chorü ucu̱xẽgü. Rü name nax aixcüma peyanguxẽẽxü̃. Rü choma nixĩ ya Cori ya Tupana” —ñanagürü.

Ínachoxü̃xü̃chiga 21:1

Rü ñu̱xũchi nüma ya Cori ya Tupana rü Moichémaxã nüxü̃ nixu rü ñanagürü: —Ñaagü tá nixĩ i ngẽma mugü i ngẽma Iraétanüxü̃maxã nüxü̃ quixuxü̃: Rü ngẽxguma wüxi i puracütanüxü̃ i Ebréuca̱x cutaxegu, rü 6 ya taunecü tá nixĩ i cuxü̃́ napuracüxü̃. Natürü norü 7 ya taunecügu rü tá ínanguxuchi. Rü taxuxü̃táma naxütanü naxca̱x nax ínanguxuchixü̃.

Wiyaegü 119:164

Rü guxü̃ i oragu cuxü̃ chicua̱xüxü̃ naxca̱x i curü mugü i aixcüma mexü̃.

Wiyaegü 119:106

Choma rü marü cumaxã ichaxuneta rü ngẽma rü tá chayanguxẽxẽ. Rü tá nagu chixũ i ngẽma curü mugü.