Lebítanüxü̃arü puracüchiga 20:2 - Tupanaarü Ore

² —¡Iraétanüxü̃maxã nüxü̃ ixu i ñaa chorü mugü!: “Rü ngẽxguma wüxi i Iraétanüxü̃ rüe̱xna wüxi i to i nachixü̃anecüã̱x i petanügu ãpataxü̃ rü ngẽma tupananeta i Molóxca̱x naxacügü tüxü̃ iguxgu, rü name i ngẽma duü̃xü̃gü ya yima ĩanewa maxẽxü̃ noxtacüma nutamaxã ínanamuxũchigü. Rü ngẽmaãcü tá nayama̱xgü.

Lebítanüxü̃arü puracüchiga 20:2 Referans Kwoze

Wenaxarü naxümatü ga Tupanaarü mugü 21:21

Rü ngẽxguma guxü̃ma i ngẽma duü̃xü̃gü ya yima ĩanewa maxẽxü̃ rü tá nutamaxã ínanamuxũchigü rü ngẽmaãcü tá nayama̱xgü. Rü ngẽmaãcü tá peyanaxoxẽxẽ i ngẽma chixexü̃ i perü ĩanewa ngẽxmaxü̃. Rü ngẽxguma i ngẽma togü i Iraétanüxü̃ nüxü̃ nacua̱xgügu rü tá namuü̃e nax naxügüãxü̃ i chixexü̃.

Lebítanüxü̃arü puracüchiga 24:23

Rü yexguma ga Moiché rü Iraétanüxü̃maxã nüxü̃ nixu ga yema Tupanaarü mu. Rü nümagü ga Iraétanüxü̃ rü yema ínapegüxü̃arü düxétüwa ínanagaxüchi ga yema yatü ga chixexü̃ Tupanachiga ixugüxü̃. Rü nutamaxã ínamuxũchigüãcü nayama̱xgü. Rü yemaacü ga Iraétanüxü̃ rü yema Cori ya Tupana Moichémaxã nüxü̃ ixuxü̃ãcü yema yatüxü̃ nima̱xgü.

Lebítanüxü̃arü puracüchiga 24:14

—¡Ngẽma ípepegüxü̃wa ínata̱xüchi i ngẽma yatü i chixexü̃ chauchiga ixugüxü̃! Rü guxü̃ma i ngẽma duü̃xü̃gü i nüxü̃ ĩnüexü̃ nax chixexü̃ chauchiga yaxugüxü̃ rü naerugu tá nanuxme̱x. ¡Rü ngẽmawena rü nutamaxã ípenamuxũchi ñu̱xmata nayu̱x!

Lebítanüxü̃arü puracüchiga 20:27

Rü ngẽma yatüxü̃ rüe̱xna ngexü̃ i chixexü̃ i naãxẽmaxã puracüexü̃, rü ngẽma duü̃xü̃ i nüxü̃ cua̱xnetaxü̃ nax ngẽma ẽxü̃guxü̃ i yixcüra tá ngupetüxü̃, rü tá nutagümaxã ípenamuxũchiãcü penadai. Rü nümagü rü nagagutátama nayue” —ñanagürü ga Cori ya Tupana.

Lebítanüxü̃arü puracüchiga 18:21

¡Rü taxṹ i tupananeta i Molóxarü ãmareca̱x cuyaguxü̃ ya wüxi ya cune! ¡Rü taxṹ i ngẽmamaxã choxü̃ cunuxẽxẽxü̃! Erü choma nixĩ i Iraétanüxü̃arü Tupana chixĩxü̃.

Ngechuchuarü ngúexü̃gü ga yamugüxü̃arü puracüchiga 7:43

Natürü ga pemax, rü ngextá ípexĩxü̃wa rü ípeyangeetanü ga napata ga yema tupananeta ga Molóx rü yema tupananeta ga Refáü̃arü woramacurichicüna̱xã. Rü yemaacü pegüwe ípenangeexü̃ ga yema tupananetachicüna̱xãgü ga pematama pexügüxü̃ nax nüxü̃ picua̱xüü̃güxü̃ca̱x. Rü ngẽmaca̱x i ñu̱xma rü perü naanewa tá pexü̃ íchawoxü̃ rü yáxü̃wa i Babiróniaanearü yexerawa tá pexü̃ chamugü”, ñanagürü ga yema orearü uruü̃güpanewa.

Echequié 23:39

Rü yematama ngunexü̃ ga nagu tüxü̃ ínaguxü̃ ga ngĩxacügü rü ngĩnegü nax yemaacü ngĩrü tupananetachicüna̱xãgüxü̃ yacua̱xüü̃güxü̃ca̱x rü chopatawa naxĩ rü nanaxãũãchigü ga guma chopata. Rü yema nixĩ ga naxügüxü̃ nawa ga guma chopata.

Echequié 23:37

Rü ngĩma rü choxna iyangeãxẽ rü imáetagü rü ngẽmaca̱x nagümaxã iyaxãũãchime̱xẽ. Rü choxna iyaxĩgachi nax nüxü̃ yacua̱xüü̃güxü̃ca̱x ga ngĩrü tupananetachicüna̱xãgü. Rü yema ngĩrü tupananetagüca̱x tüxü̃ íigu ga guxema chauxacügü rü chaunegü ga ngĩwa choxü̃́ yexmagüxe.

Echequié 20:31

Rü pemax rü ñu̱xma rü ta ngẽma tupananetachicüna̱xãgüca̱x peyagu i perü ãmaregü rü peyagu i penegü. Rü ngẽmaãcü ngẽma naxchicüna̱xãgümaxã pegü pixãũãchiama. ¿Rü ngẽmaãcü chitama, Pa Iraétanüxü̃x, i penaxwaxexü̃ nax choxna peyacagüxü̃? Rü choma ya Cori ya Tupana rü chauégagu pemaxã nüxü̃ chixu rü tama chanaxwa̱xe nax choxna peyacagüxü̃.

Echequié 20:26

Rü choma rü chanayexrü nax norü tupananetagüca̱x tüxü̃ ínagugüxü̃ca̱x ga guxema nanegü ga rüyamaegüxe. Rü yemaacü chanayexrü nax nügünatama ngechaü̃ naxãgüxü̃ca̱x rü nüxna nacua̱xãchiexü̃ca̱x nax choma yixĩxü̃ ya Cori ya norü Tupana —ñanagürü.

Yeremía 32:35

Rü yexgumarüxü̃ ta Ben-inóü̃arü doxonexü̃gu nanaxügü ga Baáxarü ãmarearü guruü̃gü nax yemawa tupananeta ga Molóxca̱x tüxü̃ ínaguxü̃ca̱x ga nanegü rü naxacügü. Rü yemaacü Yudátanüxü̃güxü̃ napecaduã̱xẽẽgü ga yexguma naxügüãgu ga yema chixexü̃ ga poraãcü naxchi chaxaixü̃ ga taguma namaxã nüxü̃ chixuxü̃ nax naxügüã̱xü̃ca̱x rü bai ñuxgu nagu charüxĩnüxü̃.

Yeremía 7:31

Rü naétü ga yema chixexü̃ ga naxügüxü̃, rü Ben-inóü̃arü doxonexü̃gu ga Tópegu rü norü tupananetaca̱x nanaxügü ga wüxi ga ãmarearü guruxü̃ nax yéma nanegü rü naxacügü tüxü̃ ínaguxü̃ca̱x. Rü choma rü tama chanamu nax yema naxügüxü̃, rü bai ga chorü ĩnüwa nagu charüxĩnüxü̃.

Wiyaegü 106:38

Rü yemaacü yema Canaáü̃anearü tupananetagüca̱x tüxü̃ nadai ga guxema nanegü rü naxacüxegü ga taxuxü̃ma ga chixexü̃ ügüxe. Rü ñoma ga naane rü guma tümagümaxã naxãũãchi.

Norü taxre ga to ga popera ga ãẽ̱xgacügüchiga ümatüxü̃ 33:6

Rü nüma ga Manaché rü nanegüxü̃tama nigu nawa ga yema ãmarearü guruxü̃ ga doxonexü̃ ga Ben-inóü̃wa yexmaxü̃. Rü chixexü̃ ga naãẽgüca̱x nangema nax namaxã yadexaxü̃ca̱x, rü ngẽma ẽxü̃guxü̃ i chixexü̃wa nangu̱x, rü duü̃xü̃güxü̃ namu nax naxca̱x nangúexü̃ nax yuetaãẽgüca̱x nangemagüxü̃, rü nagu nixũ nax duẽxẽgüxü̃ nachixexẽẽgüxü̃. Rü yema taxü̃ ga chixexü̃gü ga Tupanape̱xewa naxüxü̃maxã poraãcü Tupanaxü̃ nanuxẽxẽ.

Norü taxre ga to ga popera ga ãẽ̱xgacügüchiga ümatüxü̃ 28:3

Rü doxonexü̃ ga Ben-inóü̃wa Baáca̱x ínanagu ga pumarate̱xegü. Rü ñu̱xũchi Baáca̱x tüxü̃ ínagu ga naxacügü. Rü yemaacü nagu nixũ ga yema nacümagü ga chixexü̃ ga nagu naxĩxü̃ ga yema duü̃xü̃gü ga nüxíra yema naanewa maxẽxü̃ ga Cori ya Tupana ü̃pa Iraétanüxü̃pe̱xewa íwoxü̃xü̃.

Norü taxre ga popera ga ãẽ̱xgacügüchiga 23:10

Rü nüma ga Yochía rü yexgumarüxü̃ ta nagu napogü ga yema guruxü̃ ga buxegü nawa tüxü̃ ínaguxü̃ ga Ben-inóü̃arü doxonexü̃wa yexmaxü̃. Rü yemaacü nanaxü nax taxuxü̃ma yema tupananeta ga Molóxca̱x naxacüxü̃ rüe̱xna nanexü̃ yéma ínagugüxü̃ca̱x.

Norü taxre ga popera ga ãẽ̱xgacügüchiga 17:17

Rü yexgumarüxü̃ ta yema tupananetagüarü ãmarearü guruü̃wa tüxü̃ nigu ga naxacüxe ga yatüxe rü ngexe. Rü nagu ínamaxẽ ga yuü ga ẽxü̃guxü̃xü̃ nawa icuáxü̃. Rü chixexü̃ca̱x nügü inaxãgü ga Tupanape̱xewa rü yemaacü poraãcü nananuxẽxẽ.

Wenaxarü naxümatü ga Tupanaarü mugü 18:10

Rü tama name i texé i petanüwa rü tümaxacüxü̃ itamu nax ngẽma duü̃xü̃güarü tupanaca̱x tayaguxü̃, rü bai i nagu tixũxü̃ i ngẽma nawa nüxü̃ icuáxü̃ i ngẽma ẽxü̃guxü̃, rü bai i nagu tixũxü̃ nax tayuüxü̃, rü bai i nagu tixũxü̃ nax toguxexü̃ tachixexẽẽxü̃.

Wenaxarü naxümatü ga Tupanaarü mugü 12:31

Rü tama name nax ngẽma duü̃xü̃gü naxüxü̃rüxü̃ penaxü i ngẽxguma Cori ya Tupanaxü̃ picua̱xüü̃gügu. Erü nüma ya Cori ya Tupana rü nüxü̃́ nawa̱xtümüxü̃ i ngẽma chixexü̃ i naxügüxü̃ i ngẽma duü̃xü̃gü i ngẽxguma norü tupananetaxü̃gü yacua̱xüü̃gügu. Rü nümagü rü norü tupananetagüca̱x tüxü̃ nigu ga naxacügü.

Lebítanüxü̃arü puracüchiga 17:15

Rü yíxema Iraétanüxü̃ rüe̱xna to i nachixü̃anecüã̱x ya petanügu ãpataxe rü naeü̃ i yumarexü̃machi rüe̱xna naeü̃ i ai nagu wagüxü̃machi tangõ̱xgu, rü tanaxwa̱xe nax tügü tayauxchiruxü̃ rü tügü taxaiyaxü̃, erü tá taxãũãchi ñu̱xmata nachüta. Rü ngẽmawena rü marü tama taxãũãchi.

Lebítanüxü̃arü puracüchiga 17:13

Rü ngẽxguma ngexü̃rüü̃xü̃ i Iraétanüxü̃ rüe̱xna ngẽma to i nachixü̃anecüã̱x i petanügu ãpataxü̃ wüxi i naeü̃ rüe̱xna wüxi i weri ingṍxü̃ yama̱xgu, rü name nixĩ nax inabagüxẽẽãxü̃, rü ñu̱xũchi yimá nagü rü waixü̃mümaxã nagüétüãxü̃.

Lebítanüxü̃arü puracüchiga 17:8

Rü namaxã nüxü̃ ixu rü ngẽma Iraétanüxü̃ rüe̱xna ngẽma to i nachixü̃anecüã̱x i petanügu ãpataxü̃ rü ngẽxguma chi ãmare inaxãxgu, rü tama chopataarü ĩã̱xwa nangeãgu nax ngéma choxna naxããxü̃ca̱x, rü pema rü wüxicana tá petanüwa ípenata̱xüchi.

Lebítanüxü̃arü puracüchiga 20:1

Rü nüma ga Cori ya Tupana rü Moichémaxã nidexa rü ñanagürü nüxü̃:

Nüxíraxü̃xü̃ ga popera ga ãẽ̱xgacügüchiga 11:7

Rü yemaca̱x ga Charomóü̃, rü guma ma̱xpǘne ga Yerucharéü̃arü éstewaama yexmanegu nanaxü ga wüxi ga ngutaque̱xepataxü̃ naxca̱x ga Quemó ga Moácüã̱xgüarü tupanachicüna̱xã ga buxe naxca̱x tüxü̃ yagugüxü̃. Rü yexgumarüxü̃ ta nanaxü naxca̱x ga Molóx, ga Amóü̃tanüxü̃arü tupanachicüna̱xã ga buxe naxca̱x tüxü̃ yagugüxü̃ ta.

Wenaxarü naxümatü ga Tupanaarü mugü 17:2

Rü ngürüãchi yima ĩanegü ya Tupana pexna ãxü̃negu tá nüxü̃ peyangau i wüxi i yatü rüe̱xna wüxi i ngexü̃ i naxüaxü̃ i ngẽma Tupana tama namaxã taãẽxü̃ rü nagu yanachixexẽẽxü̃ i Tupanaarü uneta nagagu nax ta̱xacürü tupananetaxü̃ yacua̱xüxüxü̃ rü nape̱xegu nacaxã́pü̱xü ngẽxgumarüxü̃ ya üa̱xcü rü tauemacü rü woramacurigü ya Tupana chu̱xuxü̃ nax nüxü̃ yacua̱xüü̃güxü̃.

Wenaxarü naxümatü ga Tupanaarü mugü 22:21

rü ngẽxguma i ngẽma ĩanearü ãẽ̱xgacügü rü ngĩnatüpataarü ĩã̱xgu tá ngĩxü̃ nayamugü. Rü yima ĩanearü yatügü rü ngẽxma tátama nutagümaxã ngĩxü̃ nima̱xgü nagagu i ngẽma chixexü̃chixü̃ i naxüxü̃ i Iraétanüxü̃tanüwa i ngĩnatüpatawa. Rü ngẽmaãcü tá peyanaxoxẽxẽ i ngẽma chixexü̃ i petanüwa ngẽxmaxü̃.