Rü wüxi i ngẽma chacherdóte rü tá nanayaxu i wüxi i naxme̱xãcu i trigute̱xe. Rü ngẽxgumarüxü̃ ta nanayaxu i chíxü̃ rü guxü̃ma i ngẽma pumarate̱xe. Rü ñu̱xũchi wüxigu trigute̱xemaxã tá ínanagu i ãmarearü guruü̃wa. Rü ngẽma tá nixĩ i ãmare i nawa nüxna pecua̱xãchixü̃ nax choma chixĩxü̃ i pexna chanaxãxü̃ i guxü̃ma i ta̱xacü i pexü̃́ ngẽxmaxü̃. Rü choma i Cori ya Tupana rü namaxã tá chataãxẽ i ngẽma naema i ngẽma ãmare.