Lebítanüxü̃arü puracüchiga 19:31 - Tupanaarü Ore

³¹ ¡Taxũtáma nüxna peyaca i ngẽma naãẽgü i yuuxü̃ namaxã puracüexü̃! ¡Rü taxũtáma nüxna peyaca i ngẽma nüxü̃ icuáxü̃ i ngẽma ẽxü̃guxü̃ i yixcüra tá ngupetüxü̃! ¡Rü taxũtáma ngẽmaãcü pegü pixãũãchixẽxẽ! Rü choma nixĩ i perü Cori ya Tupana chixĩxü̃.

Lebítanüxü̃arü puracüchiga 19:31 Referans Kwoze

Ichaía 8:19

Rü bexmana ngürüãchi i duü̃xü̃gü rü tá pexü̃ ñanagürügü: —¡Ngĩxã nüxna taca i ngẽma yuüxü̃ rü ngẽma nüxü̃ cuáxü̃ nax ígaãcüma yuetaãẽmaxã yadexagüxü̃! ¿Rü tama ẽ̱xna inamexü̃ nax wüxi ya ĩanecüã̱x i duü̃xü̃gü naxca̱x nadauxü̃ i norü tupanagüarü ucu̱xẽgü rü yuetagüarü ucu̱xẽgü nachiga i ngẽma maxẽxü̃?

Lebítanüxü̃arü puracüchiga 20:27

Rü ngẽma yatüxü̃ rüe̱xna ngexü̃ i chixexü̃ i naãxẽmaxã puracüexü̃, rü ngẽma duü̃xü̃ i nüxü̃ cua̱xnetaxü̃ nax ngẽma ẽxü̃guxü̃ i yixcüra tá ngupetüxü̃, rü tá nutagümaxã ípenamuxũchiãcü penadai. Rü nümagü rü nagagutátama nayue” —ñanagürü ga Cori ya Tupana.

Norü taxre ga to ga popera ga ãẽ̱xgacügüchiga ümatüxü̃ 33:6

Rü nüma ga Manaché rü nanegüxü̃tama nigu nawa ga yema ãmarearü guruxü̃ ga doxonexü̃ ga Ben-inóü̃wa yexmaxü̃. Rü chixexü̃ ga naãẽgüca̱x nangema nax namaxã yadexaxü̃ca̱x, rü ngẽma ẽxü̃guxü̃ i chixexü̃wa nangu̱x, rü duü̃xü̃güxü̃ namu nax naxca̱x nangúexü̃ nax yuetaãẽgüca̱x nangemagüxü̃, rü nagu nixũ nax duẽxẽgüxü̃ nachixexẽẽgüxü̃. Rü yema taxü̃ ga chixexü̃gü ga Tupanape̱xewa naxüxü̃maxã poraãcü Tupanaxü̃ nanuxẽxẽ.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 10:13

Rü yemaacü nixĩ ga nayuxü̃ ga Chaú nagagu ga yema chixexü̃ ga naxüxü̃. Yerü nüma ga Chaú rü tama Tupanaga naxĩnü rü ñu̱xũchi yuüxü̃ ga ẽxü̃guxü̃xü̃ cuáxü̃na nayaca. Rü tama nüxna naca ga Tupana. Rü yemagagu nixĩ ga nüma ga Tupana ga nayuxẽẽãxü̃ ga Chaú rü Ichaxí nane ga Dabíxü̃ naxunetaxü̃ nax nüma Iraéanecüã̱xgüarü ãẽ̱xgacü yixĩxü̃ca̱x.

Norü taxre ga popera ga ãẽ̱xgacügüchiga 21:6

Rü naétü nanetama tüxü̃ nigu nawa ga wüxi ga yema tupananetachicüna̱xãarü ãmarearü guruxü̃. Rü nagu namaxü̃ ga yuü ga naãẽgümaxã nawa yadexaxü̃, rü yuü ga nawa nüxü̃ icuáxü̃ ga ẽxü̃guxü̃. Rü duü̃xü̃gümaxã nanaxunagü nax nangúexü̃ca̱x ga yuü rü nax nangúexü̃ca̱x nax ñuxãcü duü̃xẽxü̃ nachixexẽẽgüxü̃. Rü yemaacü poraãcü chixexü̃ naxü ga Tupanape̱xewa rü poraãcü Tupanaxü̃ nanuxẽxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

1 Chamué 28:3

Rü yexguma ga Chamué rü marü nayu, rü guxü̃ma ga Iraéanecüã̱xgü rü naxca̱x naxauxe. Rü yemawena rü guma ĩane ga nagu nabuxü̃ne ga Ramágu nanata̱xgü. Rü nüma ga Chaú rü ü̃paacü marü ínanawoxü̃ ga guxü̃ma ga yema ẽxü̃guxü̃xü̃ cua̱xgüxü̃ rü yema yuetaãẽgüca̱x ngẽmagüxü̃.

Ichaía 47:13

¡Rü ñu̱xma rü chope̱xewa naxĩ i ngẽma perü ucu̱xẽruü̃gü i cua̱x nüxü̃́ ngẽxmagüxü̃ rü muxü̃ma i ucu̱xẽgü pexna ãgüxü̃! ¡Rü nua naxĩ i ngẽma ẽxtagüxü̃ rüdaunüxü̃ nax ngẽmawa nüxü̃ nacua̱xgüxü̃ca̱x i ngẽma tá ngupetüxü̃ rü aixcüma tá pexü̃ ínapoxü̃gü nawa i ngẽma ãũcümaxü̃ i pexca̱x ínguxchaü̃xü̃!

Ichaía 29:4

Rü taxuwatáma cume rü waixü̃müanegu tá cuyangücuchi rü tá cunanaxchixigaraü̃. Rü ngẽxguma quidexagu rü tá cuxẽgamare.

Ínachoxü̃xü̃chiga 22:18

¡Rü ngẽma ngexü̃ i yuüexü̃ rü tá peyama̱x!

Gálatas 5:20

Rü tupananetachicüna̱xãgüxü̃ nicua̱xüü̃gü, rü yuüca̱x nangúe, rü aigu narüxĩnüe, rü nachoxü̃gawa̱xegü, rü ta̱xacü ninuxü̃wa̱xegü, rü nanuxwa̱xegü, rü duü̃xü̃güxü̃ naxucu̱xẽgü nax tama wüxigu naxĩnüexü̃ca̱x. Rü nayatoye i duü̃xü̃gü, rü nügü nixüxchimüü̃gü.

Norü taxre ga popera ga ãẽ̱xgacügüchiga 17:17

Rü yexgumarüxü̃ ta yema tupananetagüarü ãmarearü guruü̃wa tüxü̃ nigu ga naxacüxe ga yatüxe rü ngexe. Rü nagu ínamaxẽ ga yuü ga ẽxü̃guxü̃xü̃ nawa icuáxü̃. Rü chixexü̃ca̱x nügü inaxãgü ga Tupanape̱xewa rü yemaacü poraãcü nananuxẽxẽ.

Ngechuchuarü ngúexü̃gü ga yamugüxü̃arü puracüchiga 8:11

Rü Chimóü̃ ga naxĩnüe ga duü̃xü̃gü, yerü mucüma ga taunecü rü norü yuümaxã nanawomüxẽxẽ.

Lebítanüxü̃arü puracüchiga 19:26

¡Rü taxũtáma penangõ̱x i namachi i ãgüxü̃. ¡Rü taxũtáma yuüca̱x pengúe, rü taxũtáma naxca̱x pengúe i ngẽma ẽxü̃guxü̃ i yixcüra tá ngupetüxü̃!

Norü taxre ga popera ga ãẽ̱xgacügüchiga 23:24

Rü nüma ga Yochía rü inayanaxoxẽxẽ ga yuü rü ta̱xacü ga ẽxü̃guxü̃xü̃ cuáxü̃. Rü yexgumarüxü̃ ta inayanaxoxẽxẽ ga yema tupananetachicüna̱xãgü ga wüxichigü ga ĩpatawa yexmaxü̃, rü guxü̃raxü̃xü̃ ga yema tupananetagüarü yemaxü̃gü ga duü̃xü̃gü namaxã nüxü̃ icua̱xüü̃güxü̃ ga Yudáanewa rü Yerucharéü̃wa. Rü yemaacü nanaxü ga Yochía yerü aixcüma naga naxĩnü ga guxü̃ma ga yema mugüpane ga chacherdóte ga Irichía Tupanapata ga taxü̃negu nüxü̃ iyangauxü̃.

Lebítanüxü̃arü puracüchiga 19:3

Rü wüxíechigü i pema rü name i penatüxü̃ rü peéxü̃ pengechaü̃. Rü ñu̱xũchi name i mea penaxaure i chorü ngü̃chigaarü ngunexü̃. Erü choma nixĩ i perü Cori ya Tupana chixĩxü̃.