Lebítanüxü̃arü puracüchiga 19:28 - Tupanaarü Ore

²⁸ ¡Rü ngẽxguma nayu̱xgu i wüxi i petanüxü̃, rü taxũtáma perü ngechaü̃maxã pegü pewixtüxü̃ne! ¡Rü taxũtáma pegü pexümatüxü̃negü! Rü choma nixĩ ya Cori ya Tupana.

Lebítanüxü̃arü puracüchiga 19:28 Referans Kwoze

Wenaxarü naxümatü ga Tupanaarü mugü 14:1

Pema rü naxacügü pixĩgü i perü Cori ya Tupana. Rü ngẽmaca̱x rü ngẽxguma wüxi i petanüxü̃ yuxgu ¡rü taxũtáma perü ngechaü̃maxã pegü pewí rü pegü piyoeru!

Nüxíraxü̃xü̃ ga popera ga ãẽ̱xgacügüchiga 18:28

Rü nümagü rü nayadaxẽxẽ ga nax yaxáichaxü̃. Rü cüxchimaxã nügü niwítüchacüügü rü nügü inapaiaxü̃negü, yerü yema nixĩ ga nacümagü ga naxügüxü̃, ñu̱xmata naduxunegü.

Lebítanüxü̃arü puracüchiga 21:5

Rü ngẽma chacherdótegü rü ngẽxguma nayu̱xgu i wüxi i natanüxü̃ rü tama name nax togürüxü̃ norü ngechaü̃maxã nügü yadügüeruxü̃, rü nügü yadüxchinagugüxü̃, rü nügü napi̱xẽẽgüxü̃ i naxü̃negüwa.

Yeremía 16:6

Rü ngẽma duü̃xü̃gü i diẽruã̱xgüxü̃ rü ngẽma ngearü diẽruã̱xgüxü̃ rü tá nayue i ñaa nachixü̃anewa. Rü taxúetama itanata̱xgü, rü bai tá texé naxca̱x auxexü̃, rü bai tá texé tügü tawítüxü̃ne rüe̱xna tügü taba̱i̱xeru nax ngẽmaãcü tanango̱xẽẽxü̃ nax naxca̱x tangechaxü̃xü̃ i ngẽma yuexü̃.

Lebítanüxü̃arü puracüchiga 21:1

Rü Cori ya Tupana rü Moichéxü̃ ñanagürü: —¡Namaxã idexa i ngẽma chacherdótegü i Aróü̃ nataagü, rü namaxã nüxü̃ ixu rü tama name nax wüxi i natanüxü̃ i yuxü̃xü̃ yangógügüxü̃, rü ngẽmaãcü nax nügü yaxãũxãchixẽxẽxü̃!

Ore i mexü̃ ga Márcu ümatüxü̃ 5:5

Rü ngunecü rü chütacü rü yuetachique̱xetanügu rü ma̱xpǘnegügu narüxũũxü̃. Rü yexma nanacaeane, rü nutamaxã nügügu napogü.

Yeremía 48:37

Rü guxü̃ma i duü̃xü̃gü rü norü ngechaü̃maxã nügü nidüerugü, rü nügü nidüxchinagugü, rü nügü nawixme̱xgü, rü naxchiru i témüxü̃gu nicu̱xgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:4

Rü ñu̱xũchi nüxü̃ chadau ga ñuxre ga tochicaxü̃gü. Rü yema tochicaxü̃wa tarütogü ga guxema Tupanaxü̃tawa nayauxgüxe ga pora nax duü̃xü̃güna naca̱xaxü̃ i norü maxü̃chiga. Rü yexgumarüxü̃ ta nüxü̃ chadau ga naãxẽgü ga yema duü̃xü̃gü ga Tupanaarü oreca̱x rü Ngechuchuchigaxü̃ nax yaxugüxü̃ca̱x nadaü̃naagüxü̃. Rü yema nixĩ ga duü̃xü̃gü ga tama yema ngo̱xoxü̃ icua̱xüü̃güxü̃ rü bai ga yema ngo̱xochicüna̱xãxü̃ icua̱xüü̃güxü̃, rü tama nügü ixãgüxü̃ nax nacatüwa rü ẽ̱xna naxme̱xwa yema ngo̱xoégamaxã yaxãégaxü̃. Rü nüxü̃ chadau ga wena nax namaxẽxü̃ ga yema duü̃xü̃gü, rü 1,000 ga taunecü Cristumaxã wüxigu ãẽ̱xgacügü nixĩgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:20

Rü yema nüxíraxü̃xü̃ ga ngo̱xo rü niyaxu. Rü wüxigu namaxã niyaxu ga yema to ga ngo̱xo ga orearü uruü̃neta ixĩxü̃ ga yema nüxíraxü̃xü̃ ga ngo̱xope̱xewa naxüxü̃ ga cua̱xruü̃gü ga duü̃xü̃gü tama nüxü̃ cuáxü̃ nax naxügüãxü̃. Rü yema cua̱xruü̃gümaxã nixĩ ga nawomüxẽẽãxü̃ ga yema duü̃xü̃gü ga nüxü̃ icua̱xüü̃güxü̃ ga naxchicüna̱xã ga yema nüxíraxü̃xü̃ ga ngo̱xo rü nügü ixãgüxü̃ nax yema ngo̱xoégamaxã nax yaxüégagüxü̃. Rü yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃, rü wüxigu maxẽxacü̃ma nawa nawoü̃ ga gumá naxtaxa ga achúfremaxã iya̱u̱xrachiüne.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:2

Rü yéma naxũ ga Tupanaarü orearü ngeruxü̃ ga nape̱xewa üxü̃, rü naaneétügu nayabaãcu ga norü copu. Rü guxü̃ma ga duü̃xü̃gü ga yema ngo̱xoégamaxã ixãégaxü̃ rü yema ngo̱xochicüna̱xãxü̃ icua̱xüü̃güxü̃, rü nawa inayarügogü ga taixna ga ngu̱xuchixü̃ ga taguma ixẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 15:2

Rü yexgumarüxü̃ ta nüxü̃ chadau ga ta̱xacü ga ñoma már baixétügurüxü̃ ixĩxü̃ rü üxüemarüxü̃ iya̱u̱xracüüxü̃. Rü yema márcutügu tachigü ga guxema nüxü̃ rüyexeragüxe ga yema ngo̱xo rü yema ngo̱xochicüna̱xã. Rü tümagü rü tama tügü tixügüéga namaxã ga yema ngo̱xoéga rü yema norü númeru. Rü tümame̱xẽwa nayexmagü ga tümaarü paxetaruü̃gü ga árpa ga Tupana tüxna ãxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:11

Rü naema ya yima üxü ya nawa Tupana ngúxü̃ tüxü̃ ingexẽẽ́ne, rü guxü̃gutáma ngéma nicaixque. Rü bai i ngunecü rü bai i chütacü rü tá írarüwa tüxü̃́ narüna i ngẽma ngúxü̃ ya yíxema ngẽma ngo̱xoxü̃ icua̱xüxü̃güxe rü ngẽma ngo̱xochicüna̱xãxü̃ icua̱xüxü̃güxe rü tügü ixãxẽ nax ngẽma ngo̱xoégamaxã taxãégaxü̃”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:9

Rü yemawena nango̱x ga to ga orearü ngeruxü̃ ga daxũcüã̱x ga tagaãcü ñaxü̃: “Ngẽxguma chi texé nüxü̃ icua̱xüxü̃gu i ngẽma ngo̱xo rü naxchicüna̱xã rü ñu̱xũchi tümacatüwa rü ẽ̱xna tümame̱xẽwa ngẽma ngo̱xoégamaxã tacua̱xruü̃ã̱xgu, rü Tupana rü poraãcüxüchi tá tüxü̃ napoxcu namaxã i ngẽma poxcu i guxü̃arü yexera ixĩxü̃ i nümatama ya Tupana norü numaxã namexẽẽxü̃. Rü achúfremaxã iya̱u̱xrane ga üxüwa tá ngúxü̃ tinge nape̱xewa i Tupanaarü orearü ngeruü̃gü rü nape̱xewa ya yimá Carnéruxacü.

Ore i mexü̃ ga Cuáü̃ ümatüxü̃ 20:25

Rü yixcama ga yema togü ga ngúexü̃gü rü Tumachimaxã nüxü̃ nixugüe, rü ñanarügügü: —Marü nüxü̃ tadau ya Cori ya Ngechuchu —ñanarügügü. Natürü ga Tumáchi rü nanangãxü̃ rü ñanagürü: —Ngẽxguma tama nüxü̃ chada̱u̱xgu i norü itapuamaxü̃ i naxme̱xwa ngẽxmaxü̃ rü tama nagu chixuxgu i ngẽma itapuamaxü̃ rü ngẽma norü canapacütüxü̃, rü taxũtáma chayaxõ i ngẽma ore i chomaxã nüxü̃ pixuxü̃ —ñanagürü.

Lebítanüxü̃arü puracüchiga 19:27

¡Rü taxũtáma boãcü pegü piyoeru, rü bai tá pegü ípeyoepe̱xechinagugü!

Lebítanüxü̃arü puracüchiga 19:29

¡Rü taxũtáma cuxacüxü̃ cuxucu̱xẽ nax naxü̃nemaxã nataxexü̃ca̱x! Rü taxü̃ i ngẽmaãcü chixexü̃maxã cuyapaxẽẽxü̃ i cuchixü̃ane.

Lebítanüxü̃arü puracüchiga 21:11

Rü nüma i chacherdótegüarü ãẽ̱xgacü rü taxũtáma nagu naxücu i wüxi i nachica i wüxi i yuxü̃ nawa ngẽxmaxü̃ rü woo nanatü rüe̱xna norü mama tixĩxgu nax tayuxü̃. Rü ngẽmaãcü taxũtáma wüxi i yuxü̃gagu nügü naxãũãchixẽxẽ.