Lebítanüxü̃arü puracüchiga 19:27 - Tupanaarü Ore

²⁷ ¡Rü taxũtáma boãcü pegü piyoeru, rü bai tá pegü ípeyoepe̱xechinagugü!

Lebítanüxü̃arü puracüchiga 19:27 Referans Kwoze

Wenaxarü naxümatü ga Tupanaarü mugü 14:1

Pema rü naxacügü pixĩgü i perü Cori ya Tupana. Rü ngẽmaca̱x rü ngẽxguma wüxi i petanüxü̃ yuxgu ¡rü taxũtáma perü ngechaü̃maxã pegü pewí rü pegü piyoeru!

Lebítanüxü̃arü puracüchiga 21:5

Rü ngẽma chacherdótegü rü ngẽxguma nayu̱xgu i wüxi i natanüxü̃ rü tama name nax togürüxü̃ norü ngechaü̃maxã nügü yadügüeruxü̃, rü nügü yadüxchinagugüxü̃, rü nügü napi̱xẽẽgüxü̃ i naxü̃negüwa.

Echequié 44:20

Rü tama name nax nügü yadüpü̱xerugüxü̃ i ngẽma chacherdótegü rü tama name nax nügü yama̱xyaexẽẽxü̃. Rü name nax mea nügü yayoerugüxü̃.

Yeremía 48:37

Rü guxü̃ma i duü̃xü̃gü rü norü ngechaü̃maxã nügü nidüerugü, rü nügü nidüxchinagugü, rü nügü nawixme̱xgü, rü naxchiru i témüxü̃gu nicu̱xgü.

Yeremía 16:6

Rü ngẽma duü̃xü̃gü i diẽruã̱xgüxü̃ rü ngẽma ngearü diẽruã̱xgüxü̃ rü tá nayue i ñaa nachixü̃anewa. Rü taxúetama itanata̱xgü, rü bai tá texé naxca̱x auxexü̃, rü bai tá texé tügü tawítüxü̃ne rüe̱xna tügü taba̱i̱xeru nax ngẽmaãcü tanango̱xẽẽxü̃ nax naxca̱x tangechaxü̃xü̃ i ngẽma yuexü̃.

Ichaía 15:2

Rü ngẽmaca̱x ngẽma duü̃xü̃gü ya ĩane ya Dibóü̃cüã̱xgü rü norü ngutaque̱xepataxü̃ ya ma̱xpǘnegu ünagünewa naxĩ rü ngéma nayaxauxe. Rü Moátanüxü̃ rü nügümaxã nixauxãchie naxca̱x ya norü ĩanegü ya Nébu rü Medebá nax nanguxuchigüxü̃. Rü guxü̃ma i Moátanüxü̃ rü norü ngechaü̃maxã nügü nidüpü̱xüerugü rü nügü nidüxchinagugü.

Echequié 7:18

Rü guxãtáma tümachiru i techaraxü̃gu ticu̱xgü erü ngechaü̃wa tangexmagü. Rü guxü̃watáma tidu̱xruxünegü rü ãnemaxã tanadeãchichametügü. Rü guxãtáma tügü tidüxpü̱xüerugü.

Lebítanüxü̃arü puracüchiga 19:28

¡Rü ngẽxguma nayu̱xgu i wüxi i petanüxü̃, rü taxũtáma perü ngechaü̃maxã pegü pewixtüxü̃ne! ¡Rü taxũtáma pegü pexümatüxü̃negü! Rü choma nixĩ ya Cori ya Tupana.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 19:4

Rü yexguma ga Anúü̃ rü norü duü̃xü̃güxü̃ namu nax Dabíarü orearü ngeruü̃güxü̃ ínayauxü̃xü̃ca̱x. Rü yexguma marü ínayauxü̃ãgu rü nayadüxchinágugü rü nata̱xrü̱xügu nayagáuyechirugü. Rü yemawena rü ñu̱xũchi ínayamugü.

Yeremía 9:25

Rü nüma ya Cori ya Tupana rü nüxü̃ nixu rü ñanagürü: —Tá inangu i ngunexü̃ i nagu chanapoxcuexü̃ i guxü̃ma i duü̃xü̃gü i nügü iwiü̃cha̱xmüü̃pe̱xechiraü̃gümarexü̃ natürü tama chauga ĩnüexü̃.