Lebítanüxü̃arü puracüchiga 19:26 - Tupanaarü Ore

²⁶ ¡Rü taxũtáma penangõ̱x i namachi i ãgüxü̃. ¡Rü taxũtáma yuüca̱x pengúe, rü taxũtáma naxca̱x pengúe i ngẽma ẽxü̃guxü̃ i yixcüra tá ngupetüxü̃!

Lebítanüxü̃arü puracüchiga 19:26 Referans Kwoze

Norü taxre ga popera ga ãẽ̱xgacügüchiga 17:17

Rü yexgumarüxü̃ ta yema tupananetagüarü ãmarearü guruü̃wa tüxü̃ nigu ga naxacüxe ga yatüxe rü ngexe. Rü nagu ínamaxẽ ga yuü ga ẽxü̃guxü̃xü̃ nawa icuáxü̃. Rü chixexü̃ca̱x nügü inaxãgü ga Tupanape̱xewa rü yemaacü poraãcü nananuxẽxẽ.

Norü taxre ga to ga popera ga ãẽ̱xgacügüchiga ümatüxü̃ 33:6

Rü nüma ga Manaché rü nanegüxü̃tama nigu nawa ga yema ãmarearü guruxü̃ ga doxonexü̃ ga Ben-inóü̃wa yexmaxü̃. Rü chixexü̃ ga naãẽgüca̱x nangema nax namaxã yadexaxü̃ca̱x, rü ngẽma ẽxü̃guxü̃ i chixexü̃wa nangu̱x, rü duü̃xü̃güxü̃ namu nax naxca̱x nangúexü̃ nax yuetaãẽgüca̱x nangemagüxü̃, rü nagu nixũ nax duẽxẽgüxü̃ nachixexẽẽgüxü̃. Rü yema taxü̃ ga chixexü̃gü ga Tupanape̱xewa naxüxü̃maxã poraãcü Tupanaxü̃ nanuxẽxẽ.

Norü taxre ga popera ga ãẽ̱xgacügüchiga 21:6

Rü naétü nanetama tüxü̃ nigu nawa ga wüxi ga yema tupananetachicüna̱xãarü ãmarearü guruxü̃. Rü nagu namaxü̃ ga yuü ga naãẽgümaxã nawa yadexaxü̃, rü yuü ga nawa nüxü̃ icuáxü̃ ga ẽxü̃guxü̃. Rü duü̃xü̃gümaxã nanaxunagü nax nangúexü̃ca̱x ga yuü rü nax nangúexü̃ca̱x nax ñuxãcü duü̃xẽxü̃ nachixexẽẽgüxü̃. Rü yemaacü poraãcü chixexü̃ naxü ga Tupanape̱xewa rü poraãcü Tupanaxü̃ nanuxẽxẽ.

Wenaxarü naxümatü ga Tupanaarü mugü 12:23

Natürü yimá nagü rü ¡taxũtáma penangõ̱x! Erü yimá nagüwa nangẽxma i norü maxü̃. Rü ngẽmaca̱x ¡taxũtáma ngẽma namachimaxã penangõ̱x ya yimá nagü ya maxü̃ nawa ngẽxmacü!

Lebítanüxü̃arü puracüchiga 7:26

Rü ngexü̃rüüxü̃mare i nachica i nagu pexãpataxü̃wa rü tama name nax penangṍxü̃ ya nagü i ngẽma naxü̃nagü i ãxpe̱xatüxü̃ rü ngẽma togü i naxü̃nagü i ñaxtüwa maxẽxü̃.

Lebítanüxü̃arü puracüchiga 3:17

Rü ngẽma nixĩ i wüxi i mu i guxü̃gutáma ngẽxmaechaxü̃ i pexacügüwa rü petaagüwa pexüexẽẽchigüxü̃ i ngextá ípemaxẽxü̃wa. ¡Rü taxũtáma penangõ̱x i ngẽma chíxü̃ rü yimá nagü! —ñanagürü.

Yeremía 10:2

Rü nüma ya Cori ya Tupana rü ñanagürü: —¡Taxṹ i nacümagügu pexĩxü̃ i ngẽma togü i nachixü̃anecüã̱xgü! ¡Rü taxṹ i namaxã peba̱i̱xãchiexü̃ ega dauxü̃wa ta̱xacüxü̃ peda̱u̱xgu ngẽma togü i nachixü̃anecüã̱xgü namaxã baixãchiexü̃rüxü̃!

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Danié 2:10

Rü nüma ga yema yatügü ga cua̱x nüxü̃́ yexmagüxü̃ rü nanangãxü̃gü rü ñanagürügü: —Ñoma i naanewa rü tataxuma ya texé ya nüxü̃ cuáxe nax nüxü̃ tixuxü̃ i ngẽma nüxü̃ cucuáxchaü̃xü̃, Pa Ãẽ̱xgacüx. Rü ngẽxgumarüxü̃ ta rü taguma ñuxgu wüxi ga nachixü̃anearü ãẽ̱xgacü ga poracü norü ucu̱xẽruü̃güna naxca̱x naca i ngẽma ñu̱xma cuma toxna naxca̱x cuca̱a̱xü̃rüxü̃ ixĩxü̃.

1 Chamué 15:23

Rü yíxema tama Tupanaga ĩnüxe rü ñomatama tayuüxü̃rüxü̃ poraãcü chixexü̃ taxü i Tupanape̱xewa. Rü yíxema chixri Tupanaga ĩnüxe rü ñomatama tupananetaxü̃ ticua̱xüü̃rüxü̃ chixexü̃ taxü. Rü dücax, rü ñu̱xma nax nüxü̃ cuxoxü̃ i norü mugü, rü nüma ya Tupana rü cuxü̃ naxo nax Iraéanecüã̱xgüarü ãẽ̱xgacü quixĩxü̃ —ñanagürü ga Chamué.

Ínachoxü̃xü̃chiga 8:7

Rü yexgumarüxü̃ ta ga yema Equítuanewa yexmagüxü̃ ga yuüxü̃gü rü yematama naxüe yema ngo̱xoarü puracü ga nüxü̃ nacua̱xgüxü̃maxã, rü yexgumarüxü̃ ta cururugü ga dexáwa íchoxü̃xü̃maxã nayapaxẽxẽ ga Equítuane.

Ínachoxü̃xü̃chiga 7:11

Rü nüma ga Faraóü̃, rü norü duü̃xü̃gü ga nüxü̃ icua̱xüchixü̃ca̱x rü norü yuüxü̃güca̱x nangema. Rü nümagü ga yema norü duü̃xü̃gü rü norü yuüxü̃gümaxã nanaxügüama ta ga yema Aróü̃ üxü̃.

Ngechuchuarü ngúexü̃gü ga yamugüxü̃arü puracüchiga 15:20

Rü narümemae nixĩ i naxca̱x tanaxümatü i popera, rü ngẽmawa namaxã nüxü̃ tixu: – Tama name nax nangõ̱xgüãxü̃ i naxü̃nagümachi i duü̃xü̃gü norü tupananetachicüna̱xãgüca̱x daixü̃. – Rü tama name nax nai i ngexü̃maxã rü ẽ̱xna nai ya yatümaxã inapexü̃. – Rü tama name nax nangõ̱xgüãxü̃ i namachi i ngẽma naeü̃ rüe̱xna naxü̃na i wẽxnaxãxü̃ rüe̱xna natügu nguxü̃. – Rü tama name nax nangõ̱xgüãxü̃ ya nagü. Rü ngexicatama nixĩ i inaxwa̱xexü̃ nax naxca̱x naxümatüxü̃ i ngẽma yaxõgüxü̃ i Antioquíawa ngẽxmagüxü̃.

Naanearü ügüchiga 9:4

¡Natürü taxũtáma penangõ̱x i ngẽma namachi i ãgüxü̃! Erü yimá nagüwa nixĩ i nangẽxmaxü̃ i maxü̃.

Lebítanüxü̃arü puracüchiga 19:25

Rü yimá norü wüxime̱e̱xpü̱x ya taunecügu tá nixĩ i marü namexü̃ nax penangṍxü̃ i ngẽma norü o. Rü ngẽmaãcü i ngẽma nanetü rü yexeraxacü tá namu i norü o. Erü choma nixĩ i perü Cori ya Tupana chixĩxü̃.

Wenaxarü naxümatü ga Tupanaarü mugü 12:16

Natürü yimá nagü rü ¡taxũtáma penangõ̱x! Rü waixü̃müanegu tá penaba ñoma dexá ibaxü̃rüxü̃.

Wenaxarü naxümatü ga Tupanaarü mugü 15:23

Natürü tama name nax penangṍxü̃ i nagü i ngẽma naxü̃nagü. Rü yimá nagü rü waixü̃mügu tá penaba.

1 Chamué 14:32

Rü yemaca̱x nanangõ̱xgü ga yema naxü̃nagü ga norü uanügüna napuxü̃xü̃ ga carnérugü, rü wocagü rü wocaxacügü. Rü nanadai rü nanagõ̱xgü ga namachi ga nagüã́xü̃.

1 Chamué 14:33

Natürü nümaxü̃ ga churaragü rü Chaúmaxã nüxü̃ narüxugüe rü ñanagürügü nüxü̃: —Ngẽma churaragü rü Cori ya Tupanape̱xewa chixexü̃ naxüe. Erü namachi i nagüã́xü̃ tanangõ̱xgü —ñanagürügü. Rü yexguma ga Chaú rü ñanagürü: —Pema rü Tupanape̱xewa chixexü̃ pexü. ¡Rü ñu̱xmatama wüxi ya nuta ya tacü nua penadixchigü!