Lebítanüxü̃arü puracüchiga 19:18 - Tupanaarü Ore

¹⁸ Rü tama name nax namaxã cunuxwa̱xexü̃ i cutanüxü̃ rü bai nax naxchi cuxaixü̃. ¡Rü cumücüxü̃ nangechaü̃, ñoma cugütama cungechaü̃xü̃rüxü̃! Rü choma nixĩ ya Cori ya Tupana.

Lebítanüxü̃arü puracüchiga 19:18 Referans Kwoze

Romanos 13:9

Rü Tupanaarü mugü rü ñanagürü: “¡Taxṹ i nai i ngexü̃maxã cumaxü̃! ¡Rü taxṹ i cumáeta! ¡Rü taxṹ i cungĩ̱x! ¡Rü taxṹ i toguã̱xarü ngẽmaxü̃ cuxü̃́ ngúchaü̃xü̃!” ñanagürü. Natürü ngẽma mugü rü guxü̃ma i togü i Tupanaarü mugümaxã rü wüxigu nanu nagu i norü ore i ñaxü̃: “¡Rü nüxü̃ nangechaü̃ i cumücü nax cugütama cungechaü̃xü̃rüxü̃!” ñaxü̃.

Gálatas 5:14

Erü guxü̃ma i Tupanaarü mugü rü wüxitama i muwa nüxü̃ nixu rü ñanagürü: “¡Nüxü̃ nangechaü̃ i cumücü nax cugütama cungechaü̃xü̃rüxü̃!” ñanagürü.

Popera ga Chantiágu ümatüxü̃ 2:8

Tupanaarü mu i guxü̃ i norü mugüarü yexera ixĩxü̃ rü ñanagürü: “¡Nüxü̃ nangechaü̃ i cumücü ngẽma cugütama cungechaü̃xü̃rüxü̃!” ñanagürü. Rü ngẽxguma aixcüma naga pexĩnüegu i ngẽma mu, rü mexü̃ pexügü.

Ore i mexü̃ ga Matéu ümatüxü̃ 19:19

¡Rü tümaga naxĩnü ya cunatü rü cué, rü nüxü̃ nangechaü̃ i cumücügü ngẽma nax cugü cungechaü̃xü̃rüxü̃! —ñanagürü.

Romanos 12:19

Pa Chauenexẽgü ya Pexü̃ Changechaü̃güxe, tama name i pegütama pexütanü ega texé ta̱xacürü chixexü̃ pexca̱x ínguxẽẽgu. Natürü name nixĩ i Tupaname̱xẽgu penaxǘ i ngẽma nax nüma napoxcuãxü̃ca̱x. Erü Tupanaarü ore i ümatüxü̃wa rü ñanagürü: “Cho̱xme̱xwa nangẽxma nax duü̃xü̃güxü̃ chapoxcuxü̃ i norü chixexü̃ca̱x. Rü choma tá nüxü̃́ chanaxütanü i ngẽma duü̃xü̃ i chixexü̃ üxü̃”, ñanagürü ya tórü Cori.

Romanos 12:17

Rü ngẽxguma texé chixexü̃ pexca̱x ínguxẽẽgu, ¡rü taxṹ i chixexü̃maxã pexütanüxü̃! Natürü name nixĩ i pegü peporaexẽxẽ nax mexü̃ pexügüxü̃ca̱x nape̱xewa i guxü̃ma i duü̃xü̃gü.

Colosenses 3:8

¡Natürü i ñu̱xma rü nüxü̃ perüxoe i guxü̃ma i ngẽma nax pegüchi pexaiexü̃, rü pegümaxã penuexü̃, rü chixexü̃gu pemaxẽxü̃, rü pegümaxã peguxchigagüxü̃, rü guxü̃ma i ngẽma chixexü̃ i dexa i nüxü̃ pixuxü̃!

Efesios 4:31

¡Rü nüxü̃ perüxoe nax nagu perüxĩnüexechaxü̃ ega texé ta̱xacürü chixexü̃ pexca̱x uxgux! Rü ngẽxgumarüxü̃ ta name nixĩ nax nüxü̃ perüxoexü̃ nax pegüchi pexaiexü̃, rü pegümaxã penuexü̃, rü pegü nax pengaexü̃, rü pegümaxã peguxchigagüxü̃. Rü ngẽmaãcü name nax nüxü̃ perüxoexü̃ i guxü̃ma i ngẽma chixexü̃ i dexagü.

Ucu̱xẽgüchiga 20:22

Ngẽxguma chi texé ta̱xacürü chixexü̃ cuxcha̱xwa uxgu, rü tama name i nüxü̃ quixu nax cugütátama cuxütanüxü̃. Rü name nixĩ i nüxü̃́ cuyaxõ ya Cori ya Tupana, erü nüma tá nixĩ i cuxü̃ naxütanüxü̃.

Nüxíraxü̃xü̃ ga popera ga Pedru ümatüxü̃ 2:1

Rü ngẽmaca̱x name nixĩ i nüxü̃ perüxoe i guxü̃ma i chixexü̃gü, rü ngẽma nax pidorata̱a̱xgüxü̃, rü ngẽma nax togüpe̱xewa mea pemaxẽnetaxü̃, rü ngẽma nax pixãũxãchiwa̱xegüxü̃, rü ngẽma nax pixoregüta̱a̱xgüxü̃.

Popera ga Yudíugü ga yaxõgüxü̃ca̱x ümatüxü̃ 10:30

Rü meama nüxü̃ tacua̱x rü Tupana rü ñanagürü: “Choma nixĩ i nüxü̃ chacuáxü̃ nax ta̱xacü tá namaxã chaxüxü̃ i ngẽma chixexü̃ ügüxü̃. Rü aixcüma tá chanapoxcue”, ñanagürü. Rü yexgumarüxü̃ ta ñanagürü: “Choma tátama nixĩ i nüxna chaca̱xaxü̃ i chorü duü̃xü̃gü i norü maxü̃chiga”, ñanagürü.

Ore i mexü̃ ga Matéu ümatüxü̃ 19:16

Rü wüxi ga ngextü̱xücü rü Ngechuchuxü̃tawa nangu, rü nüxna naca, rü ñanagürü: —Pa Ngúexẽẽruxü̃ ya Mecüx, ¿ta̱xacürü mexü̃ tá chaxüxü̃ nax chanayaxuxü̃ca̱x i maxü̃ i taguma gúxü̃? —ñanagürü.

Romanos 13:4

Erü nüma i ãẽ̱xgacü rü Tupanaarü ngü̃xẽẽruxü̃ nixĩ rü ngẽmaca̱x nanamu nax cuxü̃ nangü̃xẽẽxü̃ca̱x. Natürü ngẽxguma chixexü̃ cuxü̱xgu, rü ngẽxguma tá nixĩ i nüxü̃ cumuü̃xü̃. Erü nüma i ãẽ̱xgacü rü tama natüca̱xma nixĩ nax nüxü̃́ nangẽxmaxü̃ i pora nax cuxü̃ napoxcuxü̃. Erü woetama Tupana nanamu nax napoxcuãxü̃ca̱x i ngẽma duü̃xü̃ i chixexü̃ ügüxü̃.

2 Chamué 13:28

Rü nüma ga Acharóü̃ rü marü norü duü̃xü̃güxü̃ naxuxcu̱xẽ rü ñanagürü nüxü̃: —¡Peyangugü i Anóü̃, rü ngẽxguma marü bínumaxã nangãxü̱̃xgu, rü choma rü tá pemaxã nüxü̃ chixu nax peyamáxü̃ca̱x, rü peyamá! ¡Rü taxṹ i pemuü̃exü̃! Erü choma nixĩ i pexü̃ chamuxü̃. ¡Rü pegü peporaexẽxẽ rü taxṹ i pemuü̃exü̃! —ñanagürü.

2 Chamué 13:22

Rü yexgumacürüwa nüma ga Acharóü̃ rü Anóü̃chi naxai rü taguma namaxã nidexachaü̃ yerü naeya̱x ga Tamáraxü̃ niyaxu ga Anóü̃.

Wenaxarü naxümatü ga Tupanaarü mugü 32:25

Rü norü ĩanegüarü namagügu rü norü uanügü rü taramaxã tá nanadai i naxacügü. Rü ĩpatagüwa rü tá taxüchixü̃ i muü̃ ínangu. Rü tá nayue i ngextü̱xüxü̃gü rü paxü̃gü rü o̱xigü rü õxchanagü ya maĩẽxe.

Gálatas 5:20

Rü tupananetachicüna̱xãgüxü̃ nicua̱xüü̃gü, rü yuüca̱x nangúe, rü aigu narüxĩnüe, rü nachoxü̃gawa̱xegü, rü ta̱xacü ninuxü̃wa̱xegü, rü nanuxwa̱xegü, rü duü̃xü̃güxü̃ naxucu̱xẽgü nax tama wüxigu naxĩnüexü̃ca̱x. Rü nayatoye i duü̃xü̃gü, rü nügü nixüxchimüü̃gü.

Wiyaegü 103:9

Rü tama taxchi naxai rü tama tamaxã nanuecha.

Ore i mexü̃ ga Cuáü̃ ümatüxü̃ 13:34

Rü pemaxã nüxü̃ chixu i wüxi i ngexwaca̱xü̃xü̃ i mu. Rü ngẽma pexü̃ chamuxü̃ nixĩ i pemücügüxü̃ nax pengechaü̃xü̃ i wüxichigü. Rü ngẽma nax choma pexü̃ changechaü̃xü̃rüxü̃, rü chanaxwa̱xe i wüxichigü i pema rü pemücügüxü̃ pengechaü̃gü.

Nüxíraxü̃xü̃ ga popera ga Cuáü̃ ümatüxü̃ 4:21

Rü Ngechuchu ya Cristu tamaxã nüxü̃ nixu i ñaa mu, rü ñanagürü: “Yíxema Tupanaxü̃ ngechaü̃xe, rü tanaxwa̱xe nax tümaenexẽxü̃ rü ta tangechaü̃xü̃”, ñanagürü.

Naanearü ügüchiga 4:23

Rü wüxi ga ngunexü̃gu ga Laméx rü guxema naxma̱xgü ga Adá rü Chiláxü̃ ñanagürü: —¡Mea choxü̃́ iperüxĩnüe i ngẽma pemaxã nüxü̃ chixuxü̃! Chayama̱x i wüxi i yatü erü choxü̃ nanapi̱xẽxẽ. Rü chayama̱x i wüxi i ngextü̱xüxü̃ erü choxna nanacua̱i̱xca.

Ínachoxü̃xü̃chiga 20:16

¡Rü taxũtáma doraxü̃ quixu i cumücüchiga!

Lebítanüxü̃arü puracüchiga 19:34

Rü ngẽma to i nachixü̃anecüã̱x rü mea namaxã ipecua̱x! ¡Rü nüxü̃ pengechaü̃, erü nüma rü wüxi i petanüxü̃rüü̃tama nixĩ! ¡Rü taxṹ i nüxü̃ perüngü̃ma nax pema rü ta rü to i nachixü̃anecüã̱xgü pixĩgüxü̃ ga Equítuanewa! Rü choma nixĩ i perü Cori ya Tupana chixĩxü̃.

Ngechuchuarü ngúexü̃gü ga yamugüxü̃arü puracüchiga 16:28

Natürü tagaãcü aixta naxü ga Pauru, rü ñanagürü nüxü̃: —¡Taxṹ i cugü quimáxü̃! Rü guxãma i toma rü tanuxmagü —ñanagürü.