Lebítanüxü̃arü puracüchiga 19:16 - Tupanaarü Ore

¹⁶ ¡Rü taxũtáma oregümaxã curü ĩanegü cunaxũane! Rü taxũtáma cumücüchiga doraxü̃ quixu nax ngẽmaãcü ãũcümaxü̃wa cunangexmaxẽẽxü̃ca̱x. Rü choma nixĩ ya Cori ya Tupana.

Lebítanüxü̃arü puracüchiga 19:16 Referans Kwoze

Ínachoxü̃xü̃chiga 23:1

Rü tama name i doramaxã ícunapoxü̃ i ngẽma duü̃xü̃ i chixexü̃arü üruxü̃ i ngẽxguma ãẽ̱xgacü norü chixexü̃ca̱x nüxna caxgux.

Ínachoxü̃xü̃chiga 23:7

¡Rü nüxü̃ rüxo nax doramaxã ícunaxuãxü̃xü̃ i wüxi i duü̃xü̃! Rü tama name i yu namaxã cunaxuegu i wüxi i duü̃xü̃ i taxuxü̃ma i chixexü̃ üxü̃. Erü choma rü taxũtáma nüxü̃ chaxüpetümare i ngẽma duü̃xü̃ i nagagu íyixĩxü̃ nax tayuxü̃.

Ucu̱xẽgüchiga 20:19

Ngẽma oregüta̱xáxü̃, rü tama nüxicatama nüxna nadau i ngẽma ore i tama mexü̃ nax guxã nüxü̃ cuáxü̃. Rü ngẽmaca̱x tama name i namaxã cuxãmücü i ngẽma oregüta̱xáxü̃.

Echequié 22:9

Rü cuwa nangẽxma i ñuxre i chixexü̃ i duü̃xü̃gü i ãẽ̱xgacügüpe̱xewa idorata̱xagüxü̃ rü ngẽmagagu nayue i ngẽma taxuxü̃ma i chixexü̃ ügüchiréxü̃. Rü ngẽma duü̃xü̃gü i chixexü̃gu maxẽxü̃ rü ma̱xpǘnegüwa nanaxüchiga i norü naxchicüna̱xãgü, rü ngẽmaãcü nanaxügü i taxü̃ i chixexü̃gü i ãũãchixü̃.

Yeremía 9:4

Rü wüxichigü i pema rü pegüna pedaugü nax tama pexü̃ nawomüxẽẽxü̃ca̱x i pemücü. Rü woo i peenexẽxü̃chi rü tama name i nüxü̃́ peyaxõgü. Erü guxü̃ma i ngẽma peenexẽgü rü nawomüxẽẽwa̱xegü. Rü guxü̃ma i pemücügü rü chixri pechiga nidexagü.

Yeremía 6:28

Rü ñachagürü: —Pa Corix, guxü̃ma i nümagü rü tama cuga naxĩnüechaü̃. Rü duü̃xü̃gü i oregüta̱a̱xgüxü̃ i chixexü̃gu maxẽxü̃ nixĩgü. Nümagü rü ñoma bróũcherüxü̃ rü fierurüxü̃ nitaiarü maxü̃neã̱x. Rü guxü̃ma poraãcü chixexü̃ naxügü.

Ucu̱xẽgüchiga 11:13

Ngẽma oregüta̱xáxü̃ rü guxü̃xü̃ma nixumare, natürü yíxema tümaãẽxü̃ cuáxe, rü tüxicatama nüxü̃ tacua̱xmare ega ta̱xacüxü̃ taxĩnügu.

Nüxíraxü̃xü̃ ga popera ga Pedru ümatüxü̃ 2:1

Rü ngẽmaca̱x name nixĩ i nüxü̃ perüxoe i guxü̃ma i chixexü̃gü, rü ngẽma nax pidorata̱a̱xgüxü̃, rü ngẽma nax togüpe̱xewa mea pemaxẽnetaxü̃, rü ngẽma nax pixãũxãchiwa̱xegüxü̃, rü ngẽma nax pixoregüta̱a̱xgüxü̃.

Wiyaegü 15:3

rü tama texéchiga chixri idexaxe, rü taxuxü̃ma chixexü̃ tümamücümaxã ǘxe, rü tama chixexü̃ i oremaxã tümamücüxü̃ nga̱xe,

Ínachoxü̃xü̃chiga 20:16

¡Rü taxũtáma doraxü̃ quixu i cumücüchiga!

Popera ga Títoca̱x naxümatüxü̃ ga Pauru 2:3

Rü ngẽxgumarüxü̃ ta chanaxwa̱xe i mea cuyaxucu̱xẽgü i ngẽma ngexü̃gü i yáxü̃ nax mea Tupanape̱xewa namaxẽxü̃ca̱x. Rü tama name nax yaxoregüta̱a̱xgüxü̃, rü nangãxẽwa̱xegüxü̃. Rü name nixĩ i guxü̃ i duü̃xü̃güpe̱xewa mea namaxẽ.

Norü taxre ga popera ga Timutéuca̱x naxümatüxü̃ ga Pauru 3:3

Rü taxúexü̃ tá nangechaü̃gü, rü taxúe tá nüxü̃́ nangechaü̃tümüü̃gü. Rü tá naxoregüta̱a̱xgü, rü taxũtáma yáxna namaxã naxĩnüe i naxü̃nearü ngúchaü̃gü. Rü tá nichixecüma, rü tá naxchi naxaie i guxü̃ma i ngẽma mexü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:11

Rü naxma̱xgü i ngẽma yatügü i diácunugü, rü name nax duü̃xü̃gü nüxü̃ ngechaü̃güxü̃ yaxĩgüxü̃. Rü tama name i oregüta̱xaxgüxü̃ nixĩgü, natürü tanaxwa̱xe i mea namaxẽ rü aixcüma nayanguxẽẽgü i guxü̃ma i ngẽma nüxü̃ yaxugüxü̃.

Ore i mexü̃ ga Matéu ümatüxü̃ 27:4

Rü ñanagürü nüxü̃: —Choma rü marü chixexü̃ chaxü, erü naechita íchayaxuaxü̃ i wüxi i yatü i taxuxü̃ma i chixexü̃ üxü̃, rü ñu̱xma rü tá ngẽmagagu nayu —ñanagürü. Natürü nümagü ga ãẽ̱xgacügü rü nanangãxü̃gü, rü ñanagürügü: —Toma rü tama nüxü̃ tacuáxchaü̃ i ngẽma. Cugagutama nixĩ, rü cuma i nüxü̃ cucuáxü̃ nax ñuxãcü cugümaxã cunamexẽxẽxü̃ i ngẽma —ñanagürügü.

Wenaxarü naxümatü ga Tupanaarü mugü 27:25

“Rü ngẽma duü̃xü̃ i tüxü̃ yauxtanüxü̃ nax tüxü̃ yamáxü̃ca̱x ya duü̃xẽ ya taxuxü̃ma chixexü̃ üxe rü chixexü̃wa nangẽxma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Yox 17:5

Rü ngẽma duü̃xü̃gü i diẽruca̱x namücügüxü̃ íxuaxü̃güxü̃ rü tá nüxü̃ nadau nax nayuexü̃ i naxacügü.

1 Chamué 24:10

Pa Chorü Ãẽ̱xgacüx, ñu̱xmawaxix nixĩ i aixcüma nüxü̃ cucuáxü̃ nax tama cuxü̃ chimáxchaü̃. Rü woo Cori ya Tupana rü cho̱xme̱xgu cuxü̃ nax nangu̱xẽẽchirexü̃ i nua ma̱xpǘnearü ãxmaxü̃wa, natürü i choma rü tama cuxü̃ chiima̱x, Pa Ãẽ̱xgacüx. Erü nagu charüxĩnü nax cuma rü ãẽ̱xgacü quixĩxü̃ erü Cori ya Tupana rü marü ngẽmaca̱x cuxü̃ naxuneta.

Wiyaegü 50:20

Rü cuma rü chixri nachiga quidexa ya cumücü. Rü yimá cuenexẽxü̃chi rü namaxã cuguxchiga.

Wiyaegü 101:5

Rü tá chayanangea̱xgüxẽxẽ i ngẽma duü̃xü̃gü i namücügüechita chixri tümachiga idexagüxü̃. Rü taxũtáma yáxna namaxã chaxĩnü i ngẽma duü̃xü̃gü i to̱xguã̱xétüwa nügü ügüxẽxẽchaü̃xü̃ rü ngẽma norü poramaxã nügü icua̱xüxü̃güxü̃.

Ucu̱xẽgüchiga 10:18

Ngẽma idorata̱xáxü̃ rü tama nanango̱xẽxẽ ega ngẽxguma duü̃xẽchi naxaixgu, rü ngẽma tama naãẽxü̃ cuáxü̃ rü naxoregüta̱a̱x.