Lebítanüxü̃arü puracüchiga 19:13 - Tupanaarü Ore

¹³ ¡Rü taxṹ i cumücüxü̃ cuxãxũnexü̃ rü taxṹ i nüxna cunapuxü̃ i norü ngẽmaxü̃gü! ¡Rü taxṹ i curü puracütanüxü̃na cunachu̱xuxü̃ i norü diẽru nax moxü̃ãcüama nüxü̃́ cunaxütanüxü̃ca̱x!

Lebítanüxü̃arü puracüchiga 19:13 Referans Kwoze

Popera ga Chantiágu ümatüxü̃ 5:4

Rü pema rü tama nüxü̃́ ngĩxü̃ pexütanü ga yema diẽru ga ngĩxca̱x napuracüecü ga perü puracütanüxü̃. Rü ngẽmaca̱x i ngẽma perü puracütanüxü̃ rü ngĩxca̱x nidexagü ga yema diẽru ga tama nüxna ngĩxü̃ pexãcü. Rü nüma ya Cori ya Tupana ya Guxü̃étüwa Ngẽxmacü rü marü ngẽma duü̃xü̃güxü̃ naxĩnü nax ngĩxca̱x yadexagüxü̃ ga yema diẽru ga nüxü̃́ ngĩxü̃ pengetanücü.

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Yeremía 22:13

Rü nüma ga Cori ya Tupana rü ãẽ̱xgacü ga Yoachíü̃chiga ñanagürü: —Pa Ãẽ̱xgacüx, wüxi i ngechaü̃ nixĩ i cuxca̱x, erü cuma rü cunaxü ya ãẽ̱xgacüpata rü naigü ya ĩpatagü ya itaxü̃ne, natürü chixexü̃ cuxü erü tama tüxü̃́ cunaxütanü ya yíxema cuxü̃́ naxügüxe.

Ucu̱xẽgüchiga 20:10

Cori ya Tupana rü naxchi naxai i ngẽma yáruü̃gü i tama aixcüma ngugügu yaxü̃ rü ngẽma ngugüruü̃gü i tama mea ããcuxü̃.

Ore i mexü̃ ga Márcu ümatüxü̃ 10:19

Cuma rü marü nüxü̃ cucua̱x i Tupanaarü mugü i ñaxü̃: “¡Taxũtáma cumáeta, rü taxũtáma nai i ngexü̃maxã icupe, rü taxũtáma cungĩ́ta̱a̱x, rü taxũtáma doraxü̃ quixu i togüchiga, rü taxũtáma texéxü̃ cuwomüxẽxẽ, rü tümaga naxĩnü ya cunatü rü cué!” ñaxü̃ —ñanagürü.

Echequié 22:29

Rü ngẽma duü̃xü̃gü i taarü naaneã̱xgüxü̃ rü chixexü̃gu namaxẽ rü nangĩ̱xgü. Rü tama aixcüma mea tüxü̃́ nanaxütanü ya yíxema nüxü̃́ puracüexe ya ngearü diẽruã̱xgüxe. Rü chixri tümamaxã inacua̱xgü ya yíxema to i nachixü̃anecüã̱xgü ixĩgüxe.

Yeremía 22:3

¡Rü mea duü̃xü̃gümaxã inacua̱x rü mexü̃ i nacümagu pemaxẽ i ñaa nachicawa! ¡Rü ngẽma diẽruã̱xgüxü̃me̱xẽwa tüxü̃ ínanguxü̃xẽxẽ ya yíxema duü̃xẽgü i chixri tümamaxã inacua̱xgüxe! ¡Rü taxṹ i chixri namaxã pixĩgüxü̃ i ngẽma to i nachixü̃anecüã̱xgü, rü yíxema taxcutagü, rü ñu̱xũchi yíxema yutegüxe! ¡Rü taxṹ i ñaa nachicagu tüxü̃ pimáxü̃ ya yíxema duü̃xẽ ya taxuxü̃ma i chixexü̃ üxe!

Ínachoxü̃xü̃chiga 22:21

Rü taxũtáma chixeãcü namaxã icucua̱x i ngẽma to i nachixü̃anecüã̱x i duü̃xü̃. Yerü pema rü ta rü Equítuanewa to i nachixü̃anecüã̱xgü pixĩgü.

Ínachoxü̃xü̃chiga 22:15

Natürü ngẽxguma nangẽxmayane i norü yora napi̱xgu rüe̱xna nayu̱xgu, rü taxuxü̃táma taxütanü. Natürü ngẽxguma naxãtanüãcü paxaãchica̱x naxca̱x ítacaxgu, rü ngẽma natanüxica tátama nixĩ i ngẽma taxütanüxü̃.

1 Tesalonicenses 4:6

Rü tama name i texé tümaenexẽxü̃ tawomüxẽxẽ. Rü Tupana tá poraãcü tüxü̃ napoxcu ya guxãma ya yíxema ngẽmaãcü maxü̃́xe, yema marü pemaxã nüxü̃ tixuxü̃rüxü̃.

Ore i mexü̃ ga Luca ümatüxü̃ 3:13

Rü Cuáü̃ rü ñanagürü nüxü̃: —Tama name i ãẽ̱xgacü pemaxã nüxü̃ ixuxü̃arü yexera penayauxgü i diẽru i duü̃xü̃güxü̃tawa —ñanagürü.

Ucu̱xẽgüchiga 22:22

Tama name i tümagu quidauxcüraxü̃ ya yíxema ngearü diẽruã́xẽ nagagu nax tangearü diẽruã́xü̃. Rü tama name i ãẽ̱xgacüpe̱xewa tüxü̃ ícuyaxuaxü̃ ya yíxema tama nüxü̃ cuáxe nax tügü ítapoxü̃xü̃. Erü nüma ya Cori ya Tupana tá nixĩ ya tüxü̃ ípoxü̃cü, rü tá tüxü̃ napoxcu ya yíxema ngearü diẽruã́xẽgu idauxcüraxü̃xẽ. -2-

Lebítanüxü̃arü puracüchiga 6:3

Rü ngẽxgumarüxü̃ ta ega texé wüxi i togüarü ngẽmaxü̃ iyarütaxuxü̃ itayangauxgux rü ñu̱xũchi tama nüxü̃ tixuxgu nax nüxü̃ itayangauxü̃, rü chixexü̃ taxü. Rü ngẽxgumarüxü̃ ta ega natüca̱xma tümamücümaxã itaxügagu natürü tama tayangu̱xẽẽgu i ngẽma nüxü̃ tixuxü̃, rü chixexü̃ taxü.

Ínachoxü̃xü̃chiga 22:13

Rü ngẽxguma wüxi i ai yayaxu̱xgu i ngẽma naxü̃na rü yíxema norü dauruxü̃ ixĩxẽ rü name nax ítayangexü̃ i ngẽma ai íyaxüxẽẽxü̃ nax ngẽmaãcü norü yoraxü̃ tanawéxü̃ca̱x rü tama tanaxütanüxü̃ca̱x.

Ore i mexü̃ ga Matéu ümatüxü̃ 20:8

Rü yexguma marü nachütagu rü yema úbanecüarü yora, rü naxca̱x naca ga norü puracütanüxü̃arü dauruxü̃, rü ñanagürü nüxü̃: “¡Naxca̱x naca i ngẽma puracütanüxü̃. Rü nüxíra nüxü̃́ naxütanü i ngẽma wixwena ngéma ĩxü̃, rü nawa tá icuyacua̱xẽxẽ i ngẽma nüxíra ngéma puracüexü̃!” ñanagürü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:18

Erü Tupanaarü orewa rü ñanagürü: “Tama name i nüxna taxaü i ngẽma woca i tríguarü pu̱xwa puracüxü̃”, ñanagürü. Rü ñanagürü ta: “Wüxi i puracütanüxü̃ rü tanaxwa̱xe i nüxü̃́ nax naxütanüxü̃ i norü puracü”, ñanagürü i ngẽma Tupanaarü orewa.

Ínachoxü̃xü̃chiga 20:15

¡Rü taxũtáma cungĩ́ta̱a̱x!

Ínachoxü̃xü̃chiga 22:7

Rü ngẽxguma texé to i duü̃xü̃xü̃tagu namaxã nguxü̃gu i tümaarü diẽru rüe̱xna to i ngẽmaxü̃gü i tatanüxü̃, rü ngẽma duü̃xü̃patawa wüxi i ngĩ́xta̱xaxü̃ naxca̱x ngĩ̱xgu i ngẽma tümaarü ngẽmaxü̃gü, rü ngẽxguma nüxü̃ yangaugügu rü yayauxgüãgu i ngẽma ngĩ́ta̱xã́xü̃, rü name i nüma taxree̱xpü̱xcüna naxütanüãxü̃ i ngẽma naxca̱x nangĩ́xü̃.

Yox 17:5

Rü ngẽma duü̃xü̃gü i diẽruca̱x namücügüxü̃ íxuaxü̃güxü̃ rü tá nüxü̃ nadau nax nayuexü̃ i naxacügü.

Ucu̱xẽgüchiga 3:28

Tama name i moxü̃ca̱x ícunaxǘxüchi i ngẽma ngü̃xẽxẽ i ñu̱xma cuxü̃́ tauxchaxü̃ nax cunaxãxü̃.

Echequié 18:7

Rü tama tanachu̱xu ega texé tümaxü̃tawa diẽruca̱x ícaxgu rü aixcüma tanatáeguxẽxẽ i ngẽma naxchiru i tümaarü diẽruca̱x tüxna naxãgüxü̃. Rü taxúeãxü̃ma tangĩ̱x. Rü yíxema taiyaemaxã tangau i tümawemü, rü ñu̱xũchi tüxü̃ taxüchiru ya yíxema ngexchiruxe.

Echequié 22:12

Rü curü duü̃xü̃gütanüwa nangẽxma i duü̃xü̃gü i diẽruca̱x máetagüxü̃. Rü cuwa nangẽxma i duü̃xü̃gü i taxü̃ i üétüca̱x tüxna cagüxü̃ ya yíxema diẽruca̱x nüxna cagüxe. Rü ngẽmaãcü taxü̃ i chixexü̃ naxügü erü tüxü̃́ nangĩ̱x ya yíxema namücügü rü ngẽmagagu choxü̃ inarüngüma. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Lebítanüxü̃arü puracüchiga 25:14

Rü ngẽxguma texé toguxexü̃ namaxã taxegu i wüxi i naane rüe̱xna toguxe ya duü̃xẽaxü̃́ naaneca̱x tataxegu, rü tama name nax peyoxniegüxü̃ nax chixri penaxütanüxü̃ i tümaarü naane.

Lebítanüxü̃arü puracüchiga 25:17

Rü tama name i pegügu pidauxcüraxü̃gü. ¡Rü perü Cori ya Tupanaga pexĩnüe! Erü choma nixĩ i perü Cori ya Tupana chixĩxü̃.

Yox 7:2

Rü ñoma wüxi i mugüruxü̃ i ga̱u̱xetüxü̃wa yáxna rüngü̱̃xü̃rüxü̃ tixĩgü. Rü ñoma wüxi i puracütanüxü̃ i norü puracütanü i diẽru ínanguxẽẽxü̃rüxü̃ tixĩgü.