Lebítanüxü̃arü puracüchiga 19:11 - Tupanaarü Ore

¹¹ ¡Rü taxṹ i pengĩ́xü̃! ¡Rü taxṹ i pidoraexü̃! ¡Rü taxṹ i pegü pewomüxẽxẽgüxü̃!

Lebítanüxü̃arü puracüchiga 19:11 Referans Kwoze

Ínachoxü̃xü̃chiga 20:15

¡Rü taxũtáma cungĩ́ta̱a̱x!

Colosenses 3:9

Rü tama name i pegümaxã pidorae, erü marü ípenata̱x ga nũxcümaü̃xü̃ ga pecüma rü guxü̃ma ga yema chixexü̃gü ga ü̃pa pexügüxü̃.

Efesios 4:25

Rü ngẽmaca̱x i ñu̱xma nax Cristuarü pixĩgüxü̃ rü tama name nax pidorata̱a̱xgüxü̃. Natürü name nixĩ i wüxichigü rü tümamücümaxã aixcümaxü̃ tixu. Erü guxãma i yixema rü yigütanüxü̃ i yaxõgüxü̃ tixĩgü.

Wiyaegü 101:7

Rü ngẽma womüxẽẽwa̱xegüxü̃ rü tá nangechica i chopatawa. Rü taxuxü̃táma idorata̱xáxü̃ chauxü̃tawa nangẽxma.

Romanos 3:4

Rü tama ngẽmaãcü nixĩ. Erü woo guxü̃ i duü̃xü̃gü rü yadorata̱a̱xgügu, natürü Tupana rü taguma nidora rü guxü̃guma nayanguxẽxẽ i ngẽma nüma tamaxã inaxunetaxü̃. Rü yemaca̱x norü ore ga Dabí ümatüxü̃wa rü ñanagürü: “Cumax, Pa Tupanax, rü aixcüma nixĩ i curü ore i nüxü̃ quixuxü̃. Rü ngẽxguma cuxü̃ tangugügu rü nüxü̃ tadaugü nax aixcüma cuyanguxẽẽxü̃ i ngẽma nüxü̃ quixuxü̃”, ñanagürü.

Wenaxarü naxümatü ga Tupanaarü mugü 5:19

¡Rü taxũtáma cungĩ́ta̱a̱x!

Yema Cuáü̃ nüxü̃ dauxü̃ i yixcüra tá ngupetüxü̃chiga 21:8

Natürü ngẽma muü̃exü̃ rü ngẽma tama yaxõgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽxgumarüxü̃ ta i ngẽma aixwa̱xegüxü̃, rü ngẽma máetagüxü̃, rü ngẽma naxü̃nearü ngúchaü̃gu maxẽxü̃, rü ngẽma iyuüxü̃, rü ngẽma tupananetachicüna̱xãxü̃ icua̱xüü̃güxü̃, rü ngẽma idorata̱a̱xgüxü̃, rü nawa tá nawoü̃ ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü ngẽma nixĩ i poxcu i taguma iyacuáxü̃”, ñanagürü.

Efesios 4:28

Rü ngẽxguma texé petanüwa ngĩ́ta̱a̱xgu, rü name nixĩ i nüxü̃ tarüxo i ngẽma. Rü name i tümame̱xẽmaxã mea tapuracü nax ngẽmaãcü tüxü̃́ nangẽxmaxü̃ca̱x i tümaarü diẽru nax toguxe ya tüxü̃́ nataxúxemaxã tangauxü̃ca̱x.

Yeremía 6:13

Rü ñanagürü: —Guxü̃ma i ngẽma muarü diẽruã́xü̃ rü ngẽma noxrearü diẽruã́xü̃, rü nagu narüxĩnüe nax chixexü̃wa nayauxgüãxü̃ i diẽru. Rü guxü̃ma i ngẽma orearü uruü̃gü rü chacherdótegü rü duü̃xü̃güxü̃ nawomüxẽxẽ.

Wiyaegü 116:11

Rü chorü ĩ̱xãchiãẽgagu rü ñacharügü: —Guxü̃ma i duü̃xü̃gü rü nidorata̱a̱xgü —ñachagürü.

Ínachoxü̃xü̃chiga 22:7

Rü ngẽxguma texé to i duü̃xü̃xü̃tagu namaxã nguxü̃gu i tümaarü diẽru rüe̱xna to i ngẽmaxü̃gü i tatanüxü̃, rü ngẽma duü̃xü̃patawa wüxi i ngĩ́xta̱xaxü̃ naxca̱x ngĩ̱xgu i ngẽma tümaarü ngẽmaxü̃gü, rü ngẽxguma nüxü̃ yangaugügu rü yayauxgüãgu i ngẽma ngĩ́ta̱xã́xü̃, rü name i nüma taxree̱xpü̱xcüna naxütanüãxü̃ i ngẽma naxca̱x nangĩ́xü̃.

Ínachoxü̃xü̃chiga 22:1

Rü ngẽxguma chi texé naxca̱x ngĩ̱xgu i wüxi i woca rüe̱xna wüxi i carnéru, rü namaxã tataxegu rüe̱xna tayama̱xgu i ngẽma naxü̃na, rü name nax 5 i wocamaxã tanaxütanüxü̃ i ngẽma woca i naxca̱x tangĩ́xü̃. Rü ngẽxguma carnéru yixĩxgu i ngẽma naxca̱x tangĩ́xü̃ rü name nax 4 i carnérumaxã tanaxütanüxü̃.

Ínachoxü̃xü̃chiga 20:17

¡Rü taxũtáma cugüxü̃́ cunangúchaü̃xẽxẽ ya cumücüpata, rüe̱xna naxma̱x, rüe̱xna norü puracütanüxü̃, rüe̱xna naxü̃taxü̃, rüe̱xna norü wocagü, rüe̱xna norü búrugü, rü bai i ta̱xacü i noxrü ixĩxü̃! —ñanagürü ga Tupana.

Nüxíraxü̃xü̃ ga popera ga ãẽ̱xgacügüchiga 13:18

Natürü nüma ga guma yacü ga orearü uruxü̃ rü ñanagürü: —Choma rü ta cuxrüxü̃ orearü uruxü̃ chixĩ. Rü Cori ya Tupanaarü orearü ngeruxü̃ i daxũcüã̱x choxü̃ namu nax chauchiü̃wa cuxü̃ chagaxü̃ca̱x rü ngéma cuxü̃ nax chachibüxẽẽxü̃ca̱x, rü cuxü̃ nax chaxaxexẽẽxü̃ca̱x —ñanagürü. Natürü doramare nixĩ ga yema nüxü̃ yaxuxü̃ ga guma orearü uruxü̃ ga yacü.

Ínachoxü̃xü̃chiga 20:16

¡Rü taxũtáma doraxü̃ quixu i cumücüchiga!

Ínachoxü̃xü̃chiga 23:1

Rü tama name i doramaxã ícunapoxü̃ i ngẽma duü̃xü̃ i chixexü̃arü üruxü̃ i ngẽxguma ãẽ̱xgacü norü chixexü̃ca̱x nüxna caxgux.

Lebítanüxü̃arü puracüchiga 19:10

¡Rü taxṹ i guxü̃ma i úbagü cubuxuxü̃ i ngẽma curü úbanecüwa! Rü tama name nax cunadexü̃ i ngẽma úbagü i rüyixü̃. ¡Ẽcü yíxema ngearü diẽruã̱xgüxeca̱x rü ñu̱xũchi yíxema to i nachixü̃anecüã̱xgüca̱x ngéma yaxüxẽxẽ! Erü choma nixĩ i perü Cori ya Tupana chixĩxü̃.

2 Chamué 17:20

Rü yexguma yéma nangugügu ga Acharóü̃arü duü̃xü̃gü, rü yema ngecüna nacagü rü ñanagürügü: —¿Ngextá i nangẽxmagüxü̃ i Aimaá rü Yonatáü̃? —ñanagürügü. Rü ngĩma rü inangãxü̃ rü ngĩgürügü: —Nua nixĩ i nachopetüxü̃, rü natüwaama nixĩ i naxĩxü̃ —ngĩgürügü. Rü yexguma ga Acharóü̃arü duü̃xü̃gü rü naxca̱x nadaugü, natürü tama nüxü̃ inayangau. Rü yemaca̱x Yerucharéü̃ca̱x nawoegu.

Ucu̱xẽgüchiga 24:28

¡Taxṹ i ta̱xacürü chixexü̃ cumücüchiga quixuxü̃, rü taxṹ i dora nachiga quidexaxü̃!