Lebítanüxü̃arü puracüchiga 19:10 - Tupanaarü Ore

¹⁰ ¡Rü taxṹ i guxü̃ma i úbagü cubuxuxü̃ i ngẽma curü úbanecüwa! Rü tama name nax cunadexü̃ i ngẽma úbagü i rüyixü̃. ¡Ẽcü yíxema ngearü diẽruã̱xgüxeca̱x rü ñu̱xũchi yíxema to i nachixü̃anecüã̱xgüca̱x ngéma yaxüxẽxẽ! Erü choma nixĩ i perü Cori ya Tupana chixĩxü̃.

Lebítanüxü̃arü puracüchiga 19:10 Referans Kwoze

Ichaía 24:13

Rü ñoma oribu ibuxuxguwena rü noxretama natanüwa yaxügüxü̃rüxü̃, rü ñoma úba ega norü buxguwena naxca̱x idaugügu i ngẽma noxretama i natanüwa yaxügüxü̃rüxü̃ tá nixĩ nax noxretama i duü̃xü̃gü íyaxügüxü̃ nawa i ngẽma nachixü̃anegü i ñoma i naanewa ngẽxmagüxü̃.

Ichaía 17:6

Rü ngẽma noxretama i oribugü i ngéma yaxüxü̃rüxü̃acü tá nixĩ i ngẽma noxre i duü̃xü̃gü ya yima ĩanegüwa yaxǘgüxü̃. Rü norü buxwena rü ngẽma taxre rüe̱xna tomaepü̱x i oribuarü o i natanüpe̱xewa rüe̱xna ngẽma ãgümücü rüe̱xna wüxime̱e̱xpü̱x i nachacüüpe̱xewa yaxüxü̃rüxü̃ tá nixĩ. Rü Cori ya Tupana ya Iraétanüxü̃arü Tupana nixĩ ya ngẽma ñacü.

Lebítanüxü̃arü puracüchiga 25:6

Rü ngẽxguma inangü̃xgu i ngẽma naane, rü ngẽma nüechama nawa rüxügüxü̃ i nanetüarü o rü name i pema penangõ̱x. Rü ngẽxgumarüxü̃ tá ta ngẽma nangõ̱xgü i pexü̃taxü̃gü, rü perü puracütanüxü̃ rü duü̃xü̃gü i togü i nachixü̃anecüã̱x i petanügu pegüxü̃.

Miquéa 7:1

Rü choma i Miquéa rü ñoma ngẽma nanetügüarü buxgüwena nanetü tayadauxü̃rüxü̃ chixĩ. Rü taxuxü̃ma ichayangau i úbagü rü igugü i changṍxchaü̃chiréxü̃.

Abdía 1:5

Rü nüma ya Cori ya Tupana rü ñanagürü: —Ngẽxguma ngẽma ngĩ́ta̱xagüxü̃ rü chütacü curü ngẽmaxü̃ca̱x nangĩ̱xgügu, rü taxũchima guxü̃ma i curü ngẽmaxü̃güca̱x nangĩ̱xgü. Rü ngẽxguma cuanewa nangugügu i úbaarü oarü buxruü̃gü nax nabugüãxü̃ca̱x i curü úbaarü o rü tá ñuxretama i curü úbaarü oxya̱xa cuanewa nayaxüxẽẽgü. Natürü ngẽma curü uanügü rü ngẽxguma cuxca̱x íyaxüãchigu rü taxúexü̃táma ngéma nayaxüxẽxẽ.

Yeremía 49:9

Rü ngẽxguma nabuxgüãgu i úbagü rü ngéma nayaxügüxẽxẽ i ñuxre i úbaya̱xagü. Rü ngẽxguma chütacü ngéma naxĩxgu i ngĩ́ta̱xagüxü̃ rü tama guxü̃ma i ngẽma úbagüca̱x nangĩ̱xgü. Rü naxca̱x nangĩgü i ngẽma nanaxwa̱xegüxü̃xicatama.

Ãẽ̱xgacügü ga guxchaxü̃güarü mexẽxẽruü̃gü 8:2

Rü yexguma nüma ga Yedeóü̃ rü nanangãxü̃ rü ñanagürü: —¿Tama ẽ̱xna nüxü̃ pecua̱x nax yema choma chaxüxü̃arü yexera yixĩxü̃ ga yema pema pexügüxü̃? Pema nagu perüxĩnüe nax naxãũcümaxü̃ ga yema toma taxüxü̃ rü tama naxãũcümaxü̃ ga yema pema pexüxü̃. Natürü pemaxã nüxü̃ chixu rü yema toma taxüxü̃arü yexera nixĩ ga yema pema pexüxü̃.

Lebítanüxü̃arü puracüchiga 19:9

Rü ngẽxguma perü nanetügüarü buxgüwa nagu̱xgu, rü tama name nax guxü̃ma cubuxuxü̃ i ngẽma cuanewa ngẽxmaxü̃. ¡Rü taxṹ i guxü̃nema ya trigu ya ngéma yaxügüne cudexü̃!

Lebítanüxü̃arü puracüchiga 19:11

¡Rü taxṹ i pengĩ́xü̃! ¡Rü taxṹ i pidoraexü̃! ¡Rü taxṹ i pegü pewomüxẽxẽgüxü̃!

Lebítanüxü̃arü puracüchiga 23:22

Rü ngẽxguma perü nanetügüarü buxgüwa nanguxgu, rü tama name nax guxü̃ma cubuxuxü̃ i ngẽma cuanewa ngẽxmaxü̃. ¡Rü taxṹ i guxü̃nema ya trigu ya ngéma yaxügüne cudexü̃! ¡Ẽcü yíxema ngearü diẽruã̱xgüxeca̱x rü ñu̱xũchi yíxema to i nachixü̃anecüã̱xgüca̱x ngéma yaxüxẽxẽ! Erü choma nixĩ i perü Cori ya Tupana chixĩxü̃” —ñanagürü.

Wenaxarü naxümatü ga Tupanaarü mugü 24:19

Rü ngẽxguma peanewa tríguarü o pibuxu̱xgu, rü ngẽxma nüxü̃ perüngümagu i wüxicüta i trigu, rü tama name i naxca̱x cuyataegu rü cuyayaxu. Rü nüetama ngẽxma naxǘ nax wüxi ya duü̃xẽ ya to ya nachixü̃anecüã̱x ya petanüwa ngẽxmaxẽ, rüe̱xna wüxi ya taxcuta, rüe̱xna wüxi ya yutexe tügüxü̃́ nayaxuxü̃ca̱x. Rü ngẽxguma ngẽmaãcü penaxü̱xgu, rü nüma ya Cori ya perü Tupana rü tá pexü̃ narüngü̃xẽxẽ i guxü̃ma i perü puracüwa.

Wenaxarü naxümatü ga Tupanaarü mugü 24:20

Rü ngẽxguma perü oribuarü o pibuxgügu, rü tama name i wena nüxü̃ pidaugü i nachacüügü naxca̱x i norü o i ngéma yaxǘgüxü̃. Rü nüetama ngéma nangẽxmagü nax yíxema to i nachixü̃anecüã̱x ya petanüwa ngẽxmagüxe nabuxuxü̃ca̱x, rüe̱xna taxcutagü rüe̱xna yutegüxe nabuxuxü̃ca̱x.

Rux 2:2

Rü wüxi ga ngunexü̃gu ga Rux rü Noemíxü̃ ngĩgürügü: —Chebádachitaxü̃wa tá chaxũ, rü ngürüãchi ngẽxma tá nüxü̃ chayangau i wüxi i buxetatanüxü̃ i choxü̃ nadexẽẽxü̃ i ngẽma chebáda i nawe iyietanüxü̃ —ngĩgürügü. Rü yexguma ga Noemí rü ngĩgürügü ngĩxü̃: —Marü name Pa Chauxacüx. ¡Ẽcü ngéma naxũ rü naxü i ngẽma nüxü̃ quixuxü̃! —ngĩgürügü.

Lebítanüxü̃arü puracüchiga 11:44

Erü choma nixĩ i Cori ya perü Tupana chixĩxü̃. Rü pema rü name nax pengearü ãũãchiã́xü̃ rü pexüünegüxü̃ erü choma rü chaxüüne. Rü ngẽmaca̱x nixĩ i tama namexü̃ nax pegü namaxã pexãũãchixü̃ i ngẽma naeü̃gü i waixü̃müanegu naxtanecamaxã nügü itúchigüãcüma ixĩxü̃.

Lebítanüxü̃arü puracüchiga 19:25

Rü yimá norü wüxime̱e̱xpü̱x ya taunecügu tá nixĩ i marü namexü̃ nax penangṍxü̃ i ngẽma norü o. Rü ngẽmaãcü i ngẽma nanetü rü yexeraxacü tá namu i norü o. Erü choma nixĩ i perü Cori ya Tupana chixĩxü̃.

Wenaxarü naxümatü ga Tupanaarü mugü 24:21

Rü ngẽxguma perü úbaarü o pibuxgügu, rü tama name i wena nüxü̃ pidaugü i nachacüügü naxca̱x i norü o i ngéma yaxǘgüxü̃. Rü nüetama ngéma nangẽxmagü nax yíxema to i nachixü̃anecüã̱x ya petanüwa ngẽxmagüxe nabuxuxü̃ca̱x, rüe̱xna taxcutagü rüe̱xna yutegüxe tügüaxü̃́ nabuxgüxü̃ca̱x.