Rü ñanagürü ga Moiché: —Yema nixĩ ga mugü rü ucu̱xẽgü ga Cori ya Tupana choxü̃ muxü̃ nax pexü̃ changúexẽẽxü̃ca̱x nax nagu pexĩxü̃ca̱x nawa i ngẽma naane i tá pexna naxãxü̃.
Rü ngẽmaca̱x i pema i Iraétanüxü̃, rü ñu̱xũchi ngẽma to i nachixü̃anecüã̱x i petanügu ãpatagüxü̃ rü name nixĩ i aixcüma nagu pemaxẽxü̃ i chorü mugü rü chorü ucu̱xẽgü. ¡Rü taxṹ i penaxüxü̃ i bai i wüxi i ngẽma nacüma i poraãcü chixexü̃!
Rü yimá chorü duü̃ ya Dabítaxa tá nixĩ ya chorü duü̃xü̃güarü ãẽ̱xgacü ixĩcü. Rü nüxica tátama nixĩ i norü dauruxü̃ yixĩxü̃. Rü nümagü rü tá chauga naxĩnüe rü tá nagu namaxẽ i chorü mugü rü ucu̱xẽgü.
Rü yemaacü Tupana nüxü̃ narüngü̃xẽxẽ ga yema duü̃xü̃gü yerü nanaxwa̱xe nax nagu namaxẽxü̃ ga norü mugü rü nagu naxĩxü̃ ga norü ngu̱xẽẽtae ga nüma namaxã nüxü̃ yaxuxü̃. Rü name i Cori ya Tupanaxü̃ ticua̱xüü̃gü.
Rü chanaxwa̱xe i aixcüma nagu pexĩ i ngẽma chorü mugü rü chorü ucu̱xẽgü. Rü yíxema nagu maxü̃́xẽ rü tá tamaxü̃. Erü choma nixĩ i perü Cori ya Tupana chixĩxü̃.
¡Ẽcü aixcüma nagu namaxü̃ i ngẽma chorü mugü! ¡Rü taxũtáma natoraxü̃xü̃ i naeü̃güxü̃ cunaxüxacüxẽxẽ i ngẽma cuxü̃nagü! ¡Rü taxũtáma naguxü̃raxü̃ne i naxchiremaxã cunato i ngẽma cuane! ¡Rü taxũtáma nagu quicu̱x i ngẽma naxchiru i naguxü̃raxü̃ne i tüwa üxü̃!