Lebítanüxü̃arü puracüchiga 18:28 - Tupanaarü Ore

²⁸ Rü name i pegüna pedau nax tama ta̱xacürü chixexü̃ca̱x pexü̃ ínawoxü̃xü̃ i ngẽma naane, yema duü̃xü̃gü ga pexü̃pa nüxíra nawa maxẽxü̃ ínawoxü̃xü̃ruxü̃.

Lebítanüxü̃arü puracüchiga 18:28 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 3:16

Natürü ñu̱xma nax tama noxtacüma wüxi i duü̃xü̃ i chauxchi aixü̃ quixĩxü̃ rü tama noxtacüma wüxi i duü̃xü̃ i aixcüma choxü̃ ngechaü̃xü̃ nax quixĩxü̃, rü tá cuxü̃ chaxo.

Lebítanüxü̃arü puracüchiga 20:22

¡Rü aixcüma nagu pemaxẽ i ngẽma chorü mugü rü chorü ucu̱xẽgü! ¡Rü guxü̃ma pinguxẽxẽ! Rü ngẽmaãcü i ngẽma naane i nawa pexü̃ chagagüxü̃ nax nawa pemaxẽxü̃ca̱x, rü taxũtáma pexü̃ ínawoxü̃.

Lebítanüxü̃arü puracüchiga 18:25

Rü guxü̃ma ga yema naane rü nüxna naxüe i ngẽma chixexü̃gü ga duü̃xü̃gü ügüxü̃. Rü ngẽmaca̱x tá chanapoxcue i ngẽma duü̃xü̃gü naxca̱x i ngẽma chixexü̃ i ngẽma naanewa naxügüxü̃. Rü nümatama i ngẽma naane rü ínanawoxü̃ i ngẽma duü̃xü̃gü i nagu ãchiü̃güxü̃.

Echequié 36:17

—Pa Yatüx, yema Iraétanüxü̃ rü yexguma norü naanewa nayexmagügu, rü nacüma ga chixexü̃ ga nagu namaxẽxü̃maxã nanaxãũxãchigü ga yema norü naane. Rü yema nacüma ga nagu namaxẽxü̃ rü cha̱u̱xca̱x rü naxãũãchi rü nawa chanaxoxéga.

Romanos 8:22

Rü nüxü̃ tacua̱x rü ñaa naane rü guxü̃ma i nawa ngẽxmaxü̃ rü ñoma wüxi i nge i íxraxacüchaü̃cürüxü̃ poraãcü ngúxü̃ ninge ñu̱xmatáta nawa nangu i ngẽma ngunexü̃ i nagu Tupana wena nangexwacaxü̃xẽẽxü̃ i guxü̃ma.

Yeremía 9:19

Rü Chióü̃gu nüxü̃ taxĩnü i naga i duü̃xü̃gü nax aixta naxüexü̃ namaxã nax ngúxü̃ yangegüxü̃. Rü ñaãcü aixta naxüe: Taxü̃ i ngechaü̃wa tangexmagü erü tórü ĩane rü nachitaxü̃xica ínayaxü. Rü ngẽmaca̱x poraãcü taxãnee. Rü ñu̱xma i tórü uanügü rü tachixü̃anena to i nachixü̃anewa tá tüxü̃ nagagü. Rü tapatagü rü nachitaxü̃xica ngéma nayaxügü.

Echequié 36:13

Pa Ma̱xpǘnegüx, choma ya Cori ya Tupana rü pemaxã nüxü̃ chixu rü ñachagürü: —Duü̃xü̃gü nüxü̃ nixugü nax ípenagagüxü̃ ga nanegü ga daigu yuexü̃ rü yemaca̱x nagu̱x ga nanegü ga guma norü ĩanegü.

Lebítanüxü̃arü puracüchiga 18:27

Yerü guxü̃ma ga yema nacümagü ga chixexü̃gü rü nagu namaxẽ ga yema duü̃xü̃gü ga nüxíra yema naanegu ãpatagüxü̃. Rü yemaca̱x ga yema naane rü poraãcü nachixe.

Lebítanüxü̃arü puracüchiga 18:29

Rü yíxema naxǘxe i ngexü̃rüüxü̃ i ñaa chixexü̃, rü name nax wüxicana tüxü̃ ípeta̱xüchixü̃ i petanüwa.