Lebítanüxü̃arü puracüchiga 18:27 - Tupanaarü Ore

²⁷ Yerü guxü̃ma ga yema nacümagü ga chixexü̃gü rü nagu namaxẽ ga yema duü̃xü̃gü ga nüxíra yema naanegu ãpatagüxü̃. Rü yemaca̱x ga yema naane rü poraãcü nachixe.

Lebítanüxü̃arü puracüchiga 18:27 Referans Kwoze

Echequié 22:11

Rü nangẽxma i duü̃xü̃gü i namücüma̱xmaxã maxü̃xü̃, rüe̱xna naneã̱xmaxã maxü̃xü̃, rüe̱xna naeya̱xmaxã maxü̃xü̃.

Echequié 16:50

Rü guma ĩanegü rü nügü ínarütagü rü nanaxü ga yema chixexü̃ ga choma tama chanaxwa̱xexü̃ nax naxügüãxü̃. Rü yemaca̱x nixĩ ga choma ga ichayanaxoxẽxẽxü̃, yema nüxü̃ cudauxü̃ãcüma.

Norü taxre ga to ga popera ga ãẽ̱xgacügüchiga ümatüxü̃ 36:14

Rü yexgumarüxü̃ ta ga guxü̃ma ga Yudáanecüã̱xarü ãẽ̱xgacügü rü norü duü̃xü̃gü rü chacherdótegü rü ta, rü poraãcü chixri namaxẽ. Rü yema togü ga nachixü̃anegü ga tama Tupanaxü̃ cua̱xgüxü̃arü tupananetachicüna̱xãxü̃ nicua̱xüxü̃gü. Rü yemaacü chixexü̃ nawa naxügü ga guma Tupanapata ga taxü̃ne ga nüma ga Tupana nüxü̃ unetane nax napata yixĩxü̃ca̱x ga Yerucharéü̃wa.

Norü taxre ga popera ga ãẽ̱xgacügüchiga 21:2

Natürü yema Manaché üxü̃ rü Tupanape̱xewa tama name. Rü nagu namaxü̃ ga yema nacümagü ga chixexü̃ ga nagu naxĩxü̃ ga yema duü̃xü̃gü ga nüxíra yema naanewa yexmagüxü̃ ga Cori ya Tupana Iraétanüxü̃pe̱xewa íwoxü̃xü̃.

Norü taxre ga popera ga ãẽ̱xgacügüchiga 16:3

Rü nagu nixũ ga yema nacüma ga nüxíraxü̃güxü̃ ga Iraéanearü ãẽ̱xgacügü nagu ĩxü̃. Rü poraãcü chixexü̃ naxü, rü nawa nangu nax norü tupananetaca̱x wüxi ga nane tüxü̃ yaguxü̃. Rü yemaacü nagu nixũ ga yema nacümagü ga chixexü̃gü ga yema duü̃xü̃gü ga Tupana íwoxü̃xü̃ Iraétanüxü̃pe̱xewa.

Nüxíraxü̃xü̃ ga popera ga ãẽ̱xgacügüchiga 14:24

Rü guxü̃ma ga yema nachixü̃anewa rü nügürüü̃tama yatüxü̃gü nügümaxã namaxẽ. Rü yemaacü nüxü̃ nicua̱xüü̃gü ga norü tupananetachicüna̱xãgü. Rü yemaacü yema duü̃xü̃gü ga Yudátanüxü̃ rü naxca̱x nadauxü̃taegü ga nacüma ga yema togü ga nachixü̃anegüarü duü̃xü̃gü ga tama Tupanaxü̃ cua̱xgüxü̃ ga nüma ga Cori ya Tupana Iraétanüxü̃pe̱xewa íwoxü̃xü̃.

Wenaxarü naxümatü ga Tupanaarü mugü 27:15

“Ngẽma duü̃xü̃ i naxüxü̃ i wüxi i naxchicüna̱xã i nainaxca̱x rüe̱xna bróũchenaxca̱x, rü ñu̱xũchi wüxi i nachica i taxúema nüxü̃ ídauxü̃gu namaxã nguxü̃xü̃, rü ngẽma duü̃xü̃ rü Tupanape̱xewa rü poraãcü chixexü̃wa nangẽxma”. Rü ngẽxguma i guxü̃ma i duü̃xü̃gü rü: “Ngẽmaãcü yixĩ”, ñanagürügü tá.

Wenaxarü naxümatü ga Tupanaarü mugü 25:16

Erü nüma ya Cori ya Tupana rü tama namaxã nataãxẽ i ngẽma duü̃xü̃ i womüxẽẽwa̱xexü̃ rü chixri nangugüxü̃.

Wenaxarü naxümatü ga Tupanaarü mugü 23:18

Rü taxũtáma Tupanapatawa penange i diẽru i ngẽma nacüma i chixexü̃wa ne ũxü̃ nax ngẽmaãcü penaxütanüxü̃ca̱x i wüxi i uneta i Tupanamaxã pexüxü̃. Erü ngẽma nacüma rü Tupanape̱xewa rü poraãcü nachixe.

Lebítanüxü̃arü puracüchiga 18:24

¡Rü taxṹ i ngexü̃rüü̃xü̃ i ngẽma nacümagümaxã pegü pechixexẽẽxü̃! Erü ngẽma nacümagümaxã nixĩ ga nügü yachixexẽẽxü̃ i ngẽma duü̃xü̃gütücumügü i pepe̱xewa tá íchawoxü̃xü̃.

Ochéa 9:10

Rü Tupana rü ñanagürü: —Yexguma noxri Iraéxü̃ ichayangauxgu, rü poraãcü chataãẽxü̃chi ñoma wüxi i duü̃xü̃ i chianexü̃wa úbaxü̃ yangauxü̃rüxü̃. Rü ngẽma perü o̱xigü rü ñoma nüxíra i buxuxü̃ i igunecüarü orüxü̃ nixĩgü nax cha̱u̱xca̱x namexü̃. Natürü yexguma Baá-peúwa nangugügu rü yema tupananeta ga Baáxü̃ nicua̱xüü̃gü. Rü nügü nixãũãchi naxrüxü̃ i ngẽma naxchicüna̱xãgü i nüxü̃ nangechaü̃güxü̃.

Lebítanüxü̃arü puracüchiga 18:26

Rü ngẽmaca̱x i pema i Iraétanüxü̃, rü ñu̱xũchi ngẽma to i nachixü̃anecüã̱x i petanügu ãpatagüxü̃ rü name nixĩ i aixcüma nagu pemaxẽxü̃ i chorü mugü rü chorü ucu̱xẽgü. ¡Rü taxṹ i penaxüxü̃ i bai i wüxi i ngẽma nacüma i poraãcü chixexü̃!

Lebítanüxü̃arü puracüchiga 18:28

Rü name i pegüna pedau nax tama ta̱xacürü chixexü̃ca̱x pexü̃ ínawoxü̃xü̃ i ngẽma naane, yema duü̃xü̃gü ga pexü̃pa nüxíra nawa maxẽxü̃ ínawoxü̃xü̃ruxü̃.