Lebítanüxü̃arü puracüchiga 18:25 - Tupanaarü Ore

²⁵ Rü guxü̃ma ga yema naane rü nüxna naxüe i ngẽma chixexü̃gü ga duü̃xü̃gü ügüxü̃. Rü ngẽmaca̱x tá chanapoxcue i ngẽma duü̃xü̃gü naxca̱x i ngẽma chixexü̃ i ngẽma naanewa naxügüxü̃. Rü nümatama i ngẽma naane rü ínanawoxü̃ i ngẽma duü̃xü̃gü i nagu ãchiü̃güxü̃.

Lebítanüxü̃arü puracüchiga 18:25 Referans Kwoze

Lebítanüxü̃arü puracüchiga 18:28

Rü name i pegüna pedau nax tama ta̱xacürü chixexü̃ca̱x pexü̃ ínawoxü̃xü̃ i ngẽma naane, yema duü̃xü̃gü ga pexü̃pa nüxíra nawa maxẽxü̃ ínawoxü̃xü̃ruxü̃.

Yeremía 2:7

Rü choma nixĩ i ñaa naane i guxü̃ nawa rüxüxü̃wa chanagagüxü̃ nax yemaacü nangõ̱xgüãxü̃ca̱x ga nanetüarü ogü ga rümemaegüxü̃. Natürü i pema rü nua pexĩ rü chixexü̃ nawa pexügü i ñaa chorü naane rü ngẽmaãcü naxchi choxü̃ pexaixẽxẽ i ñaa naane i choxrü ixĩxü̃.

Yeremía 9:9

Rü ngẽmaca̱x i choma rü tá chanapoxcue i ngẽma duü̃xü̃gü naxca̱x i ngẽma chixexü̃ i chope̱xewa naxügüxü̃. Erü ngẽma poxcu nixĩ i nüxna üxü̃ naxca̱x i norü chixexü̃. Rü choma ya Cori ya Tupana rü chanaxuegu nax aixcüma tá chanaxüxü̃ i ngẽma” —ñanagürü.

Wiyaegü 106:38

Rü yemaacü yema Canaáü̃anearü tupananetagüca̱x tüxü̃ nadai ga guxema nanegü rü naxacüxegü ga taxuxü̃ma ga chixexü̃ ügüxe. Rü ñoma ga naane rü guma tümagümaxã naxãũãchi.

Ochéa 2:13

Rü tá chanapoxcue i ngẽma duü̃xü̃gü naxca̱x ga yema ngunexü̃gü ga nagu norü tupananeta ga Baáchicüna̱xãgüca̱x pumarate̱xe yagugüxü̃. Rü yexguma rü ãneramaxã rü nachagümaxã nügü ninga̱xãẽgü nax nüxü̃ yacua̱xüü̃güxü̃ca̱x ga yema norü tupananeta ga Baáchicüna̱xãgü. Rü yemaca̱x choxü̃ inarüngümae. Rü chomax ya Cori ya Tupana nixĩ i nüxü̃ chixuxü̃ i ngẽma —ñanagürü.

Yeremía 23:2

Rü nüma ya Cori ya Tupana rü ñanagürü nüxü̃ i ngẽma ãẽ̱xgacügü i Iraétanüxü̃maxã icuáxü̃: —Pema rü penawoone i chorü duü̃xü̃gü, rü penaxĩgüxẽxẽ rü tama aixcüma mea nüxna pedaugü. Dücax, ñu̱xma i choma rü ngẽma chixexü̃gü i pexügüxü̃ca̱ tá pexü̃ chapoxcue. Rü chomatama ya Cori ya Tupana nixĩ i pemaxã nüxü̃ chixuxü̃ i ngẽma.

Yeremía 16:18

Rü nawa tá ichanaxügü nax taxree̱xpü̱xcüna pexü̃ chapoxcuexü̃ naxca̱x i perü chixexü̃gü rü perü pecadugü. Erü penaxãũãchixẽxẽ i chorü naane namaxã i ngẽma perü tupananetachicüna̱xãgü i ingearü maxü̃ã́xü̃. Rü yema naane ga guxü̃guca̱x pexna chaxãxü̃wa rü penaxü ga yema chixexü̃gü ga naxchi chaxaixü̃ —ñanagürü ga Cori ya Tupana.

Yeremía 14:10

Rü nüma ya Cori ya Tupana rü ñanagürü nachiga i ngẽma Iraétanüxü̃: —Ñaa duü̃xü̃gü rü norü me nixĩ nax choxna yaxĩgachixü̃ naxca̱x i tupananetagü. Rü ngẽmaca̱x tama taãẽãcüma nüxü̃ chadawenü. Rü ñu̱xma rü tá nüxna chacua̱xãchi i norü pecadugü, rü tá nüxna chaca naxca̱x i norü chixexü̃ —ñanagürü.

Yeremía 5:29

Rü aixcüma guxü̃ma i ngẽma chixexü̃ i naxügüxü̃ca̱x tá chanapoxcue. Rü ñu̱xma rü tá chaxí chaxütanü naxca̱x nax choxna yaxĩgachixü̃ i ngẽma duü̃xü̃gü. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Yeremía 5:9

Rü aixcüma guxü̃ma i ngẽma chixexü̃ i naxügüxü̃ca̱x tá chanapoxcue. Rü ñu̱xma rü tá chaxí chaxütanü naxca̱x nax choxna yaxĩgachixü̃ i ngẽma duü̃xü̃gü.

Ichaía 26:21

Erü nüma ya Cori ya Tupana rü napatawa tá ínaxũxũ nax ñoma i naanecüã̱x i duü̃xü̃güxü̃ napoxcuexü̃ca̱x nagagu i norü pecadugü i nape̱xewa naxügüxü̃. Rü ñu̱xũchi ñoma i naane rü taxũtáma tüxü̃ nicu̱xgü ya yíxema nagu tüxü̃ nadaixe. Rü tá nango̱x i ngẽma máetagü ga ñoma ga naanewa naxügüxü̃.

Wenaxarü naxümatü ga Tupanaarü mugü 18:12

Erü ya Tupana rü naxchi naxai i ngẽma duü̃xü̃gü i ngẽma nacümagügu maxẽxü̃. Rü ngẽmaca̱x nixĩ ya Cori ya perü Tupana i pepe̱xewa tá ínawoxü̃ãxü̃ i ngẽma nachixü̃anecüã̱xgü, erü nümagü rü ngẽma nacüma i chixexü̃gu nixĩ i namaxẽxü̃.

Romanos 8:22

Rü nüxü̃ tacua̱x rü ñaa naane rü guxü̃ma i nawa ngẽxmaxü̃ rü ñoma wüxi i nge i íxraxacüchaü̃cürüxü̃ poraãcü ngúxü̃ ninge ñu̱xmatáta nawa nangu i ngẽma ngunexü̃ i nagu Tupana wena nangexwacaxü̃xẽẽxü̃ i guxü̃ma.

Ochéa 9:9

Rü ngẽma perü chixexü̃gü rü nataxüchi naxrüü̃tama ga yema Guibeáwa ngupetüxü̃. Natürü Tupana rü taxũtáma nüxü̃ narüngüma i ngẽma perü chixexü̃gü rü perü pecadugü rü ngẽmaca̱x tá pexü̃ napoxcue —ñanagürü.

Ichaía 24:5

Rü ngẽma duü̃xü̃gü i nawa maxẽxü̃ i ñoma i naane rü chixexü̃maxã nanapáxẽẽgü, erü tama nayanguxẽẽgü i Tupanaarü mugü, rü tama naga naxĩnüe i norü ucu̱xẽgü. Rü woo Tupanamaxã nüxü̃ nixugüe nax guxü̃gutáma yanguxẽẽgüãxü̃ ga yema uneta ga Tupanamaxã naxügüxü̃, natürü tama aixcüma nayanguxẽẽgü.

Wiyaegü 89:32

rü aixcüma tá chanapoxcue nagagu nax tama chauga naxĩnüexü̃ rü poraãcü tá nüxna chanacuaixca.

Wenaxarü naxümatü ga Tupanaarü mugü 9:5

Rü tama nixĩ i perü mexü̃gagu rü bai nax mea pemaxẽxü̃gagu tá yixĩxü̃ i peyapu̱xü̃ i ngẽma naane. Rü nüma ya Cori ya Tupana rü ngẽma duü̃xü̃güarü chixexü̃gügagu tá nixĩ i pepe̱xewa ínawoxü̃ãxü̃ nax ngẽmaãcü yanguxẽẽãxü̃ca̱x ga yema uneta ga nũxcümaü̃güxü̃ ga perü o̱xigü ga Abraáü̃, rü Ichaá, rü Acóbumaxã nüxü̃ yaxuxü̃.

Ochéa 8:13

Rü nümagü rü norü me nixĩ nax ãmare cha̱u̱xca̱x nada̱i̱xü̃ rü nax nangõ̱xgüãxü̃ i namachi i ngẽma naxü̃nagü i cha̱u̱xca̱x ínaguxü̃. Natürü i choma ya Cori ya Tupana rü tama namaxã chataãxẽ. Rü choma rü nüxü̃ chacua̱x i ngẽma norü pecadugü, rü ngẽmaca̱x tá chanapoxcue rü wena táxarü Equítuanecüã̱xgüme̱xẽwa chanangexmagüxẽxẽ.

Lebítanüxü̃arü puracüchiga 18:26

Rü ngẽmaca̱x i pema i Iraétanüxü̃, rü ñu̱xũchi ngẽma to i nachixü̃anecüã̱x i petanügu ãpatagüxü̃ rü name nixĩ i aixcüma nagu pemaxẽxü̃ i chorü mugü rü chorü ucu̱xẽgü. ¡Rü taxṹ i penaxüxü̃ i bai i wüxi i ngẽma nacüma i poraãcü chixexü̃!

Nüxíraxü̃xü̃ ga popera ga ãẽ̱xgacügüchiga 21:26

Rü nüma ga Acáx rü poraãcü Tupanape̱xewa chixexü̃ naxü ga yexguma yema tupananetachicüna̱xãxü̃ yacua̱xüxü̃gü naxrüxü̃ ga yema Amoréutanüxü̃ ga Cori ya Tupana Iraétanüxü̃tanüwa íwoxü̃xü̃.

Édra 9:11

Rü gumá curü orearü uruü̃gü ga curü ngü̃xẽẽruü̃gü ixĩgücüwa rü nũxcüma tomaxã nüxü̃ quixu nax yema nachixü̃ane ga nagu tachocuxü̃ rü tayapuxü̃, rü yémacüã̱x ga duü̃xü̃güarü chixexü̃maxã nayapa, rü yema chixexü̃ ga nacümagu nawa namaxẽ.