Lebítanüxü̃arü puracüchiga 18:24 - Tupanaarü Ore

²⁴ ¡Rü taxṹ i ngexü̃rüü̃xü̃ i ngẽma nacümagümaxã pegü pechixexẽẽxü̃! Erü ngẽma nacümagümaxã nixĩ ga nügü yachixexẽẽxü̃ i ngẽma duü̃xü̃gütücumügü i pepe̱xewa tá íchawoxü̃xü̃.

Lebítanüxü̃arü puracüchiga 18:24 Referans Kwoze

Wenaxarü naxümatü ga Tupanaarü mugü 18:12

Erü ya Tupana rü naxchi naxai i ngẽma duü̃xü̃gü i ngẽma nacümagügu maxẽxü̃. Rü ngẽmaca̱x nixĩ ya Cori ya perü Tupana i pepe̱xewa tá ínawoxü̃ãxü̃ i ngẽma nachixü̃anecüã̱xgü, erü nümagü rü ngẽma nacüma i chixexü̃gu nixĩ i namaxẽxü̃.

Lebítanüxü̃arü puracüchiga 18:30

Rü ngẽmaca̱x name i aixcüma nagu pemaxẽ i ngẽma chorü mugü. ¡Rü taxṹ i nagu peyi i ngẽma nacümagü i chixexü̃ ga yema pexü̃pa nüxíra ngẽma naanewa maxẽxü̃ ügüxü̃! ¡Rü taxṹ i ngẽmamaxã pegü pexãũãchixẽxẽxü̃! Erü choma nixĩ i perü Cori ya Tupana chixĩxü̃” —ñanagürü ga Cori ya Tupana.

1 Corintios 3:17

Rü ngẽxguma texé Tupanapata chixexẽẽgu, rü Tupana tá tüxü̃ napoxcu, erü Tupanapata ya nawa namaxü̃ne rü naxüüne. Rü pematama nixĩ ya yimá Tupanapata nax pixĩgüxü̃.

Yeremía 44:4

Rü muẽ̱xpü̱xcüna petanüwa chanamu ga chorü orearü uruü̃gü nax pemaxã nüxü̃ yaxugüexü̃ca̱x nax tama penaxügüxü̃ca̱x ga yema chixexü̃gü i ãũãchixü̃gü i poraãcü naxchi chaxaixü̃.

Wenaxarü naxümatü ga Tupanaarü mugü 12:31

Rü tama name nax ngẽma duü̃xü̃gü naxüxü̃rüxü̃ penaxü i ngẽxguma Cori ya Tupanaxü̃ picua̱xüü̃gügu. Erü nüma ya Cori ya Tupana rü nüxü̃́ nawa̱xtümüxü̃ i ngẽma chixexü̃ i naxügüxü̃ i ngẽma duü̃xü̃gü i ngẽxguma norü tupananetaxü̃gü yacua̱xüü̃gügu. Rü nümagü rü norü tupananetagüca̱x tüxü̃ nigu ga naxacügü.

Lebítanüxü̃arü puracüchiga 18:3

“Pema i Iraétanüxü̃ rü noxri Equítuanewa pemaxẽ, natürü tama chanaxwa̱xe nax nagu pexĩxü̃ i nacümagü i ngẽma Equítuanecüã̱x. Rü Canaáü̃anewa tá pexü̃ chagagü, natürü tama chanaxwa̱xe nax nagu pexĩxü̃ i nacümagü rü norü mugü i ngẽma Canaáü̃cüã̱x.

Naanearü ügüchiga 15:16

Rü ngẽxguma 400 ya taunecüguwena rü cutaagü rü tá ñaa naaneca̱x nawoegu. Erü ngẽma duü̃xü̃gü i Amoréutanüxü̃ i ñu̱xma ñaa naanegu ãchiü̃güxü̃ rü taxũta nangupetüxüchi i ngẽma norü chixexü̃ nax chanapoxcuexü̃ca̱x —ñanagürü ga Tupana.

Iraétanüxü̃arü muxchiga 35:34

¡Rü taxũtáma chixexü̃maxã peyapaxẽẽxü̃ i ngẽma naane i nawa tá pemaxẽxü̃ rü nawa choma rü tá ta chamaxü̃! Erü choma ya Cori ya Tupana rü natanüwa chamaxü̃ i ngẽma Iraétanüxü̃” —ñanagürü ga Tupana.

Wenaxarü naxümatü ga Tupanaarü mugü 9:4

Rü ngẽxguma Cori ya Tupana pepe̱xewa ínawoxü̃gu i ngẽma duü̃xü̃gütücumügü ¡rü taxṹ i pegü picua̱xüü̃güxü̃ rü ñapegügüxü̃: “Ngẽma nax timexü̃gagu nixĩ ya Cori ya Tupana toxna naxããxü̃ i ngẽma naane”, ñapegügüxü̃. Rü pemaxã nüxü̃ chixu rü nüma ya Cori ya Tupana rü tá ngẽma duü̃xü̃güxü̃ ínawoxü̃ nagagu i norü chixexü̃gü.

Édra 9:1

Rü yemawena ga yema Iraétanüxü̃arü ãẽ̱xgacügü ga marü nüxíra Yerucharéü̃wa ngugüxü̃ rü cha̱u̱xca̱x naxĩ rü chomaxã nüxü̃ nayarüxugüe rü ñanagürügü: —Muxü̃ma i ngẽma tatanüxü̃ i Iraétanüxü̃ ga nüxíra tomaxã woeguxü̃, rü woo chacherdótegü rü Lebítanüxü̃ rü tama nügüxü̃́ nüxü̃ naxoo̱xgü i nacümagü i chixexü̃gü i nagu naxĩxü̃ i ngẽma togü i duü̃xü̃gü i nua tórü naanegu yaxãchiü̃güxü̃. Rü ngẽma tatanüxü̃ rü woo poraãcü Tupanape̱xewa nachixe nax ngẽma togücümagu naxĩxü̃, natürü nagu naxĩãma i nacümagü i ngẽma Canaáü̃tanüxü̃ rü Itítanüxü̃, rü Ferechéutanüxü̃, rü Yebuchéutanüxü̃, rü Amóü̃tanüxü̃, rü Moátanüxü̃, rü Equítuanecüã̱xgü, rü Amoréutanüxü̃.

Wiyaegü 106:39

Rü yemaacü ga yema duü̃xü̃gü rü Tupanape̱xewa yexeraxü̃ ga chixexü̃ naxügü ga yexguma yema tupananetagüwe naxĩxgu.

Wenaxarü naxümatü ga Tupanaarü mugü 9:5

Rü tama nixĩ i perü mexü̃gagu rü bai nax mea pemaxẽxü̃gagu tá yixĩxü̃ i peyapu̱xü̃ i ngẽma naane. Rü nüma ya Cori ya Tupana rü ngẽma duü̃xü̃güarü chixexü̃gügagu tá nixĩ i pepe̱xewa ínawoxü̃ãxü̃ nax ngẽmaãcü yanguxẽẽãxü̃ca̱x ga yema uneta ga nũxcümaü̃güxü̃ ga perü o̱xigü ga Abraáü̃, rü Ichaá, rü Acóbumaxã nüxü̃ yaxuxü̃.

Ãẽ̱xgacügü ga guxchaxü̃güarü mexẽxẽruü̃gü 20:5

Natürü yematama chütaxü̃gu rü guma ĩpata ga nawa chayexmanewa naxĩ ga ñuxre ga guma ĩanecüã̱x, rü nüxü̃ ínachomaeguãchi nax choxü̃ yama̱xgüxü̃ca̱x. Natürü ngĩxü̃ niyauxgü ga cho̱xma̱x rü ngĩmaxã namaxẽ rü ñu̱xmata ngĩxü̃ yama̱xgü.

Ãẽ̱xgacügü ga guxchaxü̃güarü mexẽxẽruü̃gü 20:6

Rü yexguma ga choma rü chanayaxu ga ngĩxĩne rü 12 gu ichanachexü̃gü. Rü guxü̃ma ga Iraétanüxü̃arü naanewa chanamu ga ngĩmachi nax ngẽmaãcü nüxü̃ nacua̱xgüxü̃ca̱x i guxü̃ma i Iraétanüxü̃ ga yema máeta ga poraãcü chixexü̃ ga naxügüxü̃ ga Bẽyamíü̃tanüxü̃.

Ãẽ̱xgacügü ga guxchaxü̃güarü mexẽxẽruü̃gü 20:10

Rü guxü̃ma i tórü churaragütücumüwa rü ngẽma 100 chigü i churaragütanüwa rü tá nüxü̃ taxuneta i 10 i yatügü nax õnaca̱x nadaugüxü̃ naxca̱x i churaragü. Rü ngẽma 1,000 chigü i churaragütanüwa rü tá nüxü̃ taxuneta i 100 i yatügü nax õnaca̱x nadaugüxü̃. Rü ngẽma 10,000 chigü i churaragütanüwa rü tá nüxü̃ taxuneta i 1,000 i yatügü nax õnaca̱x nadaugüxü̃. Rü ngẽma togü i churaragü rü tá inaxĩãchi nax Guibeácüã̱xü̃ yadaixü̃ naxca̱x ga yema máeta ga chixexü̃chixü̃ ga naxügüxü̃ nua Iraétanüxü̃arü naanewa —ñanagürügü.

Norü taxre ga to ga popera ga ãẽ̱xgacügüchiga ümatüxü̃ 33:2

Natürü yema naxüxü̃ rü Tupanape̱xewa rü poraãcü nachixe, yerü nagu nixũ ga yema nacümagü ga chixexü̃gü ga nagu naxĩxü̃ ga yema nachixü̃anegü ga Cori ya Tupana Iraétanüxü̃arü o̱xigüpe̱xewa íwoxü̃xü̃.

Echequié 36:17

—Pa Yatüx, yema Iraétanüxü̃ rü yexguma norü naanewa nayexmagügu, rü nacüma ga chixexü̃ ga nagu namaxẽxü̃maxã nanaxãũxãchigü ga yema norü naane. Rü yema nacüma ga nagu namaxẽxü̃ rü cha̱u̱xca̱x rü naxãũãchi rü nawa chanaxoxéga.