Lebítanüxü̃arü puracüchiga 18:21 - Tupanaarü Ore

²¹ ¡Rü taxṹ i tupananeta i Molóxarü ãmareca̱x cuyaguxü̃ ya wüxi ya cune! ¡Rü taxṹ i ngẽmamaxã choxü̃ cunuxẽxẽxü̃! Erü choma nixĩ i Iraétanüxü̃arü Tupana chixĩxü̃.

Lebítanüxü̃arü puracüchiga 18:21 Referans Kwoze

Wenaxarü naxümatü ga Tupanaarü mugü 12:31

Rü tama name nax ngẽma duü̃xü̃gü naxüxü̃rüxü̃ penaxü i ngẽxguma Cori ya Tupanaxü̃ picua̱xüü̃gügu. Erü nüma ya Cori ya Tupana rü nüxü̃́ nawa̱xtümüxü̃ i ngẽma chixexü̃ i naxügüxü̃ i ngẽma duü̃xü̃gü i ngẽxguma norü tupananetaxü̃gü yacua̱xüü̃gügu. Rü nümagü rü norü tupananetagüca̱x tüxü̃ nigu ga naxacügü.

Lebítanüxü̃arü puracüchiga 19:12

¡Rü taxũtáma chauégagu natüca̱xma texémaxã icuxuneta! Erü ngẽxguma ngẽmaãcü cunaxü̱xgu rü cunachixexẽxẽ i naéga ya curü Tupana. Rü choma nixĩ ya Iraétanüxü̃arü Cori ya Tupana.

Wenaxarü naxümatü ga Tupanaarü mugü 18:10

Rü tama name i texé i petanüwa rü tümaxacüxü̃ itamu nax ngẽma duü̃xü̃güarü tupanaca̱x tayaguxü̃, rü bai i nagu tixũxü̃ i ngẽma nawa nüxü̃ icuáxü̃ i ngẽma ẽxü̃guxü̃, rü bai i nagu tixũxü̃ nax tayuüxü̃, rü bai i nagu tixũxü̃ nax toguxexü̃ tachixexẽẽxü̃.

Lebítanüxü̃arü puracüchiga 22:32

¡Rü taxṹ i chauéga i üünexü̃chiga chixri pidexagüxü̃! Rü ngẽmaãcü i ngẽma Iraétanüxü̃ rü tá nüxü̃ nacua̱x nax aixcüma chaxüünexü̃ i chomax. Rü choma nixĩ ya Cori ya Tupana ga pexü̃ chaxunetaxü̃ nax chorü puracü i üünexü̃ pexügüxü̃ca̱x.

Ngechuchuarü ngúexü̃gü ga yamugüxü̃arü puracüchiga 7:43

Natürü ga pemax, rü ngextá ípexĩxü̃wa rü ípeyangeetanü ga napata ga yema tupananeta ga Molóx rü yema tupananeta ga Refáü̃arü woramacurichicüna̱xã. Rü yemaacü pegüwe ípenangeexü̃ ga yema tupananetachicüna̱xãgü ga pematama pexügüxü̃ nax nüxü̃ picua̱xüü̃güxü̃ca̱x. Rü ngẽmaca̱x i ñu̱xma rü perü naanewa tá pexü̃ íchawoxü̃ rü yáxü̃wa i Babiróniaanearü yexerawa tá pexü̃ chamugü”, ñanagürü ga yema orearü uruü̃güpanewa.

Maraquía 1:12

Natürü i pema rü choxü̃ pinuxẽxẽ erü tama nüxü̃ pengechaxü̃ i ngẽma chorü ãmarearü guruxü̃ i chorü mecha ixĩxü̃. Rü ngẽmaca̱x i ãmare i tama mexü̃ cha̱u̱xca̱x nawa pigugü.

Yeremía 19:5

Rü naétü ãmarearü guruü̃gü naxügü nax yemawa naxacüxe tüxü̃ ínagu naxca̱x ga tupananeta ga Baá. Rü ngẽma nacüma i chixexü̃ rü tama choma chanamu nax naxügüã̱xü̃ca̱x rü taguma namaxã nüxü̃ chixu rü bai i ñuxgu chauãẽwa ínanguxü̃ ga yema.

Nüxíraxü̃xü̃ ga popera ga ãẽ̱xgacügüchiga 11:33

Erü nüma i Charomóü̃ rü choxü̃ ínata̱x rü Chidóü̃cüã̱xarü tupananeta i Ataréxü̃ nicua̱xüxü̃. Rü nüxü̃ nicua̱xüxü̃ i Moácüã̱xarü tupananeta i Quemó. Rü ngẽxgumarüxü̃ ta nüxü̃ nicua̱xüxü̃ i Amóü̃cüã̱xarü tupananeta i Mícoü̃. Rü ngẽma Charomóü̃ üxü̃ rü tama namaxã chataãxẽ erü tama nayanguxẽxẽ i ngẽma chorü mugü. Rü tama nanatü ga Dabí ga chauga ĩnücürüxü̃ nixĩ.

Nüxíraxü̃xü̃ ga popera ga ãẽ̱xgacügüchiga 11:7

Rü yemaca̱x ga Charomóü̃, rü guma ma̱xpǘne ga Yerucharéü̃arü éstewaama yexmanegu nanaxü ga wüxi ga ngutaque̱xepataxü̃ naxca̱x ga Quemó ga Moácüã̱xgüarü tupanachicüna̱xã ga buxe naxca̱x tüxü̃ yagugüxü̃. Rü yexgumarüxü̃ ta nanaxü naxca̱x ga Molóx, ga Amóü̃tanüxü̃arü tupanachicüna̱xã ga buxe naxca̱x tüxü̃ yagugüxü̃ ta.

Lebítanüxü̃arü puracüchiga 22:2

—Aróü̃maxã rü nanegümaxã rü nataagümaxã nüxü̃ ixu rü name nax mea namaxã inacua̱xgüxü̃ i ngẽma ãmaregü i üünegüxü̃ i Iraétanüxü̃ choxna ãgüxü̃, nax taxúxema chixri chauchiga idexagüxü̃ca̱x. Erü choma nixĩ i perü Cori ya Tupana chixĩxü̃.

Amúx 5:26

Natürü peyanaama ta ga yema perü tupananetachicüna̱xãgü ga Chicúx rü woramacurichicüna̱xã ga Quiyú ga pematama pexüxü̃ nax nüxü̃ picua̱xüü̃güxü̃ca̱x. Rü ñu̱xma rü ta rü ngẽmaãcü penaxü.

Echequié 23:37

Rü ngĩma rü choxna iyangeãxẽ rü imáetagü rü ngẽmaca̱x nagümaxã iyaxãũãchime̱xẽ. Rü choxna iyaxĩgachi nax nüxü̃ yacua̱xüü̃güxü̃ca̱x ga ngĩrü tupananetachicüna̱xãgü. Rü yema ngĩrü tupananetagüca̱x tüxü̃ íigu ga guxema chauxacügü rü chaunegü ga ngĩwa choxü̃́ yexmagüxe.

Echequié 20:31

Rü pemax rü ñu̱xma rü ta ngẽma tupananetachicüna̱xãgüca̱x peyagu i perü ãmaregü rü peyagu i penegü. Rü ngẽmaãcü ngẽma naxchicüna̱xãgümaxã pegü pixãũãchiama. ¿Rü ngẽmaãcü chitama, Pa Iraétanüxü̃x, i penaxwaxexü̃ nax choxna peyacagüxü̃? Rü choma ya Cori ya Tupana rü chauégagu pemaxã nüxü̃ chixu rü tama chanaxwa̱xe nax choxna peyacagüxü̃.

Yeremía 7:31

Rü naétü ga yema chixexü̃ ga naxügüxü̃, rü Ben-inóü̃arü doxonexü̃gu ga Tópegu rü norü tupananetaca̱x nanaxügü ga wüxi ga ãmarearü guruxü̃ nax yéma nanegü rü naxacügü tüxü̃ ínaguxü̃ca̱x. Rü choma rü tama chanamu nax yema naxügüxü̃, rü bai ga chorü ĩnüwa nagu charüxĩnüxü̃.

Norü taxre ga popera ga ãẽ̱xgacügüchiga 23:10

Rü nüma ga Yochía rü yexgumarüxü̃ ta nagu napogü ga yema guruxü̃ ga buxegü nawa tüxü̃ ínaguxü̃ ga Ben-inóü̃arü doxonexü̃wa yexmaxü̃. Rü yemaacü nanaxü nax taxuxü̃ma yema tupananeta ga Molóxca̱x naxacüxü̃ rüe̱xna nanexü̃ yéma ínagugüxü̃ca̱x.

Norü taxre ga popera ga ãẽ̱xgacügüchiga 21:6

Rü naétü nanetama tüxü̃ nigu nawa ga wüxi ga yema tupananetachicüna̱xãarü ãmarearü guruxü̃. Rü nagu namaxü̃ ga yuü ga naãẽgümaxã nawa yadexaxü̃, rü yuü ga nawa nüxü̃ icuáxü̃ ga ẽxü̃guxü̃. Rü duü̃xü̃gümaxã nanaxunagü nax nangúexü̃ca̱x ga yuü rü nax nangúexü̃ca̱x nax ñuxãcü duü̃xẽxü̃ nachixexẽẽgüxü̃. Rü yemaacü poraãcü chixexü̃ naxü ga Tupanape̱xewa rü poraãcü Tupanaxü̃ nanuxẽxẽ.

Norü taxre ga popera ga ãẽ̱xgacügüchiga 16:3

Rü nagu nixũ ga yema nacüma ga nüxíraxü̃güxü̃ ga Iraéanearü ãẽ̱xgacügü nagu ĩxü̃. Rü poraãcü chixexü̃ naxü, rü nawa nangu nax norü tupananetaca̱x wüxi ga nane tüxü̃ yaguxü̃. Rü yemaacü nagu nixũ ga yema nacümagü ga chixexü̃gü ga yema duü̃xü̃gü ga Tupana íwoxü̃xü̃ Iraétanüxü̃pe̱xewa.

Lebítanüxü̃arü puracüchiga 21:6

Rü ngẽma chacherdótegü rü name nax aixcüma Tupanana nügü naxãgüxü̃ rü nügüna nadaugüxü̃ nax tama naxãũãchigüãxü̃ca̱x i Tupanaéga. Erü nümagü nixĩ i Tupanana naxãgüãxü̃ i ãmaregü i igugüxü̃ rü paũ i Tupanaca̱x ixĩxü̃, rü ngẽmaca̱x name nax guxü̃guma Tupanape̱xewa nügüna nadaugüxü̃ nax tama yaxãũãchigüxü̃ca̱x.

Romanos 2:24

Rü ngẽmaca̱x i Tupanaarü ore i ümatüxü̃wa rü ñanagürü: “Rü pegagu nixĩ nax chixri Tupanachiga yadexagüxü̃ i ngẽma duü̃xü̃gü i tama Yudíugü ixĩgüxü̃”, ñanagürü.

Norü taxre ga to ga popera ga ãẽ̱xgacügüchiga ümatüxü̃ 28:3

Rü doxonexü̃ ga Ben-inóü̃wa Baáca̱x ínanagu ga pumarate̱xegü. Rü ñu̱xũchi Baáca̱x tüxü̃ ínagu ga naxacügü. Rü yemaacü nagu nixũ ga yema nacümagü ga chixexü̃ ga nagu naxĩxü̃ ga yema duü̃xü̃gü ga nüxíra yema naanewa maxẽxü̃ ga Cori ya Tupana ü̃pa Iraétanüxü̃pe̱xewa íwoxü̃xü̃.

Yeremía 32:35

Rü yexgumarüxü̃ ta Ben-inóü̃arü doxonexü̃gu nanaxügü ga Baáxarü ãmarearü guruü̃gü nax yemawa tupananeta ga Molóxca̱x tüxü̃ ínaguxü̃ca̱x ga nanegü rü naxacügü. Rü yemaacü Yudátanüxü̃güxü̃ napecaduã̱xẽẽgü ga yexguma naxügüãgu ga yema chixexü̃ ga poraãcü naxchi chaxaixü̃ ga taguma namaxã nüxü̃ chixuxü̃ nax naxügüã̱xü̃ca̱x rü bai ñuxgu nagu charüxĩnüxü̃.

Echequié 20:26

Rü choma rü chanayexrü nax norü tupananetagüca̱x tüxü̃ ínagugüxü̃ca̱x ga guxema nanegü ga rüyamaegüxe. Rü yemaacü chanayexrü nax nügünatama ngechaü̃ naxãgüxü̃ca̱x rü nüxna nacua̱xãchiexü̃ca̱x nax choma yixĩxü̃ ya Cori ya norü Tupana —ñanagürü.

Miquéa 6:7

¿Rü tá nataãẽxü̃ ya Cori ya Tupana ega ngẽxguma 1,000 i carnérugü naxca̱x íchaguxgu rüe̱xna 10,000 natügü i chíxü̃ naxca̱x chiguxgu? ¿Rü tá nataãẽxü̃ ega ngẽxguma chorü chixexü̃gagu naxca̱x chayaguxgu ya yimá chaune ya yacü?

Lebítanüxü̃arü puracüchiga 24:15

¡Iraétanüxü̃maxã nüxü̃ ixu i ñaa chorü ore!: “Ngẽma chauégamaxã chixexü̃ ixugüxü̃, rü ngẽma norü pecadugagu tá nutamaxã ínanamuxũchigü i guxü̃ma i ngẽma ĩanecüã̱x i duü̃xü̃gü ñu̱xmata nayu̱x. Rü woo chi to i nachixü̃anecüã̱x yixĩxgu rüe̱xna wüxi i Iraéanecüã̱x yixĩxgu i chauégamaxã chixexü̃ ixugüxü̃, rü yu tá namaxã pexuegugü.

Norü taxre ga popera ga ãẽ̱xgacügüchiga 17:31

Rü yema Abáanecüã̱xgü rü yema namaxã natupanaã̱xgüxü̃ ga Nibáchicüna̱xã rü Tataxchicüna̱xã naxügü. Rü yema Cheparabaíü̃anecüã̱xgü rü naxacüxegü tüxü̃ ínagu nape̱xewa ga norü tupananetachicüna̱xãgü ga Adramérex rü Anamérex.

Amúx 2:7

Rü chixri namaxã pecua̱xgü i ngẽma chixeparagüxü̃. Rü tama tümaétüwa pidexagü ya yíxema taxuxü̃ma tüxü̃́ ngẽxmagüxe. Rü ngẽma papa rü ngẽma nane rü wüxitama i ngexü̃maxã namaxẽ. Rü ngẽmaãcü penaxãũãchixẽxẽ i chauéga i üünexü̃.