Lebítanüxü̃arü puracüchiga 18:20 - Tupanaarü Ore

²⁰ ¡Rü taxṹ i cumücü naxma̱xmaxã cupexü̃ rü cuxunearü ngúchaü̃ ngĩmaxã cuxüxü̃! Erü ngẽxguma ngẽma cuxü̱xgu rü cugü cuxãũãchixẽxẽ.

Lebítanüxü̃arü puracüchiga 18:20 Referans Kwoze

Lebítanüxü̃arü puracüchiga 20:10

Rü ngẽxguma wüxi i yatü i ãmaxü̃ namücüma̱xmaxã inapexgu, rü ngẽma yatü rü noxtacüma tá peyama̱x. Rü ngẽxgumarüxü̃ ta i ngẽma ngexü̃ rü noxtacüma peyama̱x.

Ínachoxü̃xü̃chiga 20:14

¡Rü cuma nax cuxãxmagüxü̃ rü cuxãtegüxü̃ rü taxũtáma cugüechita nai i nge rüe̱xna nai ya yatümaxã cumaxü̃!

Popera ga Yudíugü ga yaxõgüxü̃ca̱x ümatüxü̃ 13:4

Rü ngẽma yatügü i ãmaxü̃ rü name i aixcüma naxma̱xü̃ nangechaü̃gü. Rü ngẽxgumarüxü̃ ta i ngexü̃gü, rü name i aixcüma mea natexü̃ nangechaxü̃gü. Rü name i naxma̱xmaxãxicatama rü natemaxãxicatama nanaxü i norü ngúchaü̃. Erü Tupana rü tá nüxna naca rü tá nanapoxcue i ngẽma duü̃xü̃gü i nai i ngexü̃maxã rü ẽ̱xna nai ya yatümaxã maxẽxü̃. Rü aixcüma tá tüxü̃ napoxcue ya guxãma ya yíxema naxma̱xna to i ngexü̃maxã maxü̃́xẽ rü ngẽma natena to i yatümaxã maxü̃́xẽ.

1 Corintios 6:9

¿Tama ẽ̱xna nüxü̃ pecua̱x nax ngẽma duü̃xü̃gü i chixexü̃ ügüxü̃ rü nataxuxü̃táma i nachica i Tupana ãẽ̱xgacü íyixĩxü̃wa? ¡Rü tama name i pegütama pewomüxẽxẽgü! Erü Tupana ãẽ̱xgacü íyixĩxü̃wa rü nataxutama i nachica i ngẽma duü̃xü̃gü i nai i ngexü̃maxã ipexü̃, rü ngẽma duü̃xü̃gü i tupananetachicüna̱xãxü̃ icua̱xüü̃güxü̃, rü ngẽma duü̃xü̃gü i naxma̱xẽchita rüe̱xna nateechita ngeãẽxü̃, rü ngẽma yatügü i naxrüxü̃ yatüxü̃maxã ngeãẽxü̃, rü ngẽma ngexü̃gü i naxrüxü̃ ngexü̃gümaxã ngeãẽxü̃, rü ngẽma ngĩ́ta̱xagüxü̃, rü ngẽma aüwa̱xegüxü̃, rü ngẽma ngãxẽwa̱xegüxü̃, rü ngẽma oregüta̱a̱xgüxü̃, rü ngẽma womüxẽẽwa̱xegüxü̃. Rü guxü̃ma i ngẽmagü rü nataxutama i nachica i Tupana ãẽ̱xgacü íyixĩxü̃wa.

Wenaxarü naxümatü ga Tupanaarü mugü 5:18

¡Rü cuma nax cuxãmaxü̃ rü taxũtáma nai i ngemaxã cumaxü̃! ¡Rü cuma nax cuãtexü̃ rü taxũtáma nai ya yatümaxã cumaxü̃!

Gálatas 5:19

Rü meama nango̱x nax ñuxãcü namaxẽxü̃ i ngẽma duü̃xü̃gü i naxü̃nearü ngúchaü̃ ügüxü̃. Rü nümagü rü nai i ngexü̃maxã namaxẽ, rü chixriãcü nügümaxã namaxẽ. Rü tama naxãnẽ nax ngẽmaãcü nügümaxã namaxẽxü̃.

Romanos 2:22

Rü pema nüxü̃ pixu nax tama namexü̃ nax nai i ngexü̃maxã ipexü̃, ¿rü tü̱xcüü̃ i pema i ngẽmaãcü pemaxẽxü̃? Rü pema nax naxchi pexaiexü̃ i ngẽma tupananetachicüna̱xãgü, ¿rü tü̱xcüü̃ i naxca̱x pengĩ́xü̃ i norü tupaucagüarü ngẽmaxü̃gü?

Maraquía 3:5

Rü nüma ya Cori ya Tupana ya Guxãétüwa Ngẽxmacü rü ñanagürü: —Choma rü tá aixcüma pexna chaca i perü chixexü̃ca̱x. Rü chomatátama nüxü̃ chixugüe i ngẽma yuüexü̃, rü ngẽma nai i ngexü̃maxã maxẽxü̃, rü ngẽma doramaxã nügü ípoxü̃xü̃, rü ngẽma norü puracütanüxü̃maxã rü ngẽma yutegüxemaxã, rü ngẽma taxcutagümaxã chixri icua̱xgüxü̃. Rü ngẽxgumarüxü̃ tá ta nüxü̃ chixugüe i ngẽma chixri tümamaxã icua̱xgüxü̃ ya duü̃xẽgü ya to i nachixü̃anecüã̱xgü, rü ngẽma tama chauga ĩnüexü̃ —ñanagürü.

Ucu̱xẽgüchiga 6:25

¡Taxṹ i norü mechametüca̱x, rü norü mexeneca̱x cugüxü̃́ cunangúchaü̃xẽxẽxü̃, rü taxṹ i cuxü̃ yayauxãxẽxü̃ ega cuxü̃ nadawenügu!

2 Chamué 11:27

Natürü yexguma marü nangupetüxgu ga nax naxaurexü̃, rü nüma ga Dabí rü nachiü̃wa ngĩxca̱x nangema, rü naxma̱xü̃ ngĩxü̃ nixĩxẽxẽ, rü nüxü̃́ ixãxacü. Natürü nüma ga Cori ya Tupana rü tama namaxã nataãxẽ ga yema Dabí üxü̃.

Wenaxarü naxümatü ga Tupanaarü mugü 22:25

Natürü ngẽxguma wüxi i yatü rü ngĩxica naanegu ngĩxü̃ nga̱u̱xgu i wüxi pacü i to i yatümaxã ãtechaü̃cü, rü ngẽxma ngĩxü̃ yayauxmaregu i ngẽma yatü, rü ngẽma pacü rü taxũtáma iyu, natürü nüma i ngẽma yatü i ngĩxü̃ iyaxuxü̃ rü tá nayama̱xgü.

Wenaxarü naxümatü ga Tupanaarü mugü 22:22

Rü ngẽxguma texé íyanguéxü̃gu i wüxi i yatü i wüxi i nge i ãtecümaxã maxü̃xü̃, rü ngẽma taxre rü tá yu namaxã naxuegugü. Rü ngẽmaãcü tá peyanaxoxẽxẽ i ngẽma chixexü̃ i Iraétanüxü̃tanüwa ngẽxmaxü̃.

Echequié 18:6

Rü yíxema rü tama natanügu taxã i ngẽxguma togü ma̱xpǘnegüwa taxü̃ i õna naxügügu nax norü tupananetachicüna̱xãgüxü̃ yacua̱xüü̃güxü̃ca̱x. Rü tama nüxü̃́ tayaxõ i ngẽma Iraétanüxü̃arü tupananetagü. Rü yíxema rü tama tümamücüxü̃ tayapu̱xma̱x, rü tama tümama̱xmaxã tamaxü̃ ega ngẽxguma tümaarü da̱xawexü̃newa tangexmagu.