Lebítanüxü̃arü puracüchiga 18:17 - Tupanaarü Ore

¹⁷ ¡Rü taxṹ i cuxunearü ngúchaü̃ ngĩmaxã cuxü i wüxi i nge, rü ñu̱xũchi ngĩxacümaxã rü ta! ¡Rü taxṹ i ngĩtaxamaxã cuxunearü ngúchaü̃ cuxüxü̃! Rü woo ega ngĩnexacü tixĩxgu, rüe̱xna ngĩxacüxacü tixĩxgu, rü tama name nax ngĩmaxã cuxunearü ngúchaü̃ cuxüxü̃. Rü ngẽma rü wüxi i nacüma i chixexü̃ nixĩ, erü tügütanüxü̃ tixĩgü.

Lebítanüxü̃arü puracüchiga 18:17 Referans Kwoze

Lebítanüxü̃arü puracüchiga 20:14

Rü ngẽxguma wüxi i yatüxü̃ rü wüxi i ngexü̃maxã naxãxma̱xgu rü ñu̱xũchi ngĩémaxãtama naxãxma̱xgu, rü wüxi i pecadu i poraãcü chixexü̃ nixĩ i ngẽma naxüxü̃. Rü ngẽmaca̱x i nüma i ngẽma yatü rü ñu̱xũchi ngẽma taxre i ngexü̃gü rü name nax wüxicana maxü̃ãcü ípenaguxü̃. Rü ngẽmaãcü tá petanüwa inarüxo i ngẽma nacüma i chixexü̃.

Amúx 2:7

Rü chixri namaxã pecua̱xgü i ngẽma chixeparagüxü̃. Rü tama tümaétüwa pidexagü ya yíxema taxuxü̃ma tüxü̃́ ngẽxmagüxe. Rü ngẽma papa rü ngẽma nane rü wüxitama i ngexü̃maxã namaxẽ. Rü ngẽmaãcü penaxãũãchixẽxẽ i chauéga i üünexü̃.

Wenaxarü naxümatü ga Tupanaarü mugü 27:23

“Rü ngẽma duü̃xü̃ i na̱xẽmaxã maxü̃xü̃ rü chixexü̃wa nangẽxma”. Rü ngẽxguma i guxü̃ma i duü̃xü̃gü rü “Ngẽmaãcü yixĩ”, ñanagürügü tá.

Lebítanüxü̃arü puracüchiga 18:18

¡Rü taxṹ i cuxma̱xeya̱xmaxã cuxãmaxü̃ rü cuxunearü ngúchaü̃ ngĩmaxã cuxüxü̃ ega namaxyane i cuxma̱x nax tama ngĩgüchi naxaiexü̃ca̱x!