Lebítanüxü̃arü puracüchiga 18:16 - Tupanaarü Ore

¹⁶ ¡Rü taxṹ i cuenexẽ naxma̱xmaxã cuxunearü ngúchaü̃ cuxüxü̃! Rü ngẽxguma ngẽma cuxü̱xgu rü tama tüxü̃ cungechaü̃ ya cuenexẽ.

Lebítanüxü̃arü puracüchiga 18:16 Referans Kwoze

Wenaxarü naxümatü ga Tupanaarü mugü 25:5

Rü ngẽxguma chi taxre i nügüenexẽgü rü wüxitama ya ĩpatawa namaxẽgu rü chi wüxi rü taguma naxãxacüyane nayu̱xgu, rü ngẽxguma ya yíxema naxma̱x ya tüxna nayuxe rü taxucürüwa taxãte namaxã i tomare i yatü i tama tümate ya tüxna yucütanüxü̃ ixĩxü̃. Rü yimá naenexẽ ya tümate tá nixĩ ya ngĩmaxã ãmacü. Rü ngẽmaãcü tá nayanguxẽxẽ nax naenexẽchicüxü nüxü̃́ naxãxacüxü̃ca̱x.

Lebítanüxü̃arü puracüchiga 20:21

Rü ngẽxguma wüxi i yatü rü naenexẽma̱xmaxã namaxü̃gu, rü tama naenexẽxü̃ nangechaü̃. Rü ngẽma rü wüxi i chixexü̃ nixĩ. Rü ngẽma taxre rü tá nangexacügü.

Ore i mexü̃ ga Márcu ümatüxü̃ 12:19

—Pa Ngúexẽxẽruxü̃, Moichéarü mugüwa rü ñanagürü: “Rü ngẽxguma wüxi ya yatü naxma̱x ngexacüyane nayu̱xgu, rü name nixĩ i naenexẽtama ngĩmaxã naxãxma̱x i ngẽma yutecü i naxüma̱x, nax ngẽmaãcü naxãxacüxü̃ca̱x ya naenexẽ ga marü yucü”, ñanagürü ga yema ore.

Ore i mexü̃ ga Matéu ümatüxü̃ 22:24

—Pa Ngúexẽxẽruxü̃x, Moiché nüxü̃ ixuxgu rü ngẽxguma wüxi ya yatü naxãxma̱x rü nangexacüyane nayu̱xgu, rü name nixĩ i naenexẽtama ngĩmaxã naxãxma̱x i ngẽma yutecü i naxüma̱x, nax ngẽmaãcü naxãxacüxü̃ca̱x nüxü̃́ ya yimá naenexẽ ya marü yucü —ñanagürü ga yema ore.

Ore i mexü̃ ga Luca ümatüxü̃ 3:19

Rü Cuáü̃ rü ãẽ̱xgacü ga Eródexü̃ naxoregü, yerü ngĩmaxã naxãxma̱x ga Erodía ga naenexẽ ga Ferípe naxma̱x. Rü yexgumarüxü̃ ta nüxü̃ naxoregü naxca̱x ga yema togü ga chixexü̃ ga naxüxü̃.

Ore i mexü̃ ga Márcu ümatüxü̃ 6:17

Rü yema ñanagürü ga Eróde yerü ü̃pa Cuáü̃xü̃ niyaxu rü poxcupataü̃gu cadénamaxã nayachota. Rü yemaacü nanaxü ngĩgagu ga Erodía ga naenexẽ ga Ferípema̱xchire̱x ixĩcü. Natürü ga Eróde rü ngĩmaxã naxãxma̱x.